ಪರ್ತ್ ಟೆಸ್ಟ್: ವಿಂಡೀಸ್ ವಿರುದ್ಧ ಆಸ್ಟ್ರೇಲಿಯಾಕ್ಕೆ ಮೊದಲ ಇನಿಂಗ್ಸ್ ಮುನ್ನಡೆ

ಮೊದಲ ಇನಿಂಗ್ಸ್‌ನಲ್ಲಿ ಆಸ್ಟ್ರೇಲಿಯಾ ತಂಡವು 598 ರನ್‌ಗಳನ್ನು ಗಳಿಸಿ ಡಿಕ್ಲೇರ್ ಮಾಡಿತ್ತು. ಅದಕ್ಕುತ್ತರವಾಗಿ ವಿಂಡೀಸ್ ತಂಡವು 98. 2 ಓವರ್‌ಗಳಲ್ಲಿ 283 ರನ್ ಗಳಿಸಿ ಆಲೌಟ್ ಆಯಿತು. 315 ರನ್‌ಗಳ ಮುನ್ನಡೆ ಗಳಿಸಿದ ಆಸ್ಟ್ರೇಲಿಯಾ ಎರಡನೇ ಇನಿಂಗ್ಸ್ ಆರಂಭಿಸಿದ್ದು, 1 ವಿಕೆಟ್‌ ಕಳೆದುಕೊಂಡು 29 ರನ್ ಗಳಿಸಿದೆ.

ವಿಂಡೀಸ್ ಇನಿಂಗ್ಸ್‌ಗೆ ಬ್ರೇಥ್‌ವೇಟ್ (64; 166ಎ, 4X5, 6X1) ಮತ್ತು ತೇಜನಾರಾಯಣ ಚಂದ್ರಪಾಲ್ (51; 79ಎ, 4X7, 6X1) ಉತ್ತಮ ಆರಂಭ ನೀಡಿದರು. ಆದರೆ ವಿಂಡೀಸ್ ಬ್ಯಾಟರ್‌ಗಳು ದೊಡ್ಡ ಮೊತ್ತ ಗಳಿಸದಂತೆ ಪ್ಯಾಟ್ ಕಮಿನ್ಸ್ (34ಕ್ಕೆ3) ಹಾಗೂ ಸ್ಟಾರ್ಕ್ (51ಕ್ಕೆ3) ತಡೆಯೊಡ್ಡಿದರು. ಸ್ಪಿನ್ನರ್ ನೇಥನ್ ಲಯನ್ (61ಕ್ಕೆ2) ಕೂಡ ಉತ್ತಮವಾಗಿ ಬೌಲಿಂಗ್ ಮಾಡಿದರು.

ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್: ಆಸ್ಟ್ರೇಲಿಯಾ: 4ಕ್ಕೆ598ಡಿಕ್ಲೇರ್ಡ್, ವೆಸ್ಟ್ ಇಂಡೀಸ್: 98.2 ಓವರ್‌ಗಳಲ್ಲಿ 283 (ಕ್ರೇಗ್ ಬ್ರೇಥ್‌ವೇಟ್ 64, ತೇಜನಾರಾಯಣ ಚಂದ್ರಪಾಲ್ 51, ಬ್ಲ್ಯಾಕ್‌ವುಡ್ 36, ಜೇಸನ್ ಹೋಲ್ಡರ್ 27, ಶಾಮರ್ ಬ್ರೂಕ್ಸ್ 33, ಮಿಚೆಲ್ ಸ್ಟಾರ್ಕ್ 51ಕ್ಕೆ3, ಪ್ಯಾಟ್ ಕಮಿನ್ಸ್ 34ಕ್ಕೆ3, ನೇಥನ್ ಲಯನ್ 61ಕ್ಕೆ2) ಎರಡನೇ ಇನಿಂಗ್ಸ್: ಆಸ್ಟ್ರೇಲಿಯಾ: 11 ಓವರ್‌ಗಳಲ್ಲಿ 1 ವಿಕೆಟ್‌ಗೆ 29 (ಡೇವಿಡ್ ವಾರ್ನರ್ ಬ್ಯಾಟಿಂಗ್ 17, ಮಾರ್ನಸ್ ಲಾಬುಷೇನ್ ಬ್ಯಾಟಿಂಗ್ 3)