ಇಂಡಿಯನ್ಸ್‌ಗೆ ಗೆಲುವಿನ ತಿಲಕ

ಅಹಮದಾಬಾದ್: ರನ್ ಬರ ಎದುರಿಸುತ್ತಿದ್ದ ತಿಲಕ್ ವರ್ಮಾ ಕೊನೆಗೂ ಲಯಕ್ಕೆ ಮರಳಿದರು. ಅವರ ಸಿಡಿಲಬ್ಬರದ ಅಜೇಯ ಶತಕದ ನೆರವಿನಿಂದ ಮುಂಬೈ ಇಂಡಿಯನ್ಸ್ ತಂಡವು ಸೋಮವಾರ ನೈಜ ಆಟವನ್ನು ಪ್ರದರ್ಶಿಸಿ, ಗುಜರಾತ್ ಟೈಟನ್ಸ್ ವಿರುದ್ಧ 99 ರನ್ಗಳ ಸುಲಭ ಗೆಲುವು ದಾಖಲಿಸಿತು.

ಹಾಲಿ ಟೂರ್ನಿಯಲ್ಲಿ ಸತತ ನಾಲ್ಕು ಪಂದ್ಯಗಳನ್ನು ಸೋತು ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದ್ದ ಐದು ಬಾರಿಯ ಚಾಂಪಿಯನ್ ಮುಂಬೈ ತಂಡವು ಕೊನೆಗೂ ಗೆಲುವಿನ ಹಳಿಗೆ ಮರಳಿತು. ಆರು ಪಂದ್ಯಗಳಲ್ಲಿ ಎರಡನೇ ಗೆಲುವು ದಾಖಲಿಸಿ ಏಳನೇ ಸ್ಥಾನಕ್ಕೆ ಏರಿತು. ಶುಭಮನ್ ಗಿಲ್ ಪಡೆಯು ಹ್ಯಾಟ್ರಿಕ್ ಗೆಲುವಿನ ಬಳಿಕ ಸೋಲು ಅನುಭವಿಸಿತು.

ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಆತಿಥೇಯ ತಂಡವು ಫೀಲ್ಡಿಂಗ್ ಆಯ್ದುಕೊಂಡಿತು. ತಿಲಕ್ (ಔಟಾಗದೇ 101;45ಎ, 4x8, 6x7) ಮತ್ತು ನಮನ್ ಧೀರ್ (45;32ಎ, 4x6, 6x1) ಅವರ ಬ್ಯಾಟಿಂಗ್ ಬಲದಿಂದ ಮುಂಬೈ 5 ವಿಕೆಟ್ಗೆ 199 ರನ್ ಗಳಿಸಿತು.

ಗುರಿ ಬೆನ್ನಟ್ಟಿದ ಟೈಟನ್ಸ್ ತಂಡವನ್ನು ಅಶ್ವನಿ ಕುಮಾರ್ (24ಕ್ಕೆ 4), ಅಲ್ಲಾಹ ಘಜನಫರ್ (17ಕ್ಕೆ 2), ಮಿಚೆಲ್ ಸ್ಯಾಂಟ್ನರ್ (16ಕ್ಕೆ 2) ಮತ್ತು ಜಸ್ಪ್ರೀತ್ ಬೂಮ್ರಾ (15ಕ್ಕೆ 1) ಬಿಗಿ ದಾಳಿ ನಡೆಸಿ ನಿಯಂತ್ರಿಸಿದರು. ಹೀಗಾಗಿ, ಗಿಲ್ ಪಡೆ 15.5 ಓವರ್ಗಳಲ್ಲಿ 100 ರನ್ ಗಳಿಸಿ ಸೋಲೊಪ್ಪಿಕೊಂಡಿತು.

ಇನಿಂಗ್ಸ್ನ ಮೊದಲ ಎಸೆತದಲ್ಲೇ ವೇಗಿ ಜಸ್ಪ್ರೀತ್ ಬೂಮ್ರಾ ಆಘಾತ ನೀಡಿದರು. ಎಡಗೈ ಬ್ಯಾಟರ್ ಸಾಯಿ ಸುದರ್ಶನ್ ಅವರನ್ನು ಔಟ್ ಮಾಡಿದರು. ಈ ಮೂಲಕ ಬೂಮ್ರಾ ಟೂರ್ನಿಯಲ್ಲಿ ವಿಕೆಟ್ ಖಾತೆ ತೆರೆದರು. ಅಗ್ರ ಬ್ಯಾಟರ್ಗಳಾದ ಶುಭಮನ್ (14), ಜೋಸ್ ಬಟ್ಲರ್ (5) ಬೇಗನೆ ಪೆವಿಲಿಯನ್ ಸೇರಿಕೊಂಡರು. ವಾಷಿಂಗ್ಟನ್ ಸುಂದರ್ (26;17ಎ) ಕೊಂಚ ಪ್ರತಿರೋಧ ತೋರಿದರು. ನಂತರ ಬಂದವರು ಕ್ರೀಸ್ನಲ್ಲಿ ಹೆಚ್ಚುಹೊತ್ತು ನಿಲ್ಲಲಿಲ್ಲ.

ತಿಲಕ್ ಅಬ್ಬರ: ದಕ್ಷಿಣ ಆಫ್ರಿಕಾದ ವೇಗಿ ಕಗಿಸೊ ರಬಾಡ (4–0–33–3) ಮುಂಬೈ ತಂಡಕ್ಕೆ ಆರಂಭದಲ್ಲಿ ಲಗಾಮು ಹಾಕಿದ್ದರು. ಅವರು ಹೊಸಬ ದಾನಿಶ್ ಮಾಳೆವಾರ್ (2), ಕ್ವಿಂಟನ್ ಡಿಕಾಕ್ (15) ಮತ್ತು ನಾಯಕ ಸೂರ್ಯಕುಮಾರ್ ಯಾದವ್ (15) ಅವರ ವಿಕೆಟ್ಗಳನ್ನು ಕಬಳಿಸಿದ್ದರು.

ಈ ಪಂದ್ಯಕ್ಕೆ ಮೊದಲು 5 ಇನಿಂಗ್ಸ್ಗಳಿಂದ ಕೇವಲ 43 ರನ್ ಗಳಿಸಿದ್ದ ತಿಲಕ್ ತಂಡಕ್ಕೆ ಅಗತ್ಯವಿದ್ದ ವೇಳೆಯೇ ಲಯ ಕಂಡುಕೊಂಡರು. ಈ ಪಂದ್ಯದಲ್ಲಿ ಅವರು ಆಡಲು ಇಳಿದಾಗ ತಂಡದ ಮೊತ್ತ 3 ವಿಕೆಟ್ಗೆ 44 (5.5 ಓವರ್). ಈ ಹಂತದಲ್ಲಿ ಅವರು ನಮನ್ ಧೀರ್ (45, 32 ಎಸೆತ) ಜೊತೆ 52 ರನ್ ಜೊತೆಯಾಟದ ಮೂಲಕ ಚೇತರಿಕೆ ನೀಡಿದರು.

ನಾಯಕ ಹಾರ್ದಿಕ್ ಪಾಂಡ್ಯ ಜೊತೆ ಐದನೇ ವಿಕೆಟ್ಗೆ ಕೇವಲ 38 ಎಸೆತಗಳಲ್ಲಿ 81 ರನ್ಗಳ ಜೊತೆಯಾಟವಾಡಿದರು. ಇದರಲ್ಲಿ ತಿಲಕ್ ಅವರದ್ದೇ ಸಿಂಹಪಾಲು. ಪಾಂಡ್ಯ ಗಳಿಸಿದ್ದು 16 ಎಸೆತಗಳಲ್ಲಿ 15 ರನ್ಗಳನ್ನಷ್ಟೇ.

14ನೇ ಓವರಿನ ಸ್ಟ್ರೆಟೆಜಿಕ್ ಟೈಮ್ಔಟ್ ವೇಳೆ ಹಾರ್ದಿಕ್ ಅವರು ಪಿಚ್ನಲ್ಲಿ ಪರದಾಡುತ್ತಿದ್ದ ತಿಲಕ್ ಅವರಿಗೆ ಏನೊ ಸೂಚನೆ ಕೊಡುತ್ತಿದ್ದುದ್ದು ಟಿ.ವಿ. ಕ್ಯಾಮೆರಾಗಳಲ್ಲಿ ಸೆರೆಯಾಗಿತ್ತು. ಆಗ ವರ್ಮಾ 22 ಎಸೆತಗಳಲ್ಲಿ 19 ರನ್ ಅಷ್ಟೇ ಗಳಿಸಿದ್ದರು. ಪ್ರೇಕ್ಷಕರೂ ಕೂಗೆಬ್ಬಿಸಿದ್ದರು. ನಂತರ ಬಸವಳಿಯುವ ಸರದಿ ಬೌಲರ್ಗಳದ್ದಾಗಿತ್ತು. ಅಶೋಕ್ ಶರ್ಮಾ ಮಾಡಿದ 18ನೇ ಓವರ್ನಲ್ಲಿ 26 ರನ್ (3 ಸಿಕ್ಸರ್, 2 ಬೌಂಡರಿ) ಬಾಚಿದರು.

ಪ್ರಸಿದ್ಧ ಕೃಷ್ಣ ಮಾಡಿದ ಕೊನೆಯ ಓವರಿನಲ್ಲಿ 21 ರನ್ ಸಿಡಿಸಿ ಶತಕ ಪೂರೈಸಿದ ತಿಲಕ್ ಮುಂಬೈ ಇಂಡಿಯನ್ಸ್ ತಂಡದ ಮೊತ್ತವನ್ನೂ 200ರ ಹೊಸ್ತಿಲಿಗೆ ತಲುಪಿಸಿದರು. ಕೊನೆಯ ಆರು ಓವರುಗಳಲ್ಲಿ ಮುಂಬೈ ತಂಡ 96 ರನ್ ದೋಚಿತು.

ಎಡಗೈ ಬ್ಯಾಟರ್ ತಿಲಕ್ ಆರಂಭದಲ್ಲಿ ನಿಧಾನಗತಿ ನೋಡಿದಾಗ ಪರದಾಡುವಂತೆ ಕಂಡಿದ್ದರು. ಅವರು ಕೊನೆಯ 14 ಟಿ20 ಇನಿಂಗ್ಸ್ಗಳಲ್ಲಿ ಒಂದೂ ಅರ್ಧ ಶತಕ ಗಳಿಸಿರಲಿಲ್ಲ. ಇದು ಮುಂಬೈ ಇಂಡಿಯನ್ಸ್ ತಂಡದ ಆಟಗಾರನೊಬ್ಬ ಗಳಿಸಿದ ಜಂಟಿ ಅತಿ ವೇಗದ ಶತಕ. ಈ ಹಿಂದೆ ಸನತ್ ಜಯಸೂರ್ಯ ಕೂಡ 45 ಎಸೆತಗಳಲ್ಲಿ ಶತಕ ಬಾರಿಸಿದ್ದರು.

82 ಇದು ತಿಲಕ್ ವರ್ಮಾ ಕೊನೆಯ ಆರು ಓವರುಗಳಲ್ಲಿ ಗಳಿಸಿದ ರನ್ಗಳು. ಐಪಿಎಲ್ನಲ್ಲಿ ಇದು ದಾಖಲೆ. ಕ್ವಿಂಟನ್ ಡಿಕಾಕ್ 2022ರಲ್ಲಿ ಲಖನೌ ಸೂಪರ್ ಜೈಂಟ್ಸ್ ಪರ (ಕೆಕೆಆರ್ ವಿರುದ್ಧ) ಗಳಿಸಿದ 80 ರನ್ಗಳು ಈ ಹಿಂದಿನ ದಾಖಲೆ ಆಗಿತ್ತು.

. ಮುಂಬೈ ಇಂಡಿಯನ್ಸ್: 5ಕ್ಕೆ 199 (20 ಓವರ್ಗಳಲ್ಲಿ) ಡಿಕಾಕ್ ಸಿ ಮತ್ತು ಬಿ ರಬಾಡ 13 (11ಎ 4x1 6x1) ಮಾಳೆವಾರ್ ಎಲ್ಬಿಡಬ್ಲ್ಯು ಬಿ ರಬಾಡ 2 (4ಎ) ನಮನ್ ಸಿ ರಬಾಡ ಬಿ ಪ್ರಸಿದ್ಧ 45 (32ಎ 4x6 6x1) ಸೂರ್ಯಕುಮಾರ್ ಬಿ ರಬಾಡ 15 (10ಎ 4x1 6x1) ತಿಲಕ್ ವರ್ಮಾ ಔಟಾಗದೇ 101 (45ಎ 4x8 6x7) ಹಾರ್ದಿಕ್ ಸಿ ಫಿಲಿಪ್ಸ್ ಬಿ ಸಿರಾಜ್ 15 (16ಎ 4x1) ಶೆರ್ಫೇನ್ ರುದರ್ಫೋರ್ಡ್ ಔಟಾಗದೇ 1 (2ಎ) ಇತರೆ: 7 (ಬೈ 1 ಲೆಗ್ಬೈ 4 ವೈಡ್ 2) ವಿಕೆಟ್ ಪತನ: 1–10 (ದಾನಿಶ್ ಮಾಳೆವಾರ್ 1.5) 2–25 (ಕ್ವಿಂಟನ್ ಡಿಕಾಕ್ 3.3) 3–44 (ಸೂರ್ಯಕುಮಾರ್ ಯಾದವ್ 5.5) 4–96 (ನಮನ್ ಧೀರ್ 12.3) 5–177 (ಹಾರ್ದಿಕ್ ಪಾಂಡ್ಯ 18.5) ಬೌಲಿಂಗ್: ಮೊಹಮ್ಮದ್ ಸಿರಾಜ್ 4–0–25–1 ಕಗಿಸೊ ರಬಾಡ 4–0–33–3 ಅಶೋಕ್ ಶರ್ಮಾ 3–0–38–0 ರಶೀದ್ ಖಾನ್ 4–0–31–0 ಪ್ರಸಿದ್ಧ ಕೃಷ್ಣ 4–0–54–1 ವಾಷಿಂಗ್ಟನ್ ಸುಂದರ್ 1–0–13–0

.ಸೋಲಿನ ಸರಪಳಿ ಕಳಚುವತ್ತ ಮುಂಬೈ ಚಿತ್ತ: ಮತ್ತೊಂದು ಜಯದ ನಿರೀಕ್ಷೆಯಲ್ಲಿ ಟೈಟನ್ಸ್.ಲಯಕ್ಕೆ ಮರಳಿದ ಚಕ್ರವರ್ತಿ, ರಿಂಕು ಸಿಂಗ್ : ಗೆಲುವಿನ ಖಾತೆ ತೆರೆದ ಕೋಲ್ಕತ್ತ. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇಂಡಿಯನ್ಸ್‌ಗೆ ಗೆಲುವಿನ ತಿಲಕ

ಚಿನಕುರುಳಿ: ಬುಧವಾರ, 20 ಮೇ 2026

ಜಾಗತಿಕ ವೇದಿಕೆಯಲ್ಲಿ ದೇಶದ ಘನತೆ ರಕ್ಷಿಸಲು ಪ್ರಧಾನಿ ಮೋದಿ ಪಣ: ಶರದ್ ಪವಾರ್

ಗುಂಡಣ್ಣ ಕಾರ್ಟೂನು: ಬುಧವಾರ, 20 ಮೇ 2026

ಚುರುಮುರಿ: ಒಡವೆ ವೈರಾಗ್ಯ

ಮಾಳವಿಕಾ, ಅಶ್ಮಿತಾ ಮುನ್ನಡೆ; ಲಕ್ಷ್ಯ, ಪ್ರಣಯ್ ನಿರ್ಗಮನ

ಹಾಕಿ ಕೋಚ್‌ ಬಲದೇವ್‌ಗೆ 25ರಂದು ಪದ್ಮಶ್ರೀ ಪ್ರದಾನ

ಕ್ವಾರ್ಟರ್‌ಫೈನಲ್‌ಗೆ ಮುಕುಂದ್‌ ಲಗ್ಗೆ

ಸೂಪರ್ ಕಿಂಗ್ಸ್‌ಗೆ ‘ಕೊನೆ’ ಅವಕಾಶ

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಚಿನಕುರುಳಿ: ಬುಧವಾರ, 20 ಮೇ 2026

ಜಾಗತಿಕ ವೇದಿಕೆಯಲ್ಲಿ ದೇಶದ ಘನತೆ ರಕ್ಷಿಸಲು ಪ್ರಧಾನಿ ಮೋದಿ ಪಣ: ಶರದ್ ಪವಾರ್

ಗುಂಡಣ್ಣ ಕಾರ್ಟೂನು: ಬುಧವಾರ, 20 ಮೇ 2026

ಚುರುಮುರಿ: ಒಡವೆ ವೈರಾಗ್ಯ