<p>ನವದೆಹಲಿ: ಐಸಿಸಿ ಟಿ20 ವಿಶ್ವಕಪ್ ಗೆದ್ದ ಸೂರ್ಯಕುಮಾರ್ ಯಾದವ್ ನಾಯಕತ್ವದ ಭಾರತ ತಂಡಕ್ಕೆ ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿಯು (ಬಿಸಿಸಿಐ) ಮಂಗಳವಾರ ₹131 ಕೋಟಿ ಬಹುಮಾನ ಘೋಷಿಸಿದೆ.</p><p>15 ಆಟಗಾರರ ಜೊತೆ ಕೋಚಿಂಗ್ ಸಿಬ್ಬಂದಿ ಮತ್ತು ಇತರ ನೆರವು ಸಿಬ್ಬಂದಿಗೂ ಈ ಬಹುಮಾನ ಮೊತ್ತದಲ್ಲಿ ಪಾಲು ಸಿಗಲಿದೆ. ಆದರೆ ಆಟಗಾರರಿಗೆ ಸಿಂಹಪಾಲು ಸಿಗಲಿದೆ. ನೆರವು ಸಿಬ್ಬಂದಿಗೆ ಶ್ರೇಣಿಗೆ ಅನುಗುಣವಾಗಿ ಬಹುಮಾನ ಮೊತ್ತದ ನಿರ್ಧಾರ ಆಗಲಿದೆ.</p><p>2024ರಲ್ಲಿ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ ವೆಸ್ಟ್ ಇಂಡೀಸ್ನಲ್ಲಿ ಟಿ20 ವಿಶ್ವಕಪ್ ಗೆದ್ದಾಗ ಬಿಸಿಸಿಐ ₹125 ಕೋಟಿ ಬಹುಮಾನ ಘೋಷಿಸಿತ್ತು. ಆ ಮೊತ್ತದಲ್ಲಿ ಆರು ಕೋಟಿ ಹೆಚ್ಚಳವಾಗಿದೆ. ಮೂಲಗಳ ಪ್ರಕಾರ ತಂಡದಲ್ಲಿದ್ದ 15 ಆಟಗಾರರು ತಲಾ ₹6 ಕೋಟಿ ಗಳಿಸಲಿದ್ದಾರೆ. ಉಳಿದ ₹41 ಕೋಟಿ ಮೊತ್ತವನ್ನು ಇತರ ಕೋಚಿಂಗ್ ಸಿಬ್ಬಂದಿಗೆ ಹಂಚಲಾಗುತ್ತದೆ.</p><p>‘ವಿಶ್ವಕಪ್ ಗೆದ್ದ ಚಾರಿತ್ರಿಕ ಸಾಧನೆಗಾಗಿ ಭಾರತ ತಂಡದ ಆಟಗಾರರು, ನೆರವು ಸಿಬ್ಬಂದಿ, ಆಯ್ಕೆಗಾರರನ್ನು ಮಂಡಳಿಯುಅಭಿನಂದಿಸುತ್ತದೆ. ಭವಿಷ್ಯದಲ್ಲೂ ಯಶಸ್ಸು ಮುಂದುವರಿಯಲೆಂದು ಅವರಿಗೆ ಹಾರೈಸುತ್ತದೆ’ ಎಂದು ಬಿಸಿಸಿಐ ಕಾರ್ಯದರ್ಶಿ ದೇವಜಿತ್ ಸೈಕಿಯಾ ತಿಳಿಸಿದ್ದಾರೆ.</p><p>ಭಾನುವಾರ ಅಹಮದಾಬಾದಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಟಿ20 ವಿಶ್ವಕಪ್ ಫೈನಲ್ನಲ್ಲಿ ಸೂರ್ಯಕುಮಾರ್ ಯಾದವ್ ನೇತೃತ್ವದ ಭಾರತ ತಂಡ 96 ರನ್ಗಳಿಂದ ನ್ಯೂಜಿಲೆಂಡ್ ತಂಡವನ್ನು ಪರಾಭವಗೊಳಿಸಿತ್ತು.</p><p>ಈ ಗೆಲುವಿನೊಡನೆ ಭಾರತ ಸತತ ವಾಗಿ ಎರಡು ಬಾರಿ ವಿಶ್ವ ಚಾಂಪಿಯನ್ ಆದ ಮೊದಲ ತಂಡ ಎನಿಸಿತ್ತು. ಮಾತ್ರವಲ್ಲದೇ ಚುಟುಕು ಮಾದರಿಯಲ್ಲಿ ಅತ್ಯಂತ ಯಶಸ್ವಿ ತಂಡವೆಂಬ ತನ್ನ ಸ್ಥಾನವನ್ನು ಗಟ್ಟಿಗೊಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನವದೆಹಲಿ: ಐಸಿಸಿ ಟಿ20 ವಿಶ್ವಕಪ್ ಗೆದ್ದ ಸೂರ್ಯಕುಮಾರ್ ಯಾದವ್ ನಾಯಕತ್ವದ ಭಾರತ ತಂಡಕ್ಕೆ ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿಯು (ಬಿಸಿಸಿಐ) ಮಂಗಳವಾರ ₹131 ಕೋಟಿ ಬಹುಮಾನ ಘೋಷಿಸಿದೆ.</p><p>15 ಆಟಗಾರರ ಜೊತೆ ಕೋಚಿಂಗ್ ಸಿಬ್ಬಂದಿ ಮತ್ತು ಇತರ ನೆರವು ಸಿಬ್ಬಂದಿಗೂ ಈ ಬಹುಮಾನ ಮೊತ್ತದಲ್ಲಿ ಪಾಲು ಸಿಗಲಿದೆ. ಆದರೆ ಆಟಗಾರರಿಗೆ ಸಿಂಹಪಾಲು ಸಿಗಲಿದೆ. ನೆರವು ಸಿಬ್ಬಂದಿಗೆ ಶ್ರೇಣಿಗೆ ಅನುಗುಣವಾಗಿ ಬಹುಮಾನ ಮೊತ್ತದ ನಿರ್ಧಾರ ಆಗಲಿದೆ.</p><p>2024ರಲ್ಲಿ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ ವೆಸ್ಟ್ ಇಂಡೀಸ್ನಲ್ಲಿ ಟಿ20 ವಿಶ್ವಕಪ್ ಗೆದ್ದಾಗ ಬಿಸಿಸಿಐ ₹125 ಕೋಟಿ ಬಹುಮಾನ ಘೋಷಿಸಿತ್ತು. ಆ ಮೊತ್ತದಲ್ಲಿ ಆರು ಕೋಟಿ ಹೆಚ್ಚಳವಾಗಿದೆ. ಮೂಲಗಳ ಪ್ರಕಾರ ತಂಡದಲ್ಲಿದ್ದ 15 ಆಟಗಾರರು ತಲಾ ₹6 ಕೋಟಿ ಗಳಿಸಲಿದ್ದಾರೆ. ಉಳಿದ ₹41 ಕೋಟಿ ಮೊತ್ತವನ್ನು ಇತರ ಕೋಚಿಂಗ್ ಸಿಬ್ಬಂದಿಗೆ ಹಂಚಲಾಗುತ್ತದೆ.</p><p>‘ವಿಶ್ವಕಪ್ ಗೆದ್ದ ಚಾರಿತ್ರಿಕ ಸಾಧನೆಗಾಗಿ ಭಾರತ ತಂಡದ ಆಟಗಾರರು, ನೆರವು ಸಿಬ್ಬಂದಿ, ಆಯ್ಕೆಗಾರರನ್ನು ಮಂಡಳಿಯುಅಭಿನಂದಿಸುತ್ತದೆ. ಭವಿಷ್ಯದಲ್ಲೂ ಯಶಸ್ಸು ಮುಂದುವರಿಯಲೆಂದು ಅವರಿಗೆ ಹಾರೈಸುತ್ತದೆ’ ಎಂದು ಬಿಸಿಸಿಐ ಕಾರ್ಯದರ್ಶಿ ದೇವಜಿತ್ ಸೈಕಿಯಾ ತಿಳಿಸಿದ್ದಾರೆ.</p><p>ಭಾನುವಾರ ಅಹಮದಾಬಾದಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಟಿ20 ವಿಶ್ವಕಪ್ ಫೈನಲ್ನಲ್ಲಿ ಸೂರ್ಯಕುಮಾರ್ ಯಾದವ್ ನೇತೃತ್ವದ ಭಾರತ ತಂಡ 96 ರನ್ಗಳಿಂದ ನ್ಯೂಜಿಲೆಂಡ್ ತಂಡವನ್ನು ಪರಾಭವಗೊಳಿಸಿತ್ತು.</p><p>ಈ ಗೆಲುವಿನೊಡನೆ ಭಾರತ ಸತತ ವಾಗಿ ಎರಡು ಬಾರಿ ವಿಶ್ವ ಚಾಂಪಿಯನ್ ಆದ ಮೊದಲ ತಂಡ ಎನಿಸಿತ್ತು. ಮಾತ್ರವಲ್ಲದೇ ಚುಟುಕು ಮಾದರಿಯಲ್ಲಿ ಅತ್ಯಂತ ಯಶಸ್ವಿ ತಂಡವೆಂಬ ತನ್ನ ಸ್ಥಾನವನ್ನು ಗಟ್ಟಿಗೊಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
