ಬೆಂಗಳೂರು: ಜೈನ್ ವಿಶ್ವವಿದ್ಯಾಲಯದ ಪುರುಷರ ತಂಡದವರು ಜೆ.ಯು. ಸೆಂಟರ್ ಫಾರ್ ಮ್ಯಾನೇಜ್ಮೆಂಟ್ ಸ್ಟಡೀಸ್ ಆಶ್ರಯದ ಕಾಲೇಜು ಪ್ರೀಮಿಯರ್ ಲೀಗ್ (ಸಿಪಿಎಲ್) ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ.
ಬುಧವಾರ ನಡೆದ ಫೈನಲ್ನಲ್ಲಿ ಜೈನ್ ವಿ.ವಿ ತಂಡ 6 ವಿಕೆಟ್ಗಳಿಂದ ಎಸ್.ಜೆ.ಸಿ.ಸಿ ತಂಡವನ್ನು ಪರಾಭವಗೊಳಿಸಿತು. ಜೈನ್ ತಂಡದ ಆದಿತ್ಯ ಗೋಯಲ್ ಬೌಲಿಂಗ್ನಲ್ಲಿ ಮೋಡಿ ಮಾಡಿದರು. 23 ರನ್ ನೀಡಿದ ಅವರು ಮೂರು ವಿಕೆಟ್ ಉರುಳಿಸಿದರು. ರೋಹನ್ ನಾಯ್ಕರ್ (61ರನ್) ಅರ್ಧಶತಕದ ಸಂಭ್ರಮ ಆಚರಿಸಿದರು.