ಅಹಮದಾಬಾದ್: ಇಲ್ಲಿ ನಡೆದ 3ನೇ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಭಾರತವನ್ನು 8 ವಿಕೆಟ್ಗಳಿಂದ ಮಣಿಸಿದೆ. ಈ ಮೂಲಕ ಟಿ20 ಸರಣಿಯಲ್ಲಿ 2–1 ಮುನ್ನಡೆ ಪಡೆದಿದೆ.
ಭಾರತ ನೀಡಿದ್ದ 157 ರನ್ ಗುರಿ ಬೆನ್ನತ್ತಿದ ಇಂಗ್ಲೆಂಡ್ ತಂಡ ಜೋಸ್ ಬಟ್ಲರ್(ಅಜೇಯ 83), ಜಾನಿ ಬೇರ್ ಸ್ಟೋ (ಅಜೇಯ 40 ) ಅವರ ಅಮೋಘ ಆಟದ ನೆರವಿನಿಂದ 18.2 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು158 ರನ್ ಗಳಿಸುವ ಮೂಲಕ ಜಯ ದಾಖಲಿಸಿದೆ.
ಭಾರತ ಗಳಿಸಿದ್ದ 156 ರನ್ ಇಂಗ್ಲೆಂಡ್ ತಂಡಕ್ಕೆ ಯಾವುದೇ ಹಂತದಲ್ಲೂ ಸವಾಲೆನಿಸಲೇ ಇಲ್ಲ. 9 ರನ್ಗೆ ಜೇಸನ್ ರಾಯ್ ನಿರ್ಗಮಿಸಿದರಾದರೂ ಬಳಿಕ ಒಂದಾದ ಜೋಸ್ ಬಟ್ಲರ್ ಮತ್ತು ಜಾನಿ ಬೇರ್ ಸ್ಟೋ ಪಂದ್ಯವನ್ನು ಭಾರತದಿಂದ ಕಸಿದುಕೊಂಡರು. 52 ಎಸೆತಗಳಲ್ಲಿ 4 ಸಿಕ್ಸರ್ 5 ಬೌಂಡರಿ ಸಹಿತ 83 ರನ್ ಸಿಡಿಸಿದ ಜೋಸ್ ಬಟ್ಲರ್ ಭಾರತೀಯ ಬೌಲರ್ಗಳನ್ನು ಕಂಗೆಡಿಸಿದರು.