ಹೈದರಾಬಾದ್: ಇಂಧನ ಬೆಲೆಯಲ್ಲಿ ಕೇವಲ 9 ಪೈಸೆ ಇಳಿಕೆ ಮಾಡಿದ ಕೇಂದ್ರ ಸರ್ಕಾರದ ನಿರ್ಧಾರವನ್ನು ಖಂಡಿಸಿ ತೆಲಂಗಾಣದ ನಿವಾಸಿಯೊಬ್ಬರು ಪ್ರಧಾನಿಮಂತ್ರಿ ಪರಿಹಾರ ನಿಧಿಗೆ 9 ಪೈಸೆ ಚೆಕ್ ನೀಡಿ ಪ್ರತಿಭಟಿಸಿದ್ದಾರೆ.
ಇಲ್ಲಿನ ಸಿರ್ಸಿಲ್ಲಾ ಜಿಲ್ಲೆಯ ವಿ. ಚಂದ್ರಯ್ಯ ಎಂಬವರು ಪ್ರಜಾ ವಾಣಿ ಕಾರ್ಯಕ್ರಮದಲ್ಲಿ ಜಿಲ್ಲಾಧಿಕಾರಿಗೆ ಈ ಚೆಕ್ ಹಸ್ತಾಂತರಿಸಿದ್ದಾರೆ.
ಇಂಧನ ಬೆಲೆಯಲ್ಲಿ ನೀವು 9 ಪೈಸೆ ಇಳಿಕೆ ಮಾಡಿದ್ದಾರೆ. ಪೆಟ್ರೋಲ್ ಬೆಲೆಯಲ್ಲಾದ ಈ ಇಳಿಕೆಯಿಂದ ನಾನು ಉಳಿಸಿದ 9 ಪೈಸೆಯನ್ನು ಪ್ರಧಾನಮಂತ್ರಿ ಪರಿಹಾರನಿಧಿಗೆ ನೀಡುತ್ತಿದ್ದೇನೆ. ಈ ಹಣವನ್ನು ಉತ್ತಮ ಕಾರ್ಯಕ್ಕಾಗಿ ಬಳಸಲಾಗುತ್ತದೆ ಎಂಬ ಆಶಯ ನನ್ನದು ಎಂದು ಚಂದ್ರಯ್ಯ ಹೇಳಿದ್ದಾರೆ.
