ಗುರುವಾರ ಇಂಗ್ಲೆಂಡ್ ವಿರುದ್ಧದ ಸೆಮಿಫೈನಲ್ ನೋಡಲು ಹರ್ಮನ್ ಅವರ ಪಾಲಕರು ಪ್ರೇಕ್ಷಕರ ಗ್ಯಾಲರಿಯಲ್ಲಿ ಹಾಜರಿದ್ದರು. ಆದರೆ, ಮಳೆಯ ಕಾರಣದಿಂದ ಪಂದ್ಯ ರದ್ದಾಯಿತು. ಆದರೆ, ಲೀಗ್ ಹಂತದಲ್ಲಿ ಅಜೇಯವಾಗುಳಿದ ಹರ್ಮನ್ ಬಳಗವು ಫೈನಲ್ ಅವಕಾಶ ಗಿಟ್ಟಿಸಿಕೊಂಡಿತು. ‘ನಾನು ಕ್ರಿಕೆಟ್ ಆಡಲು ಶುರು ಮಾಡಿದಾಗಿನಿಂದಲೂ ಅಪ್ಪ–ಅಮ್ಮ ನನ್ನ ಕ್ರಿಕೆಟ್ ನೋಡಲು ಬರಬೇಕು ಎಂಬ ಇಚ್ಛೆಯಿತ್ತು. ಅದಕ್ಕಾಗಿ ಇವತ್ತು ಅವರನ್ನು ಕರೆಸುವ ಅವಕಾಶ ಲಭಿಸಿತು. ಆದರೆ ಪಂದ್ಯ ನಡೆಯಲಿಲ್ಲ. ಫೈನಲ್ಗೆ ಅವರೂ ಇರುತ್ತಾರೆ. ನಾನು ಶಾಲೆಯಲ್ಲಿ ಆಡುವಾಗ ಅಪ್ಪ ನೋಡಿದ್ದರು. ಆದರೆ ಅಮ್ಮ ಒಂದು ಬಾರಿಯೂ ನೋಡಿಲ್ಲ. ನಮ್ಮ ತಂಡದ ಎಲ್ಲ ಆಟಗಾರ್ತಿಯರ ಪಾಲಕರ ಹಾರೈಕೆ ನಮ್ಮೊಂದಿಗೆ ಇದೆ. ಅಭಿಮಾನಿಗಳ ಪ್ರೋತ್ಸಾಹದಿಂದ ನಾನು ಜಯಿಸುತ್ತೇವೆ’ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.