ಪಾಕಿಸ್ತಾನಕ್ಕೆ ಆಸಿಸ್ ವೇಗದ ಆಘಾತ

ಮಂಗಳವಾರ, ಜೂನ್ 25, 2019
22 °C

ಪಾಕಿಸ್ತಾನಕ್ಕೆ ಆಸಿಸ್ ವೇಗದ ಆಘಾತ

Published:
Updated:

ಟಾಂಟನ್‌: ಆಸ್ಟ್ರೇಲಿಯಾ ನೀಡಿರುವ 308ರನ್‌ಗಳ ಸವಾಲಿನ ಗುರಿ ಬೆನ್ನತ್ತಿರುವ ಪಾಕಿಸ್ತಾನ ತಂಡಕ್ಕೆ ಆರಂಭಿಕ ಆಘಾತ ಎದುರಾಗಿದೆ. ವೇಗಿಗಳಾದ ಪ್ಯಾಟ್‌ ಕಮಿನ್ಸ್‌ ಹಾಗೂ ನೇಥನ್ ಕಾಲ್ಟರ್‌ನೇಲ್ ತಲಾ ಒಂದು ವಿಕೆಟ್‌ ಪಡೆದು ಪಾಕ್‌ ಜಯದ ಆಸೆಗೆ ಪೆಟ್ಟು ನೀಡಿದ್ದಾರೆ.

ಇಮಾಮ್‌ ಉಲ್‌ ಹಕ್‌(53) ಜೊತೆ ಇನಿಂಗ್ಸ್‌ ಆರಂಭಿಸಿದ ಫಕರ್‌ ಜಮಾನ್‌, ಕಮಿನ್ಸ್‌ ಎಸೆತದಲ್ಲಿ ಖಾತೆ ತೆರೆಯದೆ ಪೆವಿಲಿಯನ್‌ ಸೇರಿಕೊಂಡರು. ಬಳಿಕ ಬಂದ ಬಾಬರ್‌ ಅಜಾಂ ಎರಡನೇ ವಿಕೆಟ್‌ಗೆ ಅರ್ಧಶತಕದ ಜೊತೆಯಾಟವಾಡುವ ಮೂಲಕ ಅಲ್ಪ ಚೇತರಿಕೆ ನೀಡಿದರಾದರೂ ದೊಡ್ಡ ಮೊತ್ತ ಗಳಿಸಲು ವಿಫಲವಾದರು. 28 ಎಸೆತಗಳಲ್ಲಿ 7 ಬೌಂಡರಿ ಸಹಿತ 30ರನ್‌ ಗಳಿಸಿದ್ದ ವೇಳೆ ಕಾಲ್ಟರ್‌ನೇಲ್‌ಗೆ ವಿಕೆಟ್‌ ಒಪ್ಪಿಸಿದರು. ಈ ಇಬ್ಬರ ಕ್ಯಾಚ್‌ಗಳನ್ನು ಕೇನ್ ರಿಚರ್ಡ್ಸನ್ ಪಡೆದರು.

ಅನುಭವಿ ಆಲ್ರೌಂಡರ್‌ ಮೊಹಮ್ಮದ್‌ ಹಫೀಜ್‌ ಹಾಗೂ ಇಮಾಮ್‌ ಮೂರನೇ ವಿಕೆಟ್‌ಗೆ 80ರನ್‌ ಗಳಿಸುವ ಮೂಲಕ ಭರವಸೆ ಮೂಡಿಸಿದ್ದರು. ಆದರೆ, ಕಮಿನ್ಸ್‌ ಈ ಜೋಡಿಯನ್ನು ಬೇರ್ಪಡಿಸಿದರು. ಹಫೀಜ್ ಕೂಡ 46 ರನ್‌ ಗಳಿಸಿ ಇಮಾಮ್‌ ಹಾದಿಯಲ್ಲೇ ಪೆವಿಲಿಯನ್‌ ಸೇರಿಕೊಂಡರು. ಮತ್ತೊಬ್ಬ ಅನುಭವಿ ಶೋಯಬ್ ಮಲಿಕ್ ಎರಡು ಎಸೆತಗಳಲ್ಲಿ ಸೊನ್ನೆ ಸುತ್ತಿದರು.

ಸದ್ಯ ನಾಯಕ ಸರ್ಫರಾಜ್‌ ಅಹಮದ್‌ ಹಾಗೂ ಆಸಿಫ್‌ ಅಲಿ ಕ್ರೀಸ್‌ನಲ್ಲಿದ್ದು, ಕ್ರಮವಾಗಿ 12 ಮತ್ತು 4 ರನ್‌ ಗಳಿಸಿ ಆಡುತ್ತಿದ್ದಾರೆ. ಗೆಲುವಿಗೆ ಇನ್ನೂ 151 ರನ್‌ ಗಳಿಸಿಬೇಕಿದೆ.

ಲೈವ್‌ ಸ್ಕೋರ್‌ಗಾಗಿ ಇಲ್ಲಿ ಕ್ಲಿಕ್ಕಿಸಿ: ಆಸ್ಟ್ರೇಲಿಯಾ vs ಪಾಕಿಸ್ತಾನ

    ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

    ಬರಹ ಇಷ್ಟವಾಯಿತೆ?

    • 0

      Happy
    • 1

      Amused
    • 0

      Sad
    • 0

      Frustrated
    • 0

      Angry

    Comments:

    0 comments

    Write the first review for this !