ಐಸಿಸಿ ರ‍್ಯಾಂಕಿಂಗ್: ಭಾರತಕ್ಕೆ ಅಗ್ರಸ್ಥಾನ ಕಾಪಾಡಿಕೊಳ್ಳುವ ಸವಾಲು

ವಿರಾಟ್‌ ಕೊಹ್ಲಿ ಪಡೆಯ ಖಾತೆಯಲ್ಲಿ ಪ್ರಸ್ತುತ 115 ಪಾಯಿಂಟ್ಸ್‌ಗಳಿವೆ. ಮುಂಬರುವ ವೆಸ್ಟ್‌ ಇಂಡೀಸ್‌ ಎದುರಿನ ಎರಡು ಪಂದ್ಯಗಳ ಸರಣಿಯಲ್ಲಿ ಕೊಹ್ಲಿ ಪಡೆ ‘ಕ್ಲೀನ್‌ ಸ್ವೀಪ್‌’ ಸಾಧಿಸಿದರೆ ಪಾಯಿಂಟ್ಸ್‌ 116ಕ್ಕೆ ಏರಲಿದೆ.

ಒಂದು ವೇಳೆ ಸರಣಿ ಸೋತರೆ ಪಾಯಿಂಟ್ಸ್‌ 108ಕ್ಕೆ ಇಳಿಯಲಿದೆ. ಯುಎಇಯಲ್ಲಿ ಭಾನುವಾರದಿಂದ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ನಡುವಣ ಟೆಸ್ಟ್‌ ಸರಣಿ ನಡೆಯಲಿದೆ. ಇದರಲ್ಲಿ ಆಸ್ಟ್ರೇಲಿಯಾ 2–0ರಿಂದ ಗೆದ್ದರೆ, ಕೊಹ್ಲಿ ಪಡೆ ಅಗ್ರಸ್ಥಾನ ಕಳೆದುಕೊಳ್ಳಲಿದೆ. ಆಸ್ಟ್ರೇಲಿಯಾ 1–0 ಅಂತರದಿಂದ ಗೆದ್ದರೆ ದಕ್ಷಿಣ ಆಫ್ರಿಕಾವನ್ನು ಹಿಂದಿಕ್ಕಿ ಎರಡನೇ ಸ್ಥಾನ ತನ್ನದಾಗಿಸಿಕೊಳ್ಳಲಿದೆ.

ವಿಂಡೀಸ್‌ ತಂಡ ಪ್ರಸ್ತುತ ಪಟ್ಟಿಯಲ್ಲಿ ಎಂಟನೇ ಸ್ಥಾನದಲ್ಲಿದೆ.