ಐಪಿಎಲ್ | ಡೊನೊವನ್‌– ಶುಭಂ ಅಮೋಘ ಜೊತೆಯಾಟ: ‘ಕಿಂಗ್ಸ್‌’ಗೆ ಸೋಲುಣಿಸಿದ ‘ರಾಯಲ್ಸ್’

ಮುಲ್ಲನಪುರ : ಪಂಜಾಬ್ ಕಿಂಗ್ಸ್ ತಂಡದ ಅಜೇಯ ಓಟಕ್ಕೆ ಮಂಗಳವಾರ ರಾಜಸ್ಥಾನ ರಾಯಲ್ಸ್ ತಡೆಯೊಡ್ಡಿತು. ಶ್ರೇಯಸ್ ಅಯ್ಯರ್ ನಾಯಕತ್ವದ ಪಂಜಾಬ್ ತಂಡವು ಪ್ರಸಕ್ತ ಐಪಿಎಲ್ನಲ್ಲಿ ಮೊದಲ ಸೋಲು ಅನುಭವಿಸಿತು.

. ಡೊನೊವನ್ ಫೆರೀರಾ (ಔಟಾಗದೇ 52; 26ಎ, 4x6, 6x3) ಮತ್ತು ಇಂಪ್ಯಾಕ್ಟ್ ಪ್ಲೇಯರ್ ಶುಭಂ ದುಬೆ (ಔಟಾಗದೇ 31; 12ಎ, 4x3, 6x2) ಅವರ ಅಮೋಘ ಜೊತೆಯಾಟದ ಬಲದಿಂದ ರಿಯಾನ್ ಪರಾಗ್ ಪಡೆ ಆರು ವಿಕೆಟ್ಗಳ ಜಯ ಸಾಧಿಸಿತು.

. ಮಹಾರಾಜ ಯಾದವೀಂದ್ರ ಸಿಂಗ್ ಅಂತರ ರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಟಾಸ್ ಗೆದ್ದ ರಾಯಲ್ಸ್ ಬೌಲಿಂಗ್ ಆಯ್ದುಕೊಂಡಿತು. ಪ್ರಭಸಿಮ್ರನ್ ಸಿಂಗ್ ಮತ್ತು ಮಾರ್ಕಸ್ ಸ್ಟೊಯಿನಿಸ್ ಅವರ ಅಬ್ಬರದ ಬ್ಯಾಟಿಂಗ್ನಿಂದಾಗಿ ಪಂಜಾಬ್ 20 ಓವರ್ಗಳಲ್ಲಿ 4 ವಿಕೆಟ್ಗಳಿಗೆ 222 ರನ್ ಗಳಿಸಿತು.

. ದೊಡ್ಡ ಗುರಿ ಬೆನ್ನಟ್ಟಿದ ರಾಜಸ್ಥಾನ ರಾಯಲ್ಸ್ ತಂಡಕ್ಕೆ ಯುವ ತಾರೆ ವೈಭವ್ ಸೂರ್ಯವಂಶಿ (43; 16ಎ, 4x3, 6x5) ಹಾಗೂ ಯಶಸ್ವಿ ಜೈಸ್ವಾಲ್ (51; 27ಎ, 4x7, 6x1) ಅವರು ಬಿರುಸಿನ ಆರಂಭ ಒದಗಿಸಿದರು. ಈ ಜೋಡಿ ಮೊದಲ ವಿಕೆಟ್ಗೆ 3.2 ಓವರ್ಗಳಲ್ಲಿ 51 ರನ್ ಸೇರಿಸಿತು. ಅರ್ಧಶತಕದತ್ತ ಮುನ್ನುಗ್ಗುತ್ತಿದ್ದ ವೈಭವ್, ಅರ್ಷದೀಪ್ ಸಿಂಗ್ ಎಸೆದ ನಾಲ್ಕನೇ ಓವರ್ನಲ್ಲಿ ಶ್ರೇಯಸ್ಗೆ ಕ್ಯಾಚಿತ್ತರು.

. ವೈಭವ್ ನಿರ್ಗಮನದ ನಂತರ ಜೈಸ್ವಾಲ್ ರನ್ ಗಳಿಕೆಗೆ ವೇಗ ನೀಡಿದರು. ಟೂರ್ನಿಯಲ್ಲಿ ಮೂರನೇ ಅರ್ಧಶತಕ ದಾಖಲಿಸಿದರು. ಪಂಜಾಬ್ ತಂಡದ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ಅವರು ಜೈಸ್ವಾಲ್, ಧ್ರುವ ಜುರೇಲ್ (16;20ಎ) ಹಾಗೂ ನಾಯಕ ರಿಯಾನ್ ಪರಾಗ್ಗೆ (29; 16ಎ) ಪೆವಿಲಿಯನ್ ಹಾದಿ ತೋರಿದರು.

. ರಾಯಲ್ಸ್ ಗೆಲುವಿಗೆ ಕೊನೆಯ ಆರು ಓವರ್ಗಳಲ್ಲಿ 72 ರನ್ ಬೇಕಿತ್ತು. ಆಗ ಜೊತೆಗೂಡಿದ ಡೊನೊವನ್– ಶುಭಂ ಅವರು 32 ಎಸೆತಗಳಲ್ಲಿ 77 ರನ್ ಸೇರಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು. ರಾಯಲ್ಸ್ ಇನ್ನೂ ನಾಲ್ಕು ಎಸೆತಗಳಿರುವಂತೆ 4 ವಿಕೆಟ್ ಕಳೆದುಕೊಂಡು ಸಂಭ್ರಮಿಸಿತು. ಗೆಲುವಿನ ಸಿಕ್ಸರ್ ಹೊಡೆದ ಡೊನೊವನ್, ಅರ್ಧಶತಕವನ್ನೂ ಪೂರ್ಣಗೊಳಿಸಿಕೊಂಡರು.

. ಪಂಜಾಬ್ ತಂಡದ ವೇಗಿಗಳಾದ ಅರ್ಷದೀಪ್ (4–0–68–1) ಹಾಗೂ ಲಾಕಿ ಫರ್ಗ್ಯೂಸನ್ (4–0–57–0) ದುಬಾರಿಯಾದರು.

. ಇದಕ್ಕೆ ಮೊದಲು, ಲಯದಲ್ಲಿರುವ ಪ್ರಭಸಿಮ್ರನ್ ಸಿಂಗ್ (59; 44ಎ) ಹಾಗೂ ಪ್ರಿಯಾಂಶ್ ಆರ್ಯ (29; 11ಎ) ಅವರು ಎಂದಿನಂತೆ ಪಂಜಾಬ್ ತಂಡಕ್ಕೆ ಅಮೋಘ ಆರಂಭ ನೀಡಿದರು. ಇದರಿಂದಾಗಿ ಪವರ್ಪ್ಲೇನಲ್ಲಿ ಒಟ್ಟು 65 ರನ್ಗಳು ಸೇರಿದವು.

. ಕೊನೆಯ ಹಂತದ ಓವರ್ಗಳಲ್ಲಿ ಸ್ಟೊಯಿನಿಸ್ (ಔಟಾಗದೇ 62; 22ಎ, 4x4, 6x6) ಬೀಸಾಟವಾಡಿದ್ದರಿಂದ ತಂಡವು ‘ದ್ವಿಶತಕ’ದ ಗಡಿ ದಾಟಿತು. ಎದುರಾಳಿಗೆ ಕಠಿಣ ಗುರಿಯೊಡ್ಡಿತು. ಸ್ಟೊಯಿನಿಸ್, ಈ ಆವೃತ್ತಿಯಲ್ಲಿ ಹೆಚ್ಚು ವೈಫಲ್ಯ ಅನುಭವಿಸಿದ್ದರು. ಆದರೆ ಇಲ್ಲಿ ರಾಯಲ್ಸ್ ಬೌಲರ್ಗಳ ಚಳಿ ಬಿಡಿಸಿದರು. ಕೊನೆಯ ನಾಲ್ಕು ಓವರ್ಗಳಲ್ಲಿ 62 ರನ್ಗಳು ಹರಿದು ಬಂದವು.

. ರಾಯಲ್ಸ್ ತಂಡದ ‘ಕನ್ನಡಿಗ’ ಯಶ್ ರಾಜ್ ಪೂಂಜ (4–0–41–2) ಯಶಸ್ಸು ಗಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಐಪಿಎಲ್ | ಡೊನೊವನ್‌– ಶುಭಂ ಅಮೋಘ ಜೊತೆಯಾಟ: ‘ಕಿಂಗ್ಸ್‌’ಗೆ ಸೋಲುಣಿಸಿದ ‘ರಾಯಲ್ಸ್’

ಚಿನಕುರುಳಿ ಕಾರ್ಟೂನ್: ಮೇ 16 ಶನಿವಾರ 2026

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 16, ಶನಿವಾರ

ಚುರುಮುರಿ: ಸ್ವದೇಶಿ ವಿನಿಮಯ!

ದೇವೇಗೌಡ ಮತ್ತೆ ರಾಜ್ಯಸಭೆಗೆ? ನಿತಿನ್ ನವಿನ್ ಭೇಟಿಯಾದ ಕುಮಾರಸ್ವಾಮಿ

ಬೌಲರ್‌ಗಳ ಮೇಲೆ ಅಲೆನ್, ರಘುವಂಶಿ, ಗ್ರೀನ್ ಸವಾರಿ: ಗುಜರಾತ್ ಎದುರು ಬೃಹತ್ ಗುರಿ

RCB vs PBKS: Sorry ಅಯ್ಯರ್‌, Bye Bye ಪಂಜಾಬ್‌ – RCB ಅಭಿಮಾನಿಗಳ ಜೋಶ್‌

IPL 2026: ಅಗ್ರಸ್ಥಾನದತ್ತ ಗಿಲ್ ಪಡೆ ಚಿತ್ತ

ಸ್ವದೇಶಕ್ಕೆ ಮರಳಿದ ರಚಿನ್ ರವೀಂದ್ರ

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಚಿನಕುರುಳಿ ಕಾರ್ಟೂನ್: ಮೇ 16 ಶನಿವಾರ 2026

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 16, ಶನಿವಾರ

ಚುರುಮುರಿ: ಸ್ವದೇಶಿ ವಿನಿಮಯ!

ದೇವೇಗೌಡ ಮತ್ತೆ ರಾಜ್ಯಸಭೆಗೆ? ನಿತಿನ್ ನವಿನ್ ಭೇಟಿಯಾದ ಕುಮಾರಸ್ವಾಮಿ