ಜನಾಂಗೀಯ ನಿಂದನೆ: ಪ್ರತಿಭಟನೆಗೆ ಇಂಗ್ಲೆಂಡ್‌ ಚಿಂತನೆ

ಇಂಗ್ಲೆಂಡ್ ತನ್ನ ಮೊದಲ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಎದುರು ಸೆಣಸಲಿದೆ. ಕೊನೆಯದಾಗಿಇಂಗ್ಲೆಂಡ್ 2020ರ ಆಗಸ್ಟ್‌ನಲ್ಲಿ ಐರ್ಲೆಂಡ್ ಎದುರಿನ ಏಕದಿನ ಪಂದ್ಯದ ಸಂದರ್ಭದಲ್ಲಿ ಮೊಣಕಾಲೂರಿ ಜನಾಂಗೀಯ ನಿಂದನೆ ವಿರುದ್ಧದ ಆಂದೋಲನಕ್ಕೆ ಬೆಂಬಲ ಸೂಚಿಸಿತ್ತು.

ಇದನ್ನು ಮುಂದುವರಿಸದೇ ಇದ್ದುದಕ್ಕೆ ವೆಸ್ಟ್ ಇಂಡೀಸ್‌ನ ಖ್ಯಾತ ಆಟಗಾರ ಮತ್ತು ಜನಾಂಗೀಯ ನಿಂದನೆ ವಿರುದ್ಧದ ಆಂದೋಲನದಲ್ಲಿ ಭಾಗಿಯಾಗಿರುವ ಮೈಕೆಲ್ ಹೋಲ್ಡಿಂಗ್ ಭೇಸರ ವ್ಯಕ್ತಪಡಿಸಿದ್ದರು. ಇದರ ನಂತರ ನ್ಯೂಜಿಲೆಂಡ್ ಎದುರಿನ ಟೆಸ್ಟ್ ಸರಣಿಯಲ್ಲಿ ಜನಾಂಗೀಯ ನಿಂದನೆ, ಧಾರ್ಮಿಕ ಅಸಹಿಷ್ಣುತೆ, ಲಿಂಗತಾರತಮ್ಯ ಇತ್ಯಾದಿಗಳನ್ನು ವಿರೋಧಿಸುವ ಘೋಷಣೆಗಳುಳ್ಳ ಟಿ–ಶರ್ಟ್ ತೊಟ್ಟು ಇಂಗ್ಲೆಂಡ್ ಆಟಗಾರರು ಕಣಕ್ಕೆ ಇಳಿದಿದ್ದರು.

ವೆಸ್ಟ್ ಇಂಡೀಸ್ ಪ್ರತಿಭಟನೆ

ವಿಶ್ವಕಪ್ ಟೂರ್ನಿಯ ಪ್ರತಿ ಪಂದ್ಯದ ಸಂದರ್ಭದಲ್ಲೂ ಜನಾಂಗೀಯ ನಿಂದನೆ ವಿರುದ್ಧದ ಪ್ರತಿಭಟನೆ ದಾಖಲಿಸುವ ಸಲುವಾಗಿ ಮೊಣಕಾಲೂರಲಾಗುವುದು ಎಂದು ವೆಸ್ಟ್ ಇಂಡೀಸ್ ತಂಡದ ನಾಯಕ ಕೀರನ್ ಪೊಲಾರ್ಡ್ ತಿಳಿಸಿದ್ದಾರೆ.

2020ರಲ್ಲಿ ಮಿನೆಸೊಟಾದಲ್ಲಿ ಪೊಲೀಸ್ ದೌರ್ಜನ್ಯದಿಂದ ಆಫ್ರಿಕಾ ಮೂಲದ ಜಾರ್ಜ್ ಫ್ಲಾಯ್ಡ್‌ ಎಂಬ ವ್ಯಕ್ತಿ ಸಾವಿಗೀಡಾದ ನಂತರ ಮೊಣಕಾಲೂರಿ ಪ್ರತಿಭಟನೆ ದಾಖಲಿಸಲಾಗುತ್ತಿತ್ತು. ಇದು ನಂತರ ‘ಬ್ಲ್ಯಾಕ್‌ ಲಿವ್ಸ್‌ ಮ್ಯಾಟರ್‌’ ಎಂಬ ಅಭಿಯಾನದ ಸ್ವರೂಪ ಪಡೆದುಕೊಂಡಿತ್ತು.