ಎಮರ್ಜಿಂಗ್‌ ಟೀಮ್ಸ್ ಕಪ್‌: ಭಾರತ ಸೆಮಿಗೆ

ಸೋಮವಾರ ನಡೆದ ಈ ಪಂದ್ಯದಲ್ಲಿ ಶುಭಂ ಶರ್ಮಾ (55 ಎಸೆತಗಳಲ್ಲಿ 65 ಮತ್ತು 32ಕ್ಕೆ4) ಆಲ್‌ರೌಂಡ್‌ ಆಟವಾಡಿ ಗೆಲುವಿಗೆ ಉಪಯುಕ್ತ ಕಾಣಿಕೆ ನೀಡಿದರು.

ಭಾರತ 50 ಓವರುಗಳಲ್ಲಿ 5 ವಿಕೆಟ್‌ಗೆ 322 ರನ್‌ ಹೊಡೆಯಿತು. ಹಾಂಗ್‌ಕಾಂಗ್‌ 47.3 ಓವರುಗಳಲ್ಲಿ 202 ರನ್‌ಗಳಿಗೆ ಆಟ ಮುಗಿಸಿತು. ಹಾಂಗ್‌ ಕಾಂಗ್‌ ಪರ ಶಹೀದ್‌ ವಾಸಿಫ್‌ 68 ರನ್‌ (84 ಎಸೆತ) ಗಳಿಸಿದರು.

ಭಾರತ ಡಾಕಾದಲ್ಲಿ ಬುಧವಾರ ನಡೆಯುವ ಸೆಮಿಪೈನಲ್‌ನಲ್ಲಿ ಪಾಕಿಸ್ತಾನ ತಂಡವನ್ನು ಎದುರಿಸಲಿದೆ. ಆತಿಥೇಯ ಬಾಂಗ್ಲಾದೇಶ ಇನ್ನೊಂದು ಸೆಮಿಫೈನಲ್‌ನಲ್ಲಿ ಅಫ್ಗಾನಿಸ್ತಾನ ತಂಡವನ್ನು ಎದುರಿಸಲಿದೆ. ಫೈನಲ್‌ ಕೂಡ ಢಾಕ್ಕಾದಲ್ಲಿಯೇ ನವೆಂಬರ್‌ 23ರಂದು ನಡೆಯಲಿದೆ.