ಗುರುವಾರ , ಜನವರಿ 23, 2020
28 °C
ಸತತ 3ನೇ ವರ್ಷ ದಾಖಲೆ ಬರೆಯಲು ಹೊರಟ ನಾಯಕನಿಗೆ ಅಡ್ಡಿಯಾದ ಉಪನಾಯಕ

ಏಕದಿನ ಕ್ರಿಕೆಟ್ | 2019ರಲ್ಲಿ ಹೆಚ್ಚು ರನ್: ಕೊಹ್ಲಿಯನ್ನು ಹಿಂದಿಕ್ಕಿದ ರೋಹಿತ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವಿಶಾಖಪಟ್ಟಣ: 2017 ಹಾಗೂ 2018ರಲ್ಲಿ ಏಕದಿನ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್‌ ಗಳಿಸಿದ ಬ್ಯಾಟ್ಸ್‌ಮನ್‌ ಎನಿಸಿದ್ದ ಟೀಂ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ಓಟಕ್ಕೆ, ಉಪನಾಯಕ ರೋಹಿತ್‌ ಶರ್ಮಾ ಅಡ್ಡಿಯಾದರು.

ವಿಂಡೀಸ್‌ ವಿರುದ್ಧದ ಸರಣಿಯ ಎರಡನೇ ಪಂದ್ಯದಲ್ಲಿ ಭರ್ಜರಿ ಶತಕ ಸಿಡಿಸಿದ ರೋಹಿತ್, ಈ ವರ್ಷ ಆಡಿರುವ 27 ಪಂದ್ಯಗಳಿಂದ 1427 ರನ್ ಕಲೆಹಾಕಿದ ಸಾಧನೆ ಮಾಡಿದರು. ಈ ‍ಪಂದ್ಯಕ್ಕೂ ಮುನ್ನ ಕೊಹ್ಲಿ 25 ಪಂದ್ಯಗಳಿಂದ 1292 ರನ್‌ ಕಲೆಹಾಕಿದ್ದರು. ರೋಹಿತ್‌ ಶರ್ಮಾ ಖಾತೆಯಲ್ಲಿ 1,268‬ ರನ್‌ ಗಳಿದ್ದವು.

ಈ ಪಂದ್ಯದಲ್ಲಿ ರೋಹಿತ್‌ 159 ರನ್‌ ಗಳಿಸಿದರೆ, ಶೂನ್ಯಕ್ಕೆ ಔಟಾದ ಕೊಹ್ಲಿ ಹಿಂದೆ ಬಿದ್ದರು.

ಕೊಹ್ಲಿ 2017ರಲ್ಲಿ 1,460 ರನ್‌ ಹಾಗೂ 2018ರಲ್ಲಿ 1,202 ರನ್‌ ಕಲೆಹಾಕಿದ್ದರು. ಈ ಎರಡೂ ವರ್ಷ ರೋಹಿತ್‌ ಶರ್ಮಾ ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದರು. ಅವರು ಕ್ರಮವಾಗಿ 1293 ಮತ್ತು 1030 ರನ್ ಗಳಿಸಿದ್ದರು.

ಸರಣಿಯ ಮೂರನೇ ಪಂದ್ಯ ಬಾಕಿ ಇದ್ದು, ಅದು ವರ್ಷಾಂತ್ಯದಲ್ಲಿ ಈ ಇಬ್ಬರೂ ಬ್ಯಾಟ್ಸ್‌ಮನ್‌ಗಳು ಆಡುವ ಕೊನೆಯ ಏಕದಿನ ಪಂದ್ಯವಾಗಲಿದೆ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು