ನಾಟಿಂಗಂ:ಈ ಬಾರಿಯ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಆಡಿರುವ ಎಲ್ಲ ಪಂದ್ಯಗಳಲ್ಲಿ ಗೆಲುವು ಕಂಡಿರುವ ನ್ಯೂಜಿಲೆಂಡ್(3) ಹಾಗೂ ಭಾರತ(2) ತಂಡಗಳು ಇಲ್ಲಿನ ಟ್ರೆಂಟ್ಬ್ರಿಜ್ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗುತ್ತಿದ್ದು, ಮಳೆಯಿಂದಾಗಿ ಪಂದ್ಯ ಆರಂಭವಿಳಂಬವಾಗಿದೆ.
Update from Trent Bridge 👇
— Cricket World Cup (@cricketworldcup) June 13, 2019
The lunch break will be taken at 1 followed by a further inspection at 1:30PM. pic.twitter.com/lHNlzPxNgt
ಈಗಾಗಲೇ ಮೈದಾನದಲ್ಲಿ ಓಡಾಡಿ ಪರಿಶೀಲನೆ ನಡೆಸಿದ್ದು, ತೇವಾಂಶ ಹೆಚ್ಚಿರುವ ಕಾರಣ ಕಾಯುವ ತಂತ್ರಕ್ಕೆ ಮೊರೆ ಹೋಗಿದ್ದಾರೆ. ಈಗ ಊಟದ ವಿರಾಹ ಘೋಷಣೆಯಾಗಿದ್ದು, ಸಂಜೆ 6ಕ್ಕೆ ಮತ್ತೊಮ್ಮೆ ಪಿಚ್ ಪರಿಶೀಲನೆ ನಡೆಯಲಿದೆ.
Oh dear! Was looking good and here comes the drizzle again. Big issue here is even if stops there is neither sunlight nor a breeze to dry the outfield. Also, the covers cover the square and not the entire ground.
— Harsha Bhogle (@bhogleharsha) June 13, 2019
ಕೇನ್ ವಿಲಿಯಮ್ಸನ್ ನೇತೃತ್ವದ ಕಿವೀಸ್ ಪಡೆ ಶ್ರೀಲಂಕಾ, ಬಾಂಗ್ಲಾದೇಶ ಹಾಗೂ ಅಫ್ಗಾನಿಸ್ತಾನ ತಂಡಗಳ ಎದುರು ಕ್ರಮವಾಗಿ 10, 2, 7 ವಿಕೆಟ್ ಗಳಿಂದ ಜಯ ಸಾಧಿಸಿದೆ. ವಿರಾಟ್ ಕೊಹ್ಲಿ ನೇತೃತ್ವದ ಬಲಿಷ್ಠ ದಕ್ಷಿಣ ಆಫ್ರಿಕಾ ಹಾಗೂ ಆಸ್ಟ್ರೇಲಿಯಾ ವಿರುದ್ಧ ಗೆದ್ದು ಬೀಗಿದೆ. ಹೀಗಾಗಿ ಗೆಲುವಿನ ಲಯ ಉಳಿಸಿಕೊಂಡು ಮುಂದುವರಿಯುವ ತವಕ ಎರಡೂ ತಂಡಗಳದ್ದು.
ವಿಶ್ವಕಪ್ ಪಂದ್ಯಾವಳಿಯಲ್ಲಿ ಉಭಯ ತಂಡಗಳು ಇದುವರೆಗೆ 7 ಬಾರಿ ಮುಖಾಮುಖಿಯಾಗಿವೆ. ನಾಲ್ಕರಲ್ಲಿ ನ್ಯೂಜಿಲೆಂಡ್ ಹಾಗೂ ಮೂರರಲ್ಲಿ ಭಾರತ ಗೆಲುವು ಕಂಡಿವೆ. ಈ ಪಂದ್ಯ ಗೆದ್ದು ಸಮಬಲ ಸಾಧಿಸುವ ಅವಕಾಶ ಕೊಹ್ಲಿ ಪಡೆಗೆ ಇದೆ. ಅಂತರ ಹೆಚ್ಚಿಸಿಕೊಳ್ಳುವ ಅವಕಾಶ ಕೇನ್ ಬಳಗಕ್ಕೂ ಇದೆ.
ಅಷ್ಟೇನು ಪ್ರಬಲವಲ್ಲದ ತಂಡಗಳ ವಿರುದ್ಧ ಗೆಲುವು ಕಂಡಿರುವ ಕೇನ್ ಪಡೆಯನ್ನು ಕಾಡಲು ಕೊಹ್ಲಿ ಮತ್ತು ತಂಡ ಸಜ್ಜಾಗಿದೆ.
ಖದರ್ ತೋರಲು ‘ಗಬ್ಬರ್’ ಇಲ್ಲ
ಕಳೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಶತಕ ಬಾರಿಸಿ ಅಬ್ಬರಿಸಿದ್ದ ‘ಗಬ್ಬರ್’ ಶಿಖರ್ ಧವನ್ ಗಾಯಗೊಂಡು ಪಂದ್ಯದಿಂದ ಹೊರಗುಳಿದಿದ್ದಾರೆ. ಹೀಗಾಗಿ ಅವರ ಸ್ಥಾನದಲ್ಲಿ ಕನ್ನಡಿಗಕೆ.ಎಲ್. ರಾಹುಲ್ ಆಡಲಿದ್ದು ರೋಹಿತ್ ಶರ್ಮಾ ಜೊತೆ ಇನಿಂಗ್ಸ್ ಆರಂಭಿಸಲಿದ್ದಾರೆ.
ರಿಷಭ್ಗೆ ಬುಲಾವ್
ಶಿಖರ್ ಧವನ್ ಅವರ ಬದಲಿಗೆ ಯುವ ವಿಕೆಟ್ಕೀಪರ್–ಬ್ಯಾಟ್ಸ್ಮನ್ ರಿಷಭ್ ಪಂತ್ ಅವರನ್ನು ವಿಶ್ವಕಪ್ ಟೂರ್ನಿಯಲ್ಲಿ ಆಡುತ್ತಿರುವ ಭಾರತ ತಂಡಕ್ಕೆ ಸೇರ್ಪಡೆ ಮಾಡಿಕೊಳ್ಳಲಾಗಿದೆ.ಇದೇ ಭಾನುವಾರ ಮ್ಯಾಂಚೆಸ್ಟರ್ನಲ್ಲಿ ನಡೆಯಲಿರುವ ಪಾಕಿಸ್ತಾನ ಎದುರಿನ ಪಂದ್ಯದ ವೇಳೆಗೆ ರಿಷಭ್ ತಂಡವನ್ನು ಸೇರಿಕೊಳ್ಳಲಿದ್ದಾರೆ.
ಪಂತ್ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾದಲ್ಲಿ ನಡೆದಿದ್ದ ಟೆಸ್ಟ್ ಸರಣಿಗಳಲ್ಲಿ ಶತಕ ಬಾರಿಸಿ ಗಮನ ಸೆಳೆದಿದ್ದರು. ಐಪಿಎಲ್ನಲ್ಲಿಯೂ ಉತ್ತಮವಾಗಿ ಆಡಿದ್ದರು.
India and New Zealand, two unbeaten sides of the tournament gear up to face each other at Trent Bridge. On Centerstage, @bhogleharsha and @Sdoull build up to the encounter and suggest possible changes for both sides. #INDvsNZ #TeamIndia pic.twitter.com/iZod4FSou1
— Cricbuzz (@cricbuzz) June 13, 2019
‘ಇಂಗ್ಲೆಂಡ್ಗೆ ಬರಲಿರುವ ಪಂತ್ ಅವರು ಭಾರತದ ಡ್ರೆಸ್ಸಿಂಗ್ ರೂಮ್ನಲ್ಲಿರುವುದಿಲ್ಲ. ಭ್ರಷ್ಟಾಚಾರ ನಿಗ್ರಹ ತಡೆ ಕಾಯಿದೆಯಡಿಯಲ್ಲಿ ಇದಕ್ಕೆ ಅವಕಾಶವಿಲ್ಲ. ಆದ್ದರಿಂದ ರಿಷಭ್ ಅವರು ಎಡಗೈ ಬೌಲರ್ ಖಲೀಲ್ ಅಹಮದ್ ಅವರ ಜೊತೆಗೆ ಪ್ರಯಾಣಿಸಲಿದ್ದಾರೆ. ಮ್ಯಾಂಚೆಸ್ಟರ್ ತಲುಪಲಿದ್ದಾರೆ’ ಎಂದು ಮೂಲಗಳು ತಿಳಿಸಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.