ನೈಟ್‌ರೈಡರ್ಸ್‌ಗೆ ಸುಲಭ ಜಯ

ಶುಕ್ರವಾರ, ಏಪ್ರಿಲ್ 26, 2019
35 °C
ಐಪಿಎಲ್‌ ಕ್ರಿಕಟ್

ನೈಟ್‌ರೈಡರ್ಸ್‌ಗೆ ಸುಲಭ ಜಯ

Published:
Updated:
Prajavani

ಜೈಪುರ: ಶಿಸ್ತಿನ ಬೌಲಿಂಗ್ ಮಾಡಿದ ಕೋಲ್ಕತ್ತ ನೈಟ್‌ ರೈಡರ್ಸ್‌ ತಂಡವು ಭಾನುವಾರ ರಾತ್ರಿ ರಾಜಸ್ಥಾನ ರಾಯಲ್ಸ್‌ ವಿರುದ್ಧ ಎಂಟು ವಿಕೆಟ್‌ಗಳಿಂದ ಸುಲಭ ಜಯ ಸಾಧಿಸಿತು.

ಸವಾಯಿ ಮಾನಸಿಂಗ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಕೆಕೆಆರ್ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು.

ಸ್ಟೀವನ್ ಸ್ಮಿತ್ (73; 59ಎಸೆತ, 7ಬೌಂಡರಿ, 1ಸಿಕ್ಸರ್) ಅರ್ಧಶತಕದ ಬಲದಿಂದ ರಾಜಸ್ಥಾನ್ ರಾಯಲ್ಸ್‌ ತಂಡವು 20 ಓವರ್‌ಗಳಲ್ಲಿ ಮೂರು ವಿಕೆಟ್‌ಗಳಿಗೆ 139 ರನ್‌ ಗಳಿಸಿತು. ಕೆಕೆಆರ್ ತಂಡವು ಕ್ರಿಸ್ ಲಿನ್ (50; 32ಎ, 6ಬೌಂ, 3ಸಿ) ಮತ್ತು ಸುನಿಲ್ ನಾರಾಯಣ್ (47; 25ಎ, 6ಬೌಂ, 3ಸಿ) ಅವರ ಆಟದ ನೆರವಿನಿಂದ 13.5 ಓವರ್‌ಗಳಲ್ಲಿ 2 ವಿಕೆಟ್‌ಗಳಿಗೆ 140 ರನ್ ಗಳಿಸಿತು.

ಸ್ಮಿತ್ ಆಟ: ಆತಿಥೆಯ ತಂಡದ ಆರಂಭ ಚೆನ್ನಾಗಿರಲಿಲ್ಲ. ಅಜಿಂಕ್ಯ ರಹಾನೆ (5 ರನ್)  ಬೇಗನೆ ಔಟಾದರು.  ಜೋಸ್ ಬಟ್ಲರ್ (37 ರನ್ ) ಅವರೊಂದಿಗೆ ಜೊತೆಗೂಡಿದ ಸ್ಟೀವನ್ ಸ್ಮಿತ್ ಅವರು ಇನಿಂಗ್ಸ್‌ ಕಟ್ಟಿದರು. ಎರಡನೇ ವಿಕೆಟ್ ಜೊತೆಯಾಟದಲ್ಲಿ 72 ರನ್‌ ಸೇರಿಸಿದರು. ಆದರೆ, ರನ್‌ ಗಳಿಕೆಯು ನಿಧಾನವಾಯಿತು. 12ನೇ ಓವರ್‌ನಲ್ಲಿ ಜೋಸ್ ಬಟ್ಲರ್‌ ಔಟಾದರು. ರಾಹುಲ್ ತ್ರಿಪಾಠಿ ಕೂಡ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಸ್ಮಿತ್ ಒಬ್ಬರೇ ಏಕಾಂಗಿಯಾಗಿ ಬ್ಯಾಟ್ ಬೀಸಿದರು.

ಬೆನ್ ಸ್ಟೋಕ್ಸ್‌ (ಔಟಾಗದೆ 7; 14ಎಸೆತ) ತಾಳ್ಮೆಯಿಂದ ಆಡಿದರು. ಸ್ಮಿತ್ ಅವರಿಗೇ ಹೆಚ್ಚು ಹೊತ್ತು ಬ್ಯಾಟಿಂಗ್ ಸಿಗುವಂತೆ ನೋಡಿಕೊಂಡರು. ಆದರೂ ದೊಡ್ಡ ಮೊತ್ತ ಗಳಿಸಲು ಸಾಧ್ಯವಾಗಲಿಲ್ಲ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !