ನವದೆಹಲಿ: ದಕ್ಷಿಣ ಆಫ್ರಿಕಾದ ಹಿರಿಯ ಕ್ರಿಕೆಟಿಗ ಜಾಂಟಿ ರೋಡ್ಸ್, ಭಾನುವಾರ ನಡೆಯುವ ಡೆಲ್ಲಿ ಹಾಫ್ ಮ್ಯಾರಥಾನ್ನಲ್ಲಿ ಕಣಕ್ಕಿಳಿಯಲಿದ್ದಾರೆ.
ಜಾಂಟಿ ಅವರು ‘ಗ್ರೇಟ್ ಡೆಲ್ಲಿ ರನ್’ ವಿಭಾಗದಲ್ಲಿ ಸ್ಪರ್ಧಿಸಲಿದ್ದಾರೆ.
ಹಾಫ್ ಮ್ಯಾರಥಾನ್, ಓಪನ್ 10ಕೆ ರನ್, ಗ್ರೇಟ್ ಡೆಲ್ಲಿ ರನ್, ಸೀನಿಯರ್ ಸಿಟಿಜನ್ಸ್ ರನ್ ಮತ್ತು ಚಾಂಪಿಯನ್ಸ್ ವಿಥ್ ಡಿಸಬಿಲಿಟಿ ವಿಭಾಗಗಳಲ್ಲಿ ಸ್ಪರ್ಧೆಗಳು ನಡೆಯಲಿದ್ದು ಒಟ್ಟು 34,000 ಮಂದಿ ಭಾಗವಹಿಸುವ ನಿರೀಕ್ಷೆ ಇದೆ.
49 ವರ್ಷ ವಯಸ್ಸಿನ ಜಾಂಟಿ, 2003ರಲ್ಲಿ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದರು. ಅವರು 52 ಟೆಸ್ಟ್ ಮತ್ತು 245 ಏಕದಿನ ಪಂದ್ಯಗಳಲ್ಲಿ ಹರಿಣಗಳ ನಾಡಿನ ತಂಡದ ಪರ ಆಡಿದ್ದರು.