ಗುರುವಾರ , ಸೆಪ್ಟೆಂಬರ್ 24, 2020
27 °C

ಕುಸ್ತಿಪಟು ದೀಪಕ್‌ ಪುನಿಯಾಗೆ ಕೋವಿಡ್

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ವಿಶ್ವ ಕುಸ್ತಿ ಚಾಂಪಿಯನ್‌ಷಿಪ್‌ನ ಬೆಳ್ಳಿ ಪದಕ ವಿಜೇತ ದೀಪಕ್ ಪುನಿಯಾ ಸೇರಿದಂತೆ ಮೂವರು ಹಿರಿಯ ಕುಸ್ತಿಪಟುಗಳಿಗೆ ಕೋವಿಡ್ –19 ಸೋಂಕು ಇರುವುದು ಗುರುವಾರ ಖಚಿತವಾಗಿದೆ.

ಒಲಿಂಪಿಕ್ಸ್‌ಗೆ ತೆರಳಲು ಸಿದ್ಧತೆ ನಡೆಸುತ್ತಿರುವ ದೀಪಕ್ (86 ಕೆ.ಜಿ) ಮತ್ತು ಇನ್ನಿಬ್ಬರು ಕುಸ್ತಿಪಟುಗಳಾದ ನವೀನ್ (65 ಕೆ.ಜಿ) ಮತ್ತು ಕೃಷನ್ (125 ಕೆ.ಜಿ) ಅವರಿಗೆ ಸೋಂಕು ತಗುಲಿರುವುದು ಪರೀಕ್ಷೆಗಳಿಗೆ ಖಚಿತಪಟ್ಟಿದೆ.

ಸೋನೆಪತ್‌ನಲ್ಲಿರುವ ಭಾರತೀಯ ಕ್ರೀಡಾ ಪ್ರಾಧಿಕಾರದಲ್ಲಿ ಆಯೋಜಿಸಿರುವ ರಾಷ್ಟ್ರೀಯ ಶಿಬಿರದಲ್ಲಿ ಈ ಮೂವರೂ ಇದ್ದರು.

‘ಪುರುಷರ ವಿಭಾಗದ ಮೂವರು ಕುಸ್ತಿಪಟುಗಳಿಗೆ ಸೋಂಕು ತಗುಲಿದೆ’ ಎಂದುಸಾಯ್‌ನ ನೋಡಲ್ ಅಧಿಕಾರಿಗಳು ಪ್ರಕಟಣೆ ನೀಡಿದ್ದಾರೆ.

ಸಾಯ್‌ ಮಾನ್ಯತೆ ಹೊಂದಿರುವ ಆಸ್ಪತ್ರೆಗೆ ಮೂವರನ್ನೂ ದಾಖಲಿಸಲಾಗಿದೆ.

‘ನನಗೆ ಯಾವುದೇ ರೀತಿಯ ರೋಗಲಕ್ಷಣಗಳಿಲ್ಲ. ಅಸ್ವಸ್ಥವಾಗಿರುವ ಯಾವ ಅನುಭವವೂ ನನಗಾಗಿಲ್ಲ. ಪೂರ್ಣ ಆರೋಗ್ಯವಂತನಾಗಿದ್ದೇನೆ. ಆದರೆ ನನ್ನಲ್ಲಿ ಸೋಂಕು ಇದೆಯೆಂದು ಹೇಳುತ್ತಿರುವುದು ಹೇಗೋ ತಿಳಿಯುತ್ತಿಲ್ಲ.  ಆದರೆ ಇದರಿಂದ ನಾನು ವಿಚಲಿತನಾಗಿಲ್ಲ’ ಎಂದು ದೀಪಕ್ ಪುನಿಯಾ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.

ಸಾಯ್‌ಗೆ ಬಂದಿಳಿದಿರುವ ಎಲ್ಲ ಕುಸ್ತಿಪಟುಗಳ ಕೋವಿಡ್ ಪರೀಕ್ಷೆ ಮಾಡಲಾಗಿದೆ. ಹೊಸ ಮಾರ್ಗಸೂಚಿಗಳನ್ವಯ ಎಲ್ಲ ವ್ಯವಸ್ಥೆಗಳನ್ನೂ ನಿರ್ವಹಿಸಲಾಗುತ್ತಿದೆ. ಕುಸ್ತಿಪಟುಗಳು, ಕೋಚ್‌ ಮತ್ತು ನೆರವು ಸಿಬ್ಬಂದಿಗೆ ಆರ್‌ಟಿ–ಪಿಸಿ ಆರ್‌ ಪರೀಕ್ಷೆಗಳನ್ನು ಕಡ್ಡಾಯವಾಗಿ ಮಾಡಲಾಗಿದೆ.

‘ಎರಡು ದಿನಗಳ ನಂತರ ಮೂವರನ್ನು ಮತ್ತೊಮ್ಮೆ ಪರೀಕ್ಷೆಗೊಳಪಡಿಸಲಾಗುವುದು. ಅವರ ವರದಿಯು ನೆಗೆಟಿವ್ ಎಂದು ಬಂದರೆ ಮರಳಿ ಸಾಯ್‌ಗೆ ಕರೆತರುತ್ತೇವೆ’ ಎಂದು ಭಾರತ ಕುಸ್ತಿ ಫೆಡರೇಷನ್ (ಡಬ್ಲ್ಯುಎಫ್‌ಐ) ಸಹಾಯಕ ಕಾರ್ಯದರ್ಶಿ ವಿನೋದ್ ತೋಮರ್ ಹೇಳಿದ್ದಾರೆ.

‘ ಈ ಪ್ರಕರಣದಿಂದ ಶಿಬಿರಕ್ಕೆ ಯಾವುದೇ ಆತಂಕವಿಲ್ಲ. ಯೋಜನೆಯಂತೆಯೇ ಶಿಬಿರ ಮುಂದುವರಿಯುವುದು. ಎಲ್ಲ ಕುಸ್ತಿಪಟುಗಳು 14 ದಿನಗಳ ಪ್ರತ್ಯೇಕವಾಸ ಮುಗಿಸಿದ ನಂತರ ತರಬೇತಿ ಶಿಬಿರದಲ್ಲಿ ಭಾಗವಹಿಸುವರು’ ಎಂದು ತೋಮರ್ ಸ್ಪಷ್ಟಪಡಿಸಿದ್ದಾರೆ.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು