ಕಟಕ್ (ಒಡಿಶಾ): ಭಾರತವಿರುದ್ಧದ ಏಕದಿನ ಸರಣಿಯ ಅಂತಿಮ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ ಬೃಹತ್‌ ಮೊತ್ತ ಪೇರಿಸಿದೆ.
ಇಲ್ಲಿನಬಾರಾಬತಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ವೆಸ್ಟ್‌ ಇಂಡೀಸ್‌ 50 ಓವರ್‌ಗಳಲ್ಲಿ 5 ವಿಕೆಟ್‌ ಕಳೆದುಕೊಂಡು315 ರನ್ ಗಳಿಸಿದೆ.
ಆರಂಭಿಕ ಆಟಗಾರರಾದಎವಿನ್‌ ಲೂಯಿಸ್‌ (21), ಶಾಯ್‌ ಹೋಪ್‌ (42) ರನ್ ಗಳಿಸಿ ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿಕೊಟ್ಟರು. 14ನೇ ಓವರ್‌ನಲ್ಲಿ ಎವಿನ್‌ ಲೂಯಿಸ್‌, ರವೀಂದ್ರ ಜಡೇಜಗೆ ವಿಕೆಟ್‌ ಒಪ್ಪಿಸಿದರು. ಇತ್ತ 19ನೇ ಓವರ್‌ನಲ್ಲಿ ಶಾಯ್‌ ಹೋಪ್‌ ವಿಕೆಟ್‌ ಪಡೆಯುವಲ್ಲಿ ಮೊಹಮ್ಮದ್‌ ಶಮಿ ಯಶಸ್ವಿಯಾದರು.
ಬಳಿಕ ಕ್ರೀಸ್‌ಗೆ ಬಂದ ರಾಸ್ಟನ್‌ ಚೇಸ್‌ (38), ಶಿಮ್ರೊನ್‌ ಹೆಟ್ಮೆಯರ್‌ (37) ರನ್ ಕಲೆ ಹಾಕುವ ಮೂಲಕ ತಂಡದ ಮೊತ್ತ ಹೆಚ್ಚಾಗಲು ಕಾರಣರಾದರು. ದೀಪಕ್ ಚಾಹರ್‌ ಬದಲು ತಂಡದಲ್ಲಿ ಸ್ಥಾನ ಪಡೆದಿರುವ ನವದೀಪ್‌ ಸೈನಿ, ರಾಸ್ಟನ್‌ – ಶಿಮ್ರೊನ್‌ ಜೋಡಿಯ ಆಟಕ್ಕೆ ತಡೆವೊಡ್ಡಿದರು.
ಬಳಕ ಆಟ ಮುಂದುವರಿಸಿದನಾಯಕ ಕೀರನ್‌ ಪೊಲಾರ್ಡ್‌ ಔಟಾಗದೆ 74 ರನ್ ಗಳಿಸಿದರು. ಇತ್ತ ನಿಕೋಲಸ್‌ ಪೂರನ್‌ 89 ರನ್ ಗಳಿಸಿ ಅಬ್ಬರಿಸಿದರು.
ಭಾರತದ ಪರ: ನವದೀಪ್‌ ಸೈನಿ 2, ರವೀಂದ್ರ ಜಡೇಜ 1, ಮೊಹಮ್ಮದ್‌ ಶಮಿ 1, ಶಾರ್ದುಲ್‌ ಠಾಕೂರ್‌ 1 ವಿಕೆಟ್‌ ಪಡೆದು ಮಿಂಚಿದರು.
