ಕೋಲ್ಕತ್ತ: ಐಪಿಲ್ 13ನೇ ಆವೃತ್ತಿಯ ಹರಾಜು ಪ್ರಕ್ರಿಯೆಯ ಮೊದಲ ಅವಧಿ ಮುಗಿದಿದೆ. ಒಂದು ಗಂಟೆ ವಿರಾಮದ ಬಳಿಕ ಎರಡನೇ ಅವಧಿ ಆರಂಭವಾಗಲಿದೆ. ಇದುವರೆಗೆ 17 ವಿದೇಶಿ ಆಟಗಾರರು ಸೇರಿದಂತೆ ಒಟ್ಟು 33 ಆಟಗಾರರು ಬಿಕರಿಯಾಗಿದ್ದಾರೆ. ಇಷ್ಟು ಆಟಗಾರರನ್ನು ಖರೀದಿಸಲು ಪ್ರಾಂಚೈಸ್ಗಳು ಒಟ್ಟು ₹ 117.55 ಕೋಟಿ ಖರ್ಚು ಮಾಡಿದ್ದಾರೆ.
ಮೊದಲ ಅವಧಿ ಆರಂಭಕ್ಕೂ ಮುನ್ನ₹ 42.70 ಕೋಟಿ ಹೊಂದಿದ್ದ ಕಿಂಗ್ಸ್ ಇಲೆವನ್ ಪಂಜಾಬ್ ತಂಡದ ಬಳಿ ಇನ್ನು₹ 20.25 ಕೋಟಿ ಹಣ ಉಳಿದಿದೆ. ಉಳಿದಂತೆ ಹೆಚ್ಚು ಹಣ ಉಳಿಸಿಕೊಂಡಿರುವ ಪ್ರಾಂಚೈಸ್ ರಾಜಸ್ಥಾನ ರಾಯಲ್ಸ್. ರಾಯಲ್ಸ್ ಬಳಿ ಒಟ್ಟು ₹ 17.45 ಕೋಟಿ ಇದೆ.
ಡೆಲ್ಲಿ ಕ್ಯಾಪಿಟಲ್ಸ್ ₹ 14.70 ಕೋಟಿ,ಆರ್ಸಿಬಿ ₹ 13.50 ಕೋಟಿ, ಸನ್ರೈಸರ್ಸ್ ಹೈದರಾಬಾದ್ ₹ 11.20 ಕೋಟಿ, ಕೆಕೆಆರ್ ₹ 10.10 ಕೋಟಿ, ಮುಂಬೈ ಇಂಡಿಯನ್ಸ್ ₹ 2.55 ಕೋಟಿ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ₹ 35 ಲಕ್ಷ ಉಳಿಸಿಕೊಂಡಿದೆ.
ಹರಾಜು ಪ್ರಕ್ರಿಯೆ ಆರಂಭಕ್ಕೂ ಮುನ್ನ ಯಾರ ಬಳಿ ಎಷ್ಟು ಹಣ ಇತ್ತು?
ಕಿಂಗ್ಸ್ ಇಲೆವನ್ ಪಂಜಾಬ್: ₹42.70 ಕೋಟಿ
ಕೋಲ್ಕತ್ತ ನೈಟ್ ರೈಡರ್ಸ್: ₹35.65 ಕೋಟಿ
ರಾಜಸ್ಥಾನ ರಾಯಲ್ಸ್: ₹28.90 ಕೋಟಿ
ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ₹27.90 ಕೋಟಿ
ಡೆಲ್ಲಿ ಕ್ಯಾಪಿಟಲ್ಸ್: ₹27.85 ಕೋಟಿ
ಸನ್ರೈಸರ್ಸ್ ಹೈದರಾಬಾದ್: ₹17 ಕೋಟಿ
ಚೆನ್ನೈ ಸೂಪರ್ ಕಿಂಗ್ಸ್: ₹14.60 ಕೋಟಿ
ಮುಂಬೈ ಇಂಡಿಯನ್ಸ್: ₹13.05 ಕೋಟಿ
ನಿಯಮದಂತೆ ಒಂದು ತಂಡವು ಗರಿಷ್ಠ ಎಂಟು ವಿದೇಶಿ ಆಟಗಾರರು ಸೇರಿದಂತೆ ಒಟ್ಟು 25 ಆಟಗಾರರನ್ನು ಹೊಂದಬಹುದು. ಅದರಂತೆ ಚೆನ್ನೈ ಬಳಿ ಈಗ 8 ವಿದೇಶಿಯರು ಸೇರಿ 23 ಆಟಗಾರರಿದ್ದಾರೆ.
ಕಿಂಗ್ಸ್ ಇಲೆವನ್ ಪಂಜಾಬ್ ಬಳಿ 7 ವಿದೇಶಿ ಆಟಗಾರರು ಸೇರಿ 22 ಆಟಗಾರರಿದ್ದಾರೆ.
ಮುಂಬೈ ಇಂಡಿಯನ್ಸ್ತಂಡದಲ್ಲಿ8 ವಿದೇಶಿ ಆಟಗಾರರು ಸೇರಿ 21 ಆಟಗಾರರಿದ್ದಾರೆ.
ಸನ್ರೈಸರ್ಸ್ ಹೈದರಾಬಾದ್ ಬಳಿ 7 ವಿದೇಶಿ ಆಟಗಾರರು ಸೇರಿ 21 ಆಟಗಾರರಿದ್ದಾರೆ.
ರಾಜಸ್ಥಾನ ರಾಯಲ್ಸ್ ಬಳಿ 5 ವಿದೇಶಿ ಆಟಗಾರರು ಸೇರಿ 21 ಆಟಗಾರರಿದ್ದಾರೆ.
ಕೋಲ್ಕತ್ತ ನೈಟ್ ರೈಡರ್ಸ್ ಬಳಿ 6 ವಿದೇಶಿ ಆಟಗಾರರು ಸೇರಿ 19 ಆಟಗಾರರಿದ್ದಾರೆ.
ಡೆಲ್ಲಿ ಕ್ಯಾಪಿಟಲ್ಸ್ ಬಳಿ 7 ವಿದೇಶಿ ಆಟಗಾರರು ಸೇರಿ 18 ಆಟಗಾರರಿದ್ದಾರೆ.
ಆರ್ಸಿಬಿ ಬಳಿ 4 ವಿದೇಶಿ ಆಟಗಾರರು ಸೇರಿ 15 ಆಟಗಾರರಿದ್ದಾರೆ.
ಇದುವರೆಗೆ ಹೆಚ್ಚು ಮೊತ್ತಕ್ಕೆ ಬಿಕರಿಯಾದ ಆಟಗಾರರು
ಆಟಗಾರ | ದೇಶ | ತಂಡ | ಬೆಲೆ |
ಪ್ಯಾಟ್ ಕಮಿನ್ಸ್ | ಆಸ್ಟ್ರೇಲಿಯಾ | ಕೆಕೆಆರ್ | ₹ 15.5 ಕೋಟಿ |
ಗ್ಲೇನ್ ಮ್ಯಾಕ್ಸ್ವೆಲ್ | ಆಸ್ಟ್ರೇಲಿಯಾ | ಕಿಂಗ್ಸ್ ಇಲವೆನ್ ಪಂಜಾಬ್ | ₹ 10.75 ಕೋಟಿ |
ಕ್ರಿಸ್ ಮೋರಿಸ್ | ದ.ಆಫ್ರಿಕಾ | ಆರ್ಸಿಬಿ | ₹ 10 ಕೋಟಿ |
ಶೆಲ್ಡನ್ ಕಾಟ್ರೇಲ್ | ವೆಸ್ಟ್ ಇಂಡೀಸ್ | ಕಿಂಗ್ಸ್ ಇಲವೆನ್ ಪಂಜಾಬ್ | ₹ 8.50 ಕೋಟಿ |
ನಾಥನ್ ಕರ್ಟರ್ನೇಲ್ | ಆಸ್ಟ್ರೇಲಿಯಾ | ಮುಂಬೈ ಇಂಡಿಯನ್ಸ್ | ₹ 8 ಕೋಟಿ |
ಪಿಯೂಷ್ ಚಾವ್ಲಾ | ಭಾರತ | ಸಿಎಸ್ಕೆ | ₹ 6.75 ಕೋಟಿ |
ಸ್ಯಾಮ್ ಕರನ್ | ಇಂಗ್ಲೆಂಡ್ | ಸಿಎಸ್ಕೆ | ₹ 5.5 ಕೋಟಿ |
ಇಯಾನ್ ಮಾರ್ಗನ್ | ಇಂಗ್ಲೆಂಡ್ | ಕೆಕೆಆರ್ | ₹ 5.25 ಕೋಟಿ |
The Big BUYS after the end of Session 1 of the @Vivo_India #IPLAuctions 👏👍👌💰 pic.twitter.com/FBgGX0oWFU
— IndianPremierLeague (@IPL) December 19, 2019
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.