ವೆಸ್ಟ್ ಇಂಡೀಸ್‌ನಲ್ಲಿ ನಡೆಯುತ್ತಿರುವ ಮಹಿಳೆಯರ ಟ್ವೆಂಟಿ–20 ವಿಶ್ವಕಪ್‌ ಟೂರ್ನಿಯ ಪಾಕಿಸ್ತಾನ ಎದುರಿನ ಪಂದ್ಯಕ್ಕೂ ಮೊದಲು ಈ ಘಟನೆ ನಡೆದಿತ್ತು. ಭಾನುವಾರ ನಡೆದ ಈ ಪಂದ್ಯದಲ್ಲಿ ಆಟಗಾರ್ತಿಯರನ್ನು ಅಂಗಳಕ್ಕೆ ಕರೆತರುವ ಬಾಲಕಿಯರ ಪೈಕಿ ಒಬ್ಬಾಕೆ ರಾಷ್ಟ್ರಗೀತೆ ಹಾಡಿ ಮುಗಿದ ಕೂಡಲೇ ಕುಸಿದು ಬಿದ್ದಳು. ಇದನ್ನು ಗಮನಿಸಿದ ಹರ್ಮನ್‌ಪ್ರೀತ್ ಕೌರ್ ತಕ್ಷಣ ಆ ಬಾಲೆಯನ್ನು ಎತ್ತಿಕೊಂಡು ಓಡಿದರು. ನಂತರ ಸಂಬಂಧಪಟ್ಟ ಅಧಿಕಾರಿಗಳ ಕೈಗಿತ್ತರು. ಹೀಗಾಗಿ ಆಕೆಗೆ ಶೀಘ್ರ ಚಿಕಿತ್ಸೆ ಸಿಗುವಂತಾಯಿತು.
