<p><strong>ಹ್ಯಾಮಿಲ್ಟನ್</strong>: ಡೆವಾನ್ ಕಾನ್ವೆ ಅವರ ಬಿರುಸಿನ ಅರ್ಧ ಶತಕದ ನೆರವಿನಿಂದ ನ್ಯೂಜಿಲೆಂಡ್ ತಂಡ ಎರಡನೇ ಟಿ20 ಪಂದ್ಯದಲ್ಲಿ ಮಂಗಳವಾರ ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡವನ್ನು 68 ರನ್ಗಳಿಂದ ಸೋಲಿಸಿತು.</p>.<p>ಇದರಿಂದ ಐದು ಪಂದ್ಯಗಳ ಸರಣಿ ಈಗ 1–1 ರಲ್ಲಿ ಸಮಬಲಗೊಂಡಿದೆ. ಮೌಂಟ್ ಮಾಂಗಾನೂಯಿಯಲ್ಲಿ ಭಾನುವಾರ ನಡೆದ ಮೊದಲ ಪಂದ್ಯವನ್ನು ಹರಿಣಗಳ ಪಡೆ 7 ವಿಕೆಟ್ಗಳಿಂದ ಜಯಿಸಿತ್ತು. ಸರಣಿಯ ಮೂರನೇ ಪಂದ್ಯ ಅಕ್ಲೆಂಡ್ನಲ್ಲಿ ಶುಕ್ರವಾರ ನಡೆಯಲಿದೆ. </p>.<p>ಹ್ಯಾಮಿಲ್ಟನ್ನ ಸೆಡನ್ಪಾರ್ಕ್ನಲ್ಲಿ ಬ್ಯಾಟ್ ಮಾಡಲು ಕಳುಹಿಸಲ್ಪಟ್ಟ ನ್ಯೂಜಿಲೆಂಡ್ 6 ವಿಕೆಟ್ಗೆ 175 ರನ್ಗಳ ಹೋರಾಟದ ಮೊತ್ತ ಗಳಿಸಿತು. ಎಡಗೈ ಬ್ಯಾಟರ್ ಕಾನ್ವೆ 49 ಎಸೆತಗಳಿಂದ 60 ರನ್ ಬಾರಿಸಿದರು. </p>.<p>ದಕ್ಷಿಣ ಆಫ್ರಿಕಾ ಆರಂಭದಲ್ಲೇ ಕುಸಿಯಿತು. 31 ರನ್ಗಳಾಗುವಷ್ಟರಲ್ಲಿ 3 ವಿಕೆಟ್ ಕಳೆದುಕೊಂಡ ಹರಿಣಗಳ ಪಡೆ ನಂತರ ಹೋರಾಟ ತೋರಲಿಲ್ಲ. 15.3 ಓವರುಗಳಲ್ಲಿ 107 ರನ್ಗಳಿಗೆ ಕುಸಿಯಿತು. ವೇಗದ ಬೌಲರ್ಗಳಾದ ಬೆನ್ ಸಿಯರ್ಸ್ ಮತ್ತು ಲಾಕಿ ಫರ್ಗ್ಯೂಸನ್ ತಲಾ 3 ವಿಕೆಟ್ಗಳನ್ನು ಪಡೆದರು.</p>.<p>ಟಿ20 ವಿಶ್ವಕಪ್ ನಂತರ ಪ್ರಮುಖ ಆಟಗಾರರಿಗೆ ವಿಶ್ರಾಂತಿ ನೀಡಿರುವ ಕಾರಣ ಉಭಯ ತಂಡಗಳಲ್ಲಿ ಎರಡನೇ ಹಂತದ ಆಟಗಾರರು ಅವಕಾಶ ಪಡೆದಿದ್ದಾರೆ. </p>.<p>34 ವರ್ಷ ವಯಸ್ಸಿನ ಕಾನ್ವೆ ಅವರ ಎಚ್ಚರಿಕೆ ಮಿಶ್ರಿತ ಆಟದಲ್ಲಿ ಐದು ಬೌಂಡರಿಗಳ ಜೊತೆ ಎರಡು ಸಿಕ್ಸರ್ಗಳಿದ್ದವು. ಇದು, ದಕ್ಷಿಣ ಆಫ್ರಿಕಾ ಮೂಲದ ಆಟಗಾರನಿಗೆ ಈ ಮಾದರಿಯಲ್ಲಿ 13ನೇ ಅರ್ಧ ಶತಕ. </p>.<p>‘ಈ ವರ್ಷ ಭಾರತ ಪ್ರವಾಸ ನಂತರ ವಿಶ್ವಕಪ್ನಲ್ಲಿ ಒಳ್ಳೆಯ ಆಟ ಬಂದಿರಲಿಲ್ಲ. ಈಗ ಪುನರಾಗಮನ ಮಾಡಿರುವುದರ ಜೊತೆಗೆ ತಂಡದ ಗೆಲುವಿಗೆ ಕಾಣಿಕೆ ನೀಡಿದ್ದರಿಂದ ಸಂತಸವಾಗಿದೆ’ ಎಂದು ಕಾನ್ವೆ ಪ್ರತಿಕ್ರಿಯಿಸಿದರು. ಕೊನೆಯಲ್ಲಿ ಜಾಕ್ ಕಾರ್ಲ್ಸನ್ 2 ಸಿಕ್ಸರ್, 2 ಬೌಂಡರಿಗಳಿದ್ದ ಅಜೇಯ 26 (9 ಎಸೆತ) ಬಾರಿಸಿ ತಂಡದ ಮೊತ್ತ ಹೆಚ್ಚಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರು</strong>: ನ್ಯೂಜಿಲೆಂಡ್: 20 ಓವರುಗಳಲ್ಲಿ 6 ವಿಕೆಟ್ಗೆ 175 (ಡೆವಾನ್ ಕಾನ್ವೆ 60, ಜೋಶ್ ಕ್ಲಾರ್ಕ್ಸನ್ ಔಟಾಗದೇ 26; ವಿಯಾನ್ ಮುಲ್ಡರ್ 14ಕ್ಕೆ2); ದಕ್ಷಿಣ ಆಫ್ರಿಕಾ: 15.3 ಓವರುಗಳಲ್ಲಿ 107 (ಜಾರ್ಜ್ ಲಿಂಡೆ 26; ಲಾಕಿ ಫರ್ಗ್ಯುಸನ್ 16ಕ್ಕೆ3, ಬೆನ್ ಸಿಯರ್ಸ್ 14ಕ್ಕೆ3, ಸ್ಯಾಂಟ್ನರ್ 19ಕ್ಕೆ2). ಪಂದ್ಯದ ಆಟಗಾರ: ಡೆವಾನ್ ಕಾನ್ವೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹ್ಯಾಮಿಲ್ಟನ್</strong>: ಡೆವಾನ್ ಕಾನ್ವೆ ಅವರ ಬಿರುಸಿನ ಅರ್ಧ ಶತಕದ ನೆರವಿನಿಂದ ನ್ಯೂಜಿಲೆಂಡ್ ತಂಡ ಎರಡನೇ ಟಿ20 ಪಂದ್ಯದಲ್ಲಿ ಮಂಗಳವಾರ ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡವನ್ನು 68 ರನ್ಗಳಿಂದ ಸೋಲಿಸಿತು.</p>.<p>ಇದರಿಂದ ಐದು ಪಂದ್ಯಗಳ ಸರಣಿ ಈಗ 1–1 ರಲ್ಲಿ ಸಮಬಲಗೊಂಡಿದೆ. ಮೌಂಟ್ ಮಾಂಗಾನೂಯಿಯಲ್ಲಿ ಭಾನುವಾರ ನಡೆದ ಮೊದಲ ಪಂದ್ಯವನ್ನು ಹರಿಣಗಳ ಪಡೆ 7 ವಿಕೆಟ್ಗಳಿಂದ ಜಯಿಸಿತ್ತು. ಸರಣಿಯ ಮೂರನೇ ಪಂದ್ಯ ಅಕ್ಲೆಂಡ್ನಲ್ಲಿ ಶುಕ್ರವಾರ ನಡೆಯಲಿದೆ. </p>.<p>ಹ್ಯಾಮಿಲ್ಟನ್ನ ಸೆಡನ್ಪಾರ್ಕ್ನಲ್ಲಿ ಬ್ಯಾಟ್ ಮಾಡಲು ಕಳುಹಿಸಲ್ಪಟ್ಟ ನ್ಯೂಜಿಲೆಂಡ್ 6 ವಿಕೆಟ್ಗೆ 175 ರನ್ಗಳ ಹೋರಾಟದ ಮೊತ್ತ ಗಳಿಸಿತು. ಎಡಗೈ ಬ್ಯಾಟರ್ ಕಾನ್ವೆ 49 ಎಸೆತಗಳಿಂದ 60 ರನ್ ಬಾರಿಸಿದರು. </p>.<p>ದಕ್ಷಿಣ ಆಫ್ರಿಕಾ ಆರಂಭದಲ್ಲೇ ಕುಸಿಯಿತು. 31 ರನ್ಗಳಾಗುವಷ್ಟರಲ್ಲಿ 3 ವಿಕೆಟ್ ಕಳೆದುಕೊಂಡ ಹರಿಣಗಳ ಪಡೆ ನಂತರ ಹೋರಾಟ ತೋರಲಿಲ್ಲ. 15.3 ಓವರುಗಳಲ್ಲಿ 107 ರನ್ಗಳಿಗೆ ಕುಸಿಯಿತು. ವೇಗದ ಬೌಲರ್ಗಳಾದ ಬೆನ್ ಸಿಯರ್ಸ್ ಮತ್ತು ಲಾಕಿ ಫರ್ಗ್ಯೂಸನ್ ತಲಾ 3 ವಿಕೆಟ್ಗಳನ್ನು ಪಡೆದರು.</p>.<p>ಟಿ20 ವಿಶ್ವಕಪ್ ನಂತರ ಪ್ರಮುಖ ಆಟಗಾರರಿಗೆ ವಿಶ್ರಾಂತಿ ನೀಡಿರುವ ಕಾರಣ ಉಭಯ ತಂಡಗಳಲ್ಲಿ ಎರಡನೇ ಹಂತದ ಆಟಗಾರರು ಅವಕಾಶ ಪಡೆದಿದ್ದಾರೆ. </p>.<p>34 ವರ್ಷ ವಯಸ್ಸಿನ ಕಾನ್ವೆ ಅವರ ಎಚ್ಚರಿಕೆ ಮಿಶ್ರಿತ ಆಟದಲ್ಲಿ ಐದು ಬೌಂಡರಿಗಳ ಜೊತೆ ಎರಡು ಸಿಕ್ಸರ್ಗಳಿದ್ದವು. ಇದು, ದಕ್ಷಿಣ ಆಫ್ರಿಕಾ ಮೂಲದ ಆಟಗಾರನಿಗೆ ಈ ಮಾದರಿಯಲ್ಲಿ 13ನೇ ಅರ್ಧ ಶತಕ. </p>.<p>‘ಈ ವರ್ಷ ಭಾರತ ಪ್ರವಾಸ ನಂತರ ವಿಶ್ವಕಪ್ನಲ್ಲಿ ಒಳ್ಳೆಯ ಆಟ ಬಂದಿರಲಿಲ್ಲ. ಈಗ ಪುನರಾಗಮನ ಮಾಡಿರುವುದರ ಜೊತೆಗೆ ತಂಡದ ಗೆಲುವಿಗೆ ಕಾಣಿಕೆ ನೀಡಿದ್ದರಿಂದ ಸಂತಸವಾಗಿದೆ’ ಎಂದು ಕಾನ್ವೆ ಪ್ರತಿಕ್ರಿಯಿಸಿದರು. ಕೊನೆಯಲ್ಲಿ ಜಾಕ್ ಕಾರ್ಲ್ಸನ್ 2 ಸಿಕ್ಸರ್, 2 ಬೌಂಡರಿಗಳಿದ್ದ ಅಜೇಯ 26 (9 ಎಸೆತ) ಬಾರಿಸಿ ತಂಡದ ಮೊತ್ತ ಹೆಚ್ಚಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರು</strong>: ನ್ಯೂಜಿಲೆಂಡ್: 20 ಓವರುಗಳಲ್ಲಿ 6 ವಿಕೆಟ್ಗೆ 175 (ಡೆವಾನ್ ಕಾನ್ವೆ 60, ಜೋಶ್ ಕ್ಲಾರ್ಕ್ಸನ್ ಔಟಾಗದೇ 26; ವಿಯಾನ್ ಮುಲ್ಡರ್ 14ಕ್ಕೆ2); ದಕ್ಷಿಣ ಆಫ್ರಿಕಾ: 15.3 ಓವರುಗಳಲ್ಲಿ 107 (ಜಾರ್ಜ್ ಲಿಂಡೆ 26; ಲಾಕಿ ಫರ್ಗ್ಯುಸನ್ 16ಕ್ಕೆ3, ಬೆನ್ ಸಿಯರ್ಸ್ 14ಕ್ಕೆ3, ಸ್ಯಾಂಟ್ನರ್ 19ಕ್ಕೆ2). ಪಂದ್ಯದ ಆಟಗಾರ: ಡೆವಾನ್ ಕಾನ್ವೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
