IPL: ಹನಿಟ್ರ್ಯಾಪ್ ಆತಂಕ; ಆಟಗಾರರ ಕೊಠಡಿಗೆ ಅನಧಿಕೃತ ಪ್ರವೇಶ ನಿಷೇಧಿಸಿದ ಬಿಸಿಸಿಐ

ಐಪಿಎಲ್ ಆಟಗಾರರು ಮತ್ತು ಸಹಾಯಕ ಸಿಬ್ಬಂದಿ ತಂಗಿರುವ ಹೋಟೆಲ್ ಕೊಠಡಿಗಳಿಗೆ ಹೊರಗಿನವರ ಅನಧಿಕೃತ ಪ್ರವೇಶವನ್ನು ಬಿಸಿಸಿಐ ಸಂಪೂರ್ಣವಾಗಿ ನಿಷೇಧಿಸಿದೆ.

ಹನಿಟ್ರ್ಯಾಪ್, ಕಾನೂನು ಸಮಸ್ಯೆಗಳು ಮತ್ತು ಭದ್ರತಾ ಅಪಾಯಗಳ ಸಾಧ್ಯತೆಯನ್ನು ಗಮನದಲ್ಲಿಟ್ಟುಕೊಂಡು ಬಿಸಿಸಿಐ ಈ ಕಠಿಣ ನಿರ್ಧಾರ ಕೈಗೊಂಡಿದೆ.

ತಂಡದ ಸಿಬ್ಬಂದಿ ಅಥವಾ ಆಟಗಾರರನ್ನು ಭೇಟಿ ಮಾಡಲು ಬಯಸುವವರು ಇನ್ನು ಮುಂದೆ ತಂಡದ ಮ್ಯಾನೇಜರ್‌ನಿಂದ ಲಿಖಿತ ಅನುಮತಿ ಕಡ್ಡಾಯವಾಗಿ ಪಡೆಯಬೇಕು.

ಕೆಲವು ಆಟಗಾರರು ತಂಡದ ಮ್ಯಾನೇಜರ್‌ಗೆ ತಿಳಿಸದೆ ಅತಿಥಿಗಳನ್ನು ಕೊಠಡಿಗೆ ಕರೆಸಿಕೊಳ್ಳುತ್ತಿರುವುದನ್ನು ಬಿಸಿಸಿಐನ ಭ್ರಷ್ಟಾಚಾರ ನಿಗ್ರಹ ಘಟಕ ಗಮನಿಸಿದೆ.

ಟೂರ್ನಿಯ ಘನತೆ ಕಾಪಾಡಲು ಮತ್ತು ಭದ್ರತಾ ಮಾನದಂಡಗಳನ್ನು ಬಲಪಡಿಸಲು ಎಲ್ಲಾ ತಂಡಗಳಿಗೆ ಹೊಸ ಪ್ರಮಾಣಿತ ಕಾರ್ಯಾಚರಣಾ ವಿಧಾನವನ್ನು (SOP) ಜಾರಿಗೊಳಿಸಲಾಗಿದೆ.