ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

RCB vs KKR: ಸಿರಾಜ್‌ ಐಪಿಎಲ್‌ನಲ್ಲಿ ಹೊಸ ದಾಖಲೆ; 3 ವಿಕೆಟ್, 2 ಮೇಡನ್

Last Updated 21 ಅಕ್ಟೋಬರ್ 2020, 17:12 IST
ಅಕ್ಷರ ಗಾತ್ರ

ಅಬುಧಾಬಿ: ಬುಧವಾರ ಕೋಲ್ಕತ್ತ ನೈಟ್ ರೈಡರ್ಸ್‌ ಎದುರಿನ ಪಂದ್ಯದಲ್ಲಿ ಆರ್‌ಸಿಬಿ ಬೌಲರ್‌ಗಳದ್ದೇ ಕಾರುಬಾರು. ಕೆಕೆಆರ್‌ ಬ್ಯಾಟ್ಸ್‌ಮನ್‌ಗಳನ್ನು ಕೇವಲ 84 ರನ್‌ಗಳಿಗೆ ಕಟ್ಟಿ ಹಾಕಿದರು.

ಮೊಹಮ್ಮದ್‌ ಸಿರಾಜ್‌ ಇವತ್ತು ಮಿಂಚಿ ಪ್ರದರ್ಶನ ನೀಡಿದರು. ಒಂದೂ ರನ್‌ ಬಿಟ್ಟು ಕೊಡದೆಯೇ ಮೂರು ವಿಕೆಟ್‌ ಗಳಿಸಿವ ಮೂಲಕ ಐಪಿಎಲ್‌ನಲ್ಲಿ ಹೊಸ ದಾಖಲೆ ಸೃಷ್ಟಿಸಿದರು. ಇದರೊಂದಿಗೆ ಎರಡು ಮೇಡನ್‌ ಓವರ್‌ ಮಾಡಿರುವ ಸಾಧನೆಗೂ ಪಾತ್ರರಾಗಿದ್ದಾರೆ.

ನಾಲ್ಕು ಓವರ್‌ಗಳಲ್ಲಿ 8ರನ್‌ ನೀಡಿ ಮೂರು ವಿಕೆಟ್‌ ಗಳಿಸುವ ಮೂಲಕ ಕೆಕೆಆರ್‌ಗೆ ದೊಡ್ಡ ಆಘಾತ ನೀಡಿದರು. ಕೆಕೆಆರ್‌ 14 ರನ್‌ ಗಳಿಸುವಷ್ಟರಲ್ಲಿ 4 ವಿಕೆಟ್‌ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.

ಕೆಕೆಆರ್‌ ಪರ ನಾಯಕ ಏಯಾನ್‌ ಮಾರ್ಗನ್‌ 34 ಎಸೆತಗಳಲ್ಲಿ 30 ರನ್‌ (1 ಸಿಕ್ಸರ್, 3 ಫೋರ್‌) ಗಳಿಸಿದರೆ, ಲಾಕಿ ಫರ್ಗ್ಯುಸನ್ 16 ಎಸೆತಗಳಲ್ಲಿ 19 ರನ್‌ ಗಳಿಸಿದರು.

ಆರ್‌ಸಿಬಿ ವಿಕೆಟ್‌ ಕೀಪರ್‌ ಎಬಿ ಡಿ ವಿಲಿಯರ್ಸ್‌ ಎರಡು ಕ್ಯಾಚ್‌ ಪಡೆಯುವ ಮೂಲಕ ಐಪಿಎಲ್‌ನಲ್ಲಿ 100 ಕ್ಯಾಚ್‌ಗಳು ಅವರ ಖಾತೆಗೆ ಸೇರ್ಪಡೆಯಾಗಿವೆ.

9ನೇ ಓವರ್‌ ಮಾಡಿದ ಸ್ಪಿನ್ನರ್‌ ಯಜುವೇಂದ್ರ ಚಾಹಲ್ ನಾಲ್ಕನೇ ಎಸೆತದಲ್ಲಿ ದಿನೇಶ್‌ ಕಾರ್ತಿಕ್‌ ಅವರನ್ನು ಎಲ್‌ಬಿಡಬ್ಲ್ಯು ಮೂಲಕ ಪೆವಿಲಿನ್‌ಗೆ ಕಳುಹಿಸಿದರು. ವಿರಾಟ್‌ ಕೊಹ್ಲಿ ಡಿಆರ್‌ಎಸ್‌ ತೆಗೆದುಕೊಂಡು ಕಾರ್ತಿಕ್‌ ವಿಕೆಟ್‌ ಗಟ್ಟಿ ಮಾಡಿಕೊಂಡರು. ನಂತರ ಬ್ಯಾಟಿಂಗ್‌ ಬಂದ ಪ್ಯಾಟ್ ಕಮಿನ್ಸ್ ಡಿಆರ್‌ಎಸ್‌ ಮೂಲಕ ವಿಕೆಟ್‌ ಉಳಿಸಿಕೊಂಡರು.

ಕೆಕೆಆರ್‌ 50 ರನ್‌ ದಾಟಿದ್ದು 15 ಓವರ್‌ನಲ್ಲಿ, ಕೊನೆಯ ಓವರ್‌ಗಳಲ್ಲಿಯೂ ಬ್ಯಾಟ್ಸ್‌ಮನ್‌ಗಳಿಂದ ಹೋರಾಟ ಕಾಣಲಿಲ್ಲ.

ಆರ್‌ಸಿಬಿ ಬೌಲಿಂಗ್‌ ಸಾಧನೆ:

ಮೊಹಮ್ಮದ್‌ ಸಿರಾಜ್‌–3 ವಿಕೆಟ್‌; 8 ರನ್‌; 2 ಮೇಡನ್‌
ಯಜುವೇಂದ್ರ ಚಾಹಲ್–2 ವಿಕೆಟ್‌; 15 ರನ್‌
ವಾಷಿಂಗ್ಟನ್ ಸುಂದರ್‌– 1 ವಿಕೆಟ್‌; 14 ರನ್‌
ನವದೀಪ್‌ ಸೈನಿ– 1 ವಿಕೆಟ್‌; 23 ರನ್‌
ಕ್ರಿಸ್‌ ಮೋರಿಸ್‌– 16 ರನ್‌; 1 ಮೇಡನ್‌
ಇಸುರು ಉದಾನ– 6 ರನ್‌

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT