ನಾರ್ತ್‌ ಸೌಂಡ್‌, ವೆಸ್ಟ್ ಇಂಡೀಸ್‌: ಪ್ರಿಯಾ ಪುನಿಯಾ ಗಳಿಸಿದ ಅರ್ಧಶತಕ (75 ರನ್‌) ವ್ಯರ್ಥವಾಯಿತು. ಭಾರತ ತಂಡ ಐಸಿಸಿ ಮಹಿಳಾ ಚಾಂಪಿಯನ್‌ಷಿಪ್‌ ಸರಣಿಯ ಮೊದಲ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್‌ ಎದುರು ಒಂದು ರನ್‌ನ ಸೋಲು ಕಂಡಿತು.
ಶುಕ್ರವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಕೆರಿಬಿಯನ್‌ ನಾಡಿನ ತಂಡ, 50 ಓವರ್‌ಗಳಲ್ಲಿ 7 ವಿಕೆಟ್‌ಗೆ 225 ರನ್‌ ಗಳಿಸಿತ್ತು. ನಾಯಕಿ ಸ್ಟೆಫಾನಿ ಟೇಲರ್(94 ರನ್‌)ಶತಕ ವಂಚಿತರಾಗಿದ್ದರು. ಗುರಿ ಬೆನ್ನತ್ತಿದ ಭಾರತ 224 ರನ್‌ಗಳಿಗೆ ಆಲ್‌ ಔಟ್‌ ಆಯಿತು.
ಸಂಕ್ಷಿಪ್ತ ಸ್ಕೋರು: ವೆಸ್ಟ್ ಇಂಡೀಸ್‌ ಮಹಿಳೆಯರು: 50 ಓವರ್‌ಗಳಲ್ಲಿ 7 ವಿಕೆಟ್‌ಗೆ 225 (ಸ್ಟೆಫಾನಿ ಟೇಲರ್ 94, ನತಾಶಾ ಮೆಕ್‌ಲೀನ್‌ 51; ಶಿಖಾ ಪಾಂಡೆ 38ಕ್ಕೆ 2) ಭಾರತ ಮಹಿಳೆಯರು: 50 ಓವರ್‌ಗಳಲ್ಲಿ 224 (ಪ್ರಿಯಾ ಪುನಿಯಾ 75, ಜೆಮಿಮಾ ರೋಡ್ರಿಗಸ್‌ 41; ಅನೀಸಾ ಮೊಹಮ್ಮದ್‌ 46ಕ್ಕೆ 5) ಫಲಿತಾಂಶ: ವೆಸ್ಟ್ ಇಂಡೀಸ್‌ಗೆ ಒಂದು ರನ್‌ ಜಯ.
ತಂಡಕ್ಕೆ ಮಂದಾನ: ಕಾಲ್ಬೆರಳಿನ ಗಾಯದ ಕಾರಣ ಹೊರಗುಳಿದಿದ್ದ ಭಾರತದ ಸ್ಮೃತಿ ಮಂದಾನ ಗುಣಮುಖರಾಗಿದ್ದು ಭಾನುವಾರ ತಂಡ ಸೇರಿಕೊಳ್ಳಲಿದ್ದಾರೆ. ಸರಣಿಯ ಎರಡನೇ ಪಂದ್ಯ ಭಾನುವಾರ ನಡೆಯಲಿದೆ.
