ಫೈನಲ್‌ ಪ್ರವೇಶಿಸಿದ ಬೆಂಗಳೂರು ಬ್ಲಾಸ್ಟರ್ಸ್‌

7
ಕೆಪಿಎಲ್: ವಾರಿಯರ್ಸ್‌ಗೆ ಸೆಮಿಫೈನಲ್‌ನಲ್ಲಿ ನಿರಾಸೆ

ಫೈನಲ್‌ ಪ್ರವೇಶಿಸಿದ ಬೆಂಗಳೂರು ಬ್ಲಾಸ್ಟರ್ಸ್‌

Published:
Updated:

ಮೈಸೂರು: ಬ್ಯಾಟಿಂಗ್‌ ವೈಫಲ್ಯ ಅನುಭವಿಸಿದರೂ ಶಿಸ್ತಿನ ಬೌಲಿಂಗ್‌ ಮೂಲಕ ಮೈಸೂರು ವಾರಿಯರ್ಸ್‌ ತಂಡವನ್ನು 20 ರನ್‌ಗಳಿಂದ ಮಣಿಸಿದ ಬೆಂಗಳೂರು ಬ್ಲಾಸ್ಟರ್ಸ್‌ ತಂಡ ಕೆಪಿಎಲ್‌ ಟ್ವೆಂಟಿ–20 ಕ್ರಿಕೆಟ್‌ ಟೂರ್ನಿಯ ಫೈನಲ್‌ ಪ್ರವೇಶಿಸಿತು.

ಗಂಗೋತ್ರಿ ಗ್ಲೇಡ್ಸ್‌ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಸೆಮಿಫೈನಲ್‌ನಲ್ಲಿ ಮೊದಲು ಬ್ಯಾಟ್‌ ಮಾಡಿದ ರಾಬಿನ್‌ ಉತ್ತಪ್ಪ ನೇತೃತ್ವದ ಬ್ಲಾಸ್ಟರ್ಸ್‌ 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 138 ರನ್‌ ಗಳಿಸಿದರೆ, ವಾರಿಯರ್ಸ್‌ 9 ವಿಕೆಟ್‌ಗೆ 118 ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.

ಶ್ರೇಯಸ್‌ ಗೋಪಾಲ್‌ (13ಕ್ಕೆ 3) ಮತ್ತು ಆನಂದ್‌ ದೊಡ್ಡಮನಿ (16ಕ್ಕೆ2) ಅವರು ಬ್ಲಾಸ್ಟರ್ಸ್‌ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದರು. ವಾರಿಯರ್ಸ್‌ ಪರ ಅರ್ಜುನ್‌ ಹೊಯ್ಸಳ (52, 42 ಎಸೆತ) ಹೊರತುಪಡಿಸಿ ಇತರ ಎಲ್ಲರೂ ವಿಫಲರಾದರು.

ಸಾಧಾರಣ ಮೊತ್ತ: ಮೊದಲು ಬ್ಯಾಟ್‌ ಮಾಡಿದ ಬ್ಲಾಸ್ಟರ್ಸ್‌ ಪರ ಪವನ್‌ (19) ಮತ್ತು ಮಿತ್ರಕಾಂತ್‌ ಯಾದವ್‌ (14) ಮೊದಲ ವಿಕೆಟ್‌ಗೆ ಐದು ಓವರ್‌ಗಳಲ್ಲಿ 30 ರನ್‌ ಸೇರಿಸಿದರು. ಆ ಬಳಿಕ ಆಗಿಂದಾಗ್ಗೆ ವಿಕೆಟ್‌ಗಳು ಬಿದ್ದವು. ಉತ್ತಮ ಜೊತೆಯಾಟ ಮೂಡಿಬರಲಿಲ್ಲ.

ರಾಬಿನ್‌ ಉತ್ತಪ್ಪ (23 ರನ್‌, 24 ಎಸೆತ) ಅವರಿಂದ ಬಿರುಸಿನ ಆಟ ಮೂಡಿಬರಲಿಲ್ಲ. ಆದರೆ ಮನೋಜ್‌ ಭಾಂಡಗೆ (34, 15 ಎಸೆತ, 2 ಬೌಂ, 2 ಸಿ.) ಅವರ ಮಿಂಚಿನ ಆಟದ ಬಲದಿಂದ ತಂಡ ಕೊನೆಯ ಐದು ಓವರ್‌ಗಳಲ್ಲಿ 49 ರನ್‌ ಕಲೆಹಾಕಿತು.

ಸಂಕ್ಷಿಪ್ತ ಸ್ಕೋರ್

ಬೆಂಗಳೂರು ಬ್ಲಾಸ್ಟರ್ಸ್‌: 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 138 (ಕೆ.ಬಿ.ಪವನ್ 19, ರಾಬಿನ್‌ ಉತ್ತಪ್ಪ 23, ಶ್ರೇಯಸ್‌ ಗೋಪಾಲ್ 13, ಮನೋಜ್‌ ಭಾಂಡಗೆ 34, ಪ್ರತೀಕ್‌ ಜೈನ್‌ 28ಕ್ಕೆ 2, ಕುಶಾಲ್‌ ವಾಧ್ವಾನಿ 25ಕ್ಕೆ 3, ಜೆ.ಸುಚಿತ್ 12ಕ್ಕೆ 2, ಅಮಿತ್‌ ವರ್ಮಾ 28ಕ್ಕೆ 1).

ಮೈಸೂರು ವಾರಿಯರ್ಸ್‌: 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 118 (ಅರ್ಜುನ್‌ ಹೊಯ್ಸಳ 52, ಅಮಿತ್‌ ವರ್ಮಾ 7, ಶ್ರೇಯಸ್‌ ಗೋಪಾಲ್ 13ಕ್ಕೆ 3, ಆನಂದ್‌ ದೊಡ್ಡಮನಿ 16ಕ್ಕೆ 2)

ಫಲಿತಾಂಶ: ಬ್ಲಾಸ್ಟರ್ಸ್‌ಗೆ 20 ರನ್‌ ಗೆಲುವು

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !