‘ಉಭಯರಾಷ್ಟ್ರ’ ಕ್ರಿಕೆಟ್ ಆಟಗಾರ ರಂಕಿನ್ ನಿವೃತ್ತಿ

2003ರಲ್ಲಿ ಐರ್ಲೆಂಡ್ ತಂಡದ ಪರವಾಗಿ ಪದಾರ್ಪಣೆ ಪಂದ್ಯ ಆಡಿದ ಅವರು 2020ರಲ್ಲಿ ಗ್ರೇಟರ್ ನೊಯ್ಡಾದಲ್ಲಿ ನಡೆದ ಅಫ್ಗಾನಿಸ್ಥಾನ ಎದುರಿನ ಟಿ20 ಪಂದ್ಯದಲ್ಲಿ ದೇಶದ ಪರವಾಗಿ ಕೊನೆಯದಾಗಿ ಕಣಕ್ಕೆ ಇಳಿದಿದ್ದರು. ಇಂಗ್ಲೆಂಡ್ ತಂಡದಲ್ಲಿ 2013–14ನೇ ಸಾಲಿನ ಆ್ಯಷಸ್ ಟೆಸ್ಟ್ ಸರಣಿ, ಏಳು ಏಕದಿನ ಮತ್ತು ಎರಡು ಟಿ20 ಪಂದ್ಯಗಳಲ್ಲಿ ಆಡಿದ್ದಾರೆ.

2017ರಲ್ಲಿ ಐರ್ಲೆಂಡ್ ತಂಡ ಟೆಸ್ಟ್ ಮಾನ್ಯತೆ ಗಳಿಸಿದ ನಂತರ ಆ ತಂಡ ಸೇರಿಕೊಂಡರು. ಮೂರು ಟೆಸ್ಟ್, 75 ಏಕದಿನ ಮತ್ತು 50 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಎರಡು ರಾಷ್ಟ್ರಗಳ ಟೆಸ್ಟ್ ತಂಡಗಳಲ್ಲಿ ಆಡಿದ 15 ಆಟಗಾರರಲ್ಲಿ ರಂಕಿನ್ ಒಬ್ಬರು.