ಈ ಪಂದ್ಯದಲ್ಲಿ ಆಡುವರೇ ಕರುಣ್–ಪೃಥ್ವಿ?

7
ಭಾರತ–ಇಂಗ್ಲೆಂಡ್ ನಡುವಣ ಐದನೇ ಟೆಸ್ಟ್‌ ಇಂದಿನಿಂದ; ಕೆನ್ನಿಂಗ್ಟನ್ ಓವೆಲ್‌ನಲ್ಲಿ ಹಣಾಹಣಿ

ಈ ಪಂದ್ಯದಲ್ಲಿ ಆಡುವರೇ ಕರುಣ್–ಪೃಥ್ವಿ?

Published:
Updated:
Deccan Herald

ಲಂಡನ್: ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ತಂಡಕ್ಕೆ ಈಗ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ ಸರಣಿ ಗೆಲ್ಲುವ ಅವಕಾಶ ಕೈತಪ್ಪಿಹೋಗಿದೆ. ಉಳಿದಿರುವ ಒಂದು ಪಂದ್ಯದಲ್ಲಿ ಗೆದ್ದರೂ ಸೋಲಿನ ಅಂತರ ಕಡಿಮೆಯಾಗುತ್ತದೆಯಷ್ಟೇ.

ಆದ್ದರಿಂದ ಶುಕ್ರವಾರ ಕೆನ್ನಿಂಗ್ಟನ್ ಓವೆಲ್ ಕ್ರೀಡಾಂಗಣದಲ್ಲಿ ಆರಂಭವಾಗಲಿರುವ ಕೊನೆಯ ಟೆಸ್ಟ್‌ನಲ್ಲಿ ಬೆಂಚ್‌ನಲ್ಲಿರುವ ಆಟಗಾರರ ಪ್ರತಿಭೆ ಯನ್ನು ಪರೀಕ್ಷೆ ಮಾಡಿಕೊಳ್ಳಲು ಬಳಸಿಕೊಳ್ಳುವ ನಿರೀಕ್ಷೆ ಇದೆ. ಇದ ರಿಂದಾಗಿ ಕರ್ನಾಟಕದ ಕರುಣ್ ನಾಯರ್ ಮತ್ತು ಮುಂಬೈನ ಪೃಥ್ವಿ ಶಾ ಅವರಿಗೆ ಕಣಕ್ಕಿಳಿಯುವ ಸಾಧ್ಯತೆ ಇದೆ. ಅದರೊಂದಿಗೆ ಸಮಾಧಾನಕರ ಗೆಲುವಿಗೂ ಕೊಹ್ಲಿ ಬಳಗ ಪ್ರಯತ್ನಿಸುವುದು ಖಚಿತ. 

ಆದರೆ, ಈ ಪಂದ್ಯವನ್ನಾಡಿ ನಿವೃತ್ತರಾಗಲಿರುವ ಅಲಸ್ಟೇರ್ ಕುಕ್ ಅವರಿಗೆ ಜಯದ ಕಾಣಿಕೆ ನೀಡಲು ಇಂಗ್ಲೆಂಡ್ ತಂಡವು ಸಿದ್ಧವಾಗಿದೆ. ಈಗಾಗಲೇ ತಂಡವು 3–1ರಿಂದ ಸರಣಿ ಕೈವಶ ಮಾಡಿಕೊಂಡಿರುವುದರಿಂದ ಹೆಚ್ಚು ಒತ್ತಡವಿಲ್ಲದೇ ಆಡಲಿದೆ. 

ಒಂದೂವರೆ ವರ್ಷದಿಂದ ಭಾರತ ತಂಡದಲ್ಲಿ ಮರು ಆಯ್ಕೆಗಾಗಿ ಬೆವರು ಸುರಿಸಿದ್ದ ಕರ್ನಾಟಕದ ಕರುಣ್ ನಾಯರ್ ಅವರಿಗೆ ಈ ಬಾರಿ ಅವ ಕಾಶ ಸಿಕ್ಕಿದೆ. ಆದರೆ,  ಹೋದ ನಾಲ್ಕು ಟೆಸ್ಟ್‌ಗಳಲ್ಲಿಯೂ ಅವರಿಗೆ ಆಡುವ ಹನ್ನೊಂದರ ತಂಡದಲ್ಲಿ ಸ್ಥಾನ ಲಭಿಸಲಿಲ್ಲ. 2016ರಲ್ಲಿ ಚೆನ್ನೈನಲ್ಲಿ ಅವರು ಇಂಗ್ಲೆಂಡ್ ಎದುರಿನ ಟೆಸ್ಟ್‌ನಲ್ಲಿ ತ್ರಿಶತಕ ಬಾರಿಸಿದ್ದರು. ಈ ಸಾಧನೆ ಮಾಡಿದ್ದ ಬಾರತದ ಎರಡನೇ ಆಟಗಾರನಾಗಿದ್ದರು. ಆದರೆ ನಂತರ ಲಭಿಸಿದ್ದ ಐದು ಟೆಸ್ಟ್‌ಗಳಲ್ಲಿ ನಿರೀಕ್ಷಿತ ಮಟ್ಟ ಆಟವಾಡಿರಲಿಲ್ಲ. ಆದ್ದರಿಂದ 2017ರ ಮಾರ್ಚ್‌ನಲ್ಲಿ ಆಸ್ಟ್ರೇಲಿಯಾ ಎದುರಿನ ಟೆಸ್ಟ್‌ ಪಂದ್ಯದ ನಂತರ ಅವರಿಗೆ ಭಾರತ ತಂಡದಲ್ಲಿ ಸ್ಥಾನ ಸಿಕ್ಕಿರಲಿಲ್ಲ. ಆದರೆ ಅವರು ರಣಜಿ ಟ್ರೋಫಿ ಕ್ರಿಕೆಟ್‌ ಟೂರ್ನಿಯಲ್ಲಿ ಉತ್ತಮವಾಗಿ ಆಡಿದ್ದರು. 

19 ವರ್ಷದೊಳಗಿನವರ ವಿಶ್ವಕಪ್ ಗೆದ್ದ ಭಾರತ ತಂಡದ ಸಾರಥ್ಯ ವಹಿಸಿದ್ದ  ಪೃಥ್ವಿ ಶಾ ಕೂಡ ಅವಕಾಶದ ನಿರೀಕ್ಷೆಯಲ್ಲಿದ್ದಾರೆ. ಇಂಗ್ಲೆಂಡ್‌ ಎದುರಿನ ನಾಲ್ಕನೇ ಟೆಸ್ಟ್ ಆರಂಭವಾಗುವ ಮುನ್ನ ಮುರಳೀ ವಿಜಯ್ ಮತ್ತು ಕುಲದೀಪ್ ಯಾದವ್ ಅವರನ್ನು ಕೈಬಿಡಲಾಗಿತ್ತು.  ಅವರ ಬದಲಿಗೆ ಪೃಥ್ವಿ ಮತ್ತು ಹನುಮವಿಹಾರಿ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿತ್ತು. ಆಗ ಬೆಂಗಳೂರಿನಲ್ಲಿ ನಡೆ ಯುತ್ತಿದ್ದ ಚತುಷ್ಕೋನ ಏಕದಿನ ಕ್ರಿಕೆಟ್ ಟೂರ್ನಿಯಲ್ಲಿ ಇಬ್ಬರೂ ಭಾರತ ‘ಎ’ ತಂಡದಲ್ಲಿ ಆಡುತ್ತಿದ್ದರು. ಹನುಮ ವಿಹಾರಿಗೆ ಕಣಕ್ಕಿಳಿಯುವ ಅವಕಾಶ ಕಡಿಮೆ ಇದೆ. ಆದರೆ ಶಿಖರ್ ಧವನ್ ಅವ ರಿಗೆ ವಿಶ್ರಾಂತಿ ನೀಡಿ ಪೃಥ್ವಿಗೆ ಇನಿಂಗ್ಸ್‌ ಆರಂಭಿಸುವ ಹೊಣೆ ನೀಡುವ ಸಾಧ್ಯತೆ ಹೆಚ್ಚಿದೆ. ಆರಂಭಿಕ ಬ್ಯಾಟ್ಸ್‌ಮನ್‌ಗಳಾಧ ಶಿಖರ್ ಧವನ್, ಕೆ.ಎಲ್. ರಾಹುಲ್ ಅವರು ಸತತ ವೈಫಲ್ಯ ಅನುಭವಿಸಿದ್ದಾರೆ. ಮಧ್ಯಮ ಕ್ರಮಾಂದಲ್ಲಿಯೂ ಅಜಿಂಕ್ಯ ರಹಾನೆ ಅವರು ಸ್ಥಿರವಾದ ಆಟವಾಡಿಲ್ಲ. ಆದ್ದರಿಂದ ಈ ಕ್ರಮಾಂಕದಲ್ಲಿಯೂ ಬದಲಾವಣೆಯಾಗುವ ಸಾಧ್ಯತೆ ಇದೆ.

ಬೌಲಿಂಗ್‌ನಲ್ಲಿ ಹೆಚ್ಚಿನ ಬದಲಾ ವಣೆಗಳು ಆಗಲಿಕ್ಕಿಲ್ಲ. ಮಧ್ಯಮವೇಗಿ ಗಳಾದ  ಇಶಾಂತ್ ಶರ್ಮಾ, ಜಸ್‌ ಪ್ರೀತ್ ಬೂಮ್ರಾ, ಮೊಹಮ್ಮದ್ ಶಮಿ ಅವರು ಕಣಕ್ಕೆ ಇಳಿಯುವುದು ಬಹುತೇಕ ಖಚಿತ.  ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ  ಅವರಿಗೆ ಆವಕಾಶ ಸಿಗುವುದೋ ಇಲ್ಲವೋ ಕಾದು ನೋಡಬೇಕು. ಉತ್ತಮ ಲಯದಲ್ಲಿರುವ ವಿರಾಟ್ ಕೊಹ್ಲಿ  ಮತ್ತು ಚೇತೇಶ್ವರ್ ಪೂಜಾರ ಕೂಡ ಕಣಕ್ಕಿಳಿಯಲಿದ್ದಾರೆ.

ಮತ್ತೊಂದು ದಾಖಲೆಯ ಹೊಸ್ತಿಲಲ್ಲಿ ವಿರಾಟ್
ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರಿಗೆ ಮತ್ತೊಂದು ಮಹತ್ವದ ದಾಖಲೆಯನ್ನು ನಿರ್ಮಿಸುವ ಅವಕಾಶ ಈ ಪಂದ್ಯದಲ್ಲಿ ಇದೆ. ಅವರು ಈ ಪಂದ್ಯದಲ್ಲಿ ಒಂದು ಶತಕ ಹೊಡೆದರೆ ವೆಸ್ಟ್‌ ಇಂಡೀಸ್‌ನ ಹಿರಿಯ ಕ್ರಿಕೆಟ್‌ ಆಟಗಾರ ವಿವಿಯನ್ ರಿಚರ್ಡ್ಸ್‌ ಅವರ ದಾಖಲೆಯನ್ನು ಸರಿಗಟ್ಟಲಿದ್ದಾರೆ.

ರಿಚರ್ಡ್ಸ್‌ ಅವರು ಟೆಸ್ಟ್‌ ಕ್ರಿಕೆಟ್‌ನಲ್ಲಿ 24 ಶತಕಗಳನ್ನು ದಾಖಲಿಸಿದ್ದಾರೆ. ಅವರು 121 ಟೆಸ್ಟ್‌ಗಳಿಂದ 8540 ರನ್‌ಗಳನ್ನು ಗಳಿಸಿದ್ದಾರೆ. ವಿರಾಟ್ 23 ಶತಕಗಳನ್ನು ಗಳಿಸಿದ್ದಾರೆ. ಒಟ್ಟು 70 ಟೆಸ್ಟ್‌ ಆಡಿ 6098 ರನ್‌ಗಳನ್ನು ಕಲೆಹಾಕಿದ್ದಾರೆ.

ಪಂದ್ಯ ಆರಂಭ : ಮಧ್ಯಾಹ್ನ 3
ನೇರಪ್ರಸಾರ: ಸೋನಿ ನೆಟ್‌ವರ್ಕ್‌

ಬರಹ ಇಷ್ಟವಾಯಿತೆ?

  • 3

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !