ಇಶಾನ್ ನನ್ನೊಂದಿಗೆ ಇನಿಂಗ್ಸ್ ಆರಂಭಿಸುತ್ತಾರೆ, ಇರುವುದು ಅದೊಂದೇ ಆಯ್ಕೆ: ರೋಹಿತ್

ತಡವಾಗಿ ತಂಡ ಸೇರಿಕೊಂಡ ಮಯಂಕ್ ಅಗರವಾಲ್ ಕಡ್ಡಾಯ ಕ್ವಾರಂಟೈನ್‌ನಲ್ಲಿರುವ ಹಿನ್ನೆಲೆಯಲ್ಲಿ ತಂಡಕ್ಕೆ ಇರುವ ಏಕೈಕ ಯುವ ಆಟಗಾರನ ಆಯ್ಕೆ ಇಶಾನ್ ಕಿಶನ್ ಎಂದು ಹೇಳಿದ್ದಾರೆ.

ಶಿಖರ್ ಧವನ್ ಮತ್ತು ಋತುರಾಜ್ ಗಾಯಕ್ವಾಡ್ ಅವರಿಗೆ ಕೋವಿಡ್-19 ದೃಢಪಟ್ಟ ನಂತರ ಕಿಶನ್ ಅವರನ್ನು ಏಕದಿನ ತಂಡಕ್ಕೆ ಸೇರ್ಪಡೆ ಮಾಡಲಾಗಿದೆ. ಸದ್ಯ ಅವರು ಪ್ರತ್ಯೇಕ ವಾಸದಲ್ಲಿದ್ದಾರೆ.

‘ನಮಗೆ ಇರುವ ಏಕೈಕ ಆಯ್ಕೆ ಇಶಾನ್ ಕಿಶನ್ ಮತ್ತು ಅವರು ನನ್ನೊಂದಿಗೆ ಇನಿಂಗ್ಸ್ ಆರಂಭಿಸುತ್ತಾರೆ’ ಎಂದು ರೋಹಿತ್ ಏಕದಿನ ಸರಣಿ ಆರಂಭಕ್ಕೂ ಮುನ್ನಾದಿನದಂದು ಹೇಳಿದರು.

‘ಮಯಂಕ್ ಅಗರವಾಲ್ ಅವರನ್ನು ತಂಡಕ್ಕೆ ಸೇರ್ಪಡೆಗೊಳಿಸಲಾಗಿದೆ ಮತ್ತು ಅವರು ಇನ್ನೂ ಕಡ್ಡಾಯ ಕ್ವಾರಂಟೈನ್‌ನಲ್ಲಿ ಇದ್ದಾರೆ. ಅವರು ತಡವಾಗಿ ತಂಡವನ್ನು ಸೇರಿದರು. ನಿಯಮಗಳ ಪ್ರಕಾರ, ಯಾರಾದರೂ ಪ್ರವಾಸದಲ್ಲಿದ್ದರೆ ಅವರನ್ನು 3 ದಿನ ಕಡ್ಡಾಯ ಕ್ವಾರಂಟೈನ್‌ನಲ್ಲಿ ಇರಿಸಬೇಕಾಗುತ್ತದೆ. ಮಯಂಕ್ ಇನ್ನೂ ಕ್ವಾರಂಟೈನ್ ಪೂರ್ಣಗೊಳಿಸಿಲ್ಲ, ಆದ್ದರಿಂದ ಇಶಾನ್ ಇನ್ನಿಂಗ್ಸ್ ಆರಂಭಿಸಲಿದ್ದಾರೆ’ ಎಂದು ಅವರು ಹೇಳಿದರು.

‘ನಾವು ಇಂದು ಅಭ್ಯಾಸ ನಡೆಸಿದ್ದೇವೆ. ಯಾವುದೇ ಗಾಯದ ಸಮಸ್ಯೆ ಇಲ್ಲದಿದ್ದರೆ ಸದ್ಯ ತಂಡದಲ್ಲಿ ಯಾವುದೇ ಸಮಸ್ಯೆ ಇಲ್ಲ’ ಎಂದು ಅವರು ಹೇಳಿದರು.