ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಟೆಸ್ಟ್‌ ಸರಣಿ: ಇಶಾಂತ್‌ ಫಿಟ್‌, ಕಿವೀಸ್‌ ವಿರುದ್ಧ ಕಣಕ್ಕೆ

Last Updated 15 ಫೆಬ್ರುವರಿ 2020, 19:45 IST
ಅಕ್ಷರ ಗಾತ್ರ

ನವದೆಹಲಿ: ಭಾರತ ತಂಡದ ವೇಗದ ಬೌಲರ್‌ ಇಶಾಂತ್‌ ಶರ್ಮಾ, ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್‌ ಅಕಾಡೆಮಿಯಲ್ಲಿ ಶನಿವಾರ ನಡೆದ ದೈಹಿಕ ಅರ್ಹತಾ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದಾರೆ. ನ್ಯೂಜಿಲೆಂಡ್‌ನಲ್ಲಿ ಎರಡು ಟೆಸ್ಟ್‌ಗಳ ಸರಣಿ ಆಡಲಿರುವ ಭಾರತ ತಂಡವನ್ನು ಅವರು ಸೇರಿಕೊಳ್ಳಲಿದ್ದಾರೆ.

ಟೆಸ್ಟ್ ಸರಣಿಯ ಮೊದಲ ಪಂದ್ಯ ಇದೇ ತಿಂಗಳ 21ರಂದು ವೆಲ್ಲಿಂಗ್ಟನ್‌ನಲ್ಲಿ ಆರಂಭವಾಗಲಿದೆ. ಇಶಾಂತ್‌ ದೈಹಿಕ ಅರ್ಹತೆ ಪಡೆದಿರುವುದನ್ನು ಬಿಸಿಸಿಐ ಮೂಲವೊಂದು ಖಚಿತಪಡಿಸಿವೆ. ಈಗಾಗಲೇ ಪ್ರಕಟಿಸಿರುವ ತಂಡದಲ್ಲಿ ಇಶಾಂತ್‌ ಹೆಸರಿದೆ. ಆದರೆ ಇದಕ್ಕಾಗಿ ಅವರು ದೈಹಿಕ ಅರ್ಹತೆ ಪೂರೈಸಬೇಕಿತ್ತು.

ಇಶಾಂತ್‌ ಅವರಿಗೆ ನೂರು ಟೆಸ್ಟ್‌ ಪಂದ್ಯಗಳ ಮೈಲಿಗಲ್ಲು ದಾಟಲು ಇನ್ನು ನಾಲ್ಕು ಟೆಸ್ಟ್‌ ಪಂದ್ಯಗಳನ್ನಷ್ಟೇ ಆಡಬೇಕಾಗಿದೆ. ಕಪಿಲ್‌ ದೇವ್‌ ನಂತರ ನೂರು ಟೆಸ್ಟ್‌ಗಳ ಮೈಲಿಗಲ್ಲು ದಾಖಲಿಸಲಿರುವ ಎರಡನೇ ವೇಗದ ಬೌಲರ್‌ ಎನಿಸಲಿದ್ದಾರೆ ಇಶಾಂತ್‌.

ವಿದರ್ಭ ವಿರುದ್ಧ ಜನವರಿ 21ರಂದು ಫಿರೋಜ್‌ ಷಾ ಕೋಟ್ಲಾ ಮೈದಾನದಲ್ಲಿ ನಡೆದ ರಣಜಿ ಟ್ರೋಫಿ ಪಂದ್ಯದ ವೇಳೆ ಅವರ ಕಾಲು ಉಳುಕಿತ್ತು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT