ಐಪಿಎಲ್‌ನಿಂದ ಇಂಗ್ಲೆಂಡ್‌ ಕ್ರಿಕೆಟಿಗರಿಗೆ ಲಾಭ: ಏಯಾನ್ ಮಾರ್ಗನ್

ಐಪಿಎಲ್‌ನಲ್ಲಿ ಆಡುವ ಇಂಗ್ಲೆಂಡ್ ಆಟಗಾರರನ್ನು ಅಲ್ಲಿಯ ಮಾಜಿ ಕ್ರಿಕೆಟಿಗರು ಈಚೆಗೆ ಟೀಕಿಸಿದ್ದರು. ರಾಷ್ಟ್ರೀಯ ತಂಡಕ್ಕೆ ಆಧ್ಯತೆ ನೀಡಬೇಕು ಐಪಿಎಲ್‌ಗೆ ಅಲ್ಲ ಎಂದಿದ್ದರು.

ಈ ಕುರಿತು ಗುರುವಾರ ಸುದ್ದಿಗೋಷ್ಟಿಯಲ್ಲಿ ಪ್ರತಿಕ್ರಿಯಿಸಿದ ಮಾರ್ಗನ್, ’ಐಪಿಎಲ್‌ನಿಂದ ನಮಗೆ ಬಹಳ ಲಾಭವಾಗಿದೆ ಅದಕ್ಕಾಗಿ ನಾವು ಕೃತಜ್ಞರಾಗಿದ್ದೇವೆ. ಐಪಿಎಲ್ ಅನುಭವವು ನಮ್ಮ ಆಟವನ್ನು ಉತ್ಕೃಷ್ಟಗೊಳಿಸಿದೆ. 2019ರಲ್ಲಿ ಏಕದಿನ ಕ್ರಿಕೆಟ್ ವಿಶ್ವಕಪ್ ಜಯಿಸಲು ಕಾರಣವಾದ ಅಂಶಗಳಲ್ಲಿ ಇದು ಕೂಡ ಪ್ರಮುಖವಾದದ್ದು‘ ಎಂದರು.

’ಟಿ20 ವಿಶ್ವಕಪ್ ಟೂರ್ನಿ ಸಮೀಪಿಸುತ್ತಿದೆ. ಇಲ್ಲಿಯೇ ನಡೆಯಲಿರುವ ಟೂರ್ನಿಯಲ್ಲಿ ನಾವು ಆಡಲಿದ್ದೇವೆ. ಅದಕ್ಕೂ ಮುನ್ನ ಈ ಸರಣಿಯಲ್ಲ ಆಡುತ್ತಿರುವುದು ಒಳ್ಳೆಯದೇ ಆಗಿದೆ‘ ಎಂದು ಅಭಿಪ್ರಾಯಪಟ್ಟರು.

’ಐಪಿಎಲ್‌ನಲ್ಲಿ ಬೇರೆ ಬೇರೆ ದೇಶಗಳ ಆಟಗಾರರ ಜೊತೆಗೆ ಮತ್ತು ಎದುರಾಗಿ ಆಡುತ್ತೇವೆ. ಆ ಒಡನಾಟದಿಂದ ವಿನಿಮಯವಾಗುವ ಅನುಭವ, ಜ್ಞಾನವು ನಮ್ಮ ಆಟವನ್ನು ಮತ್ತಷ್ಟು ಉತ್ತಮಗೊಳಿಸುತ್ತದೆ‘ ಎಂದು ಮಾರ್ಗನ್ ಹೇಳಿದರು.