ಶುಕ್ರವಾರ, ಅಕ್ಟೋಬರ್ 2, 2020
21 °C

ಐಪಿಎಲ್‌ನಲ್ಲಿ ಭಾರತದ ಮುಖ್ಯ ಕೋಚ್‌ಗಳ ಕೊರತೆ: ಕುಂಬ್ಳೆ ಬೇಸರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಯುನೈಟೆಡ್ ಅರಬ್ ಎಮಿರೆಟ್ಸ್‌ನಲ್ಲಿ ನಡೆಯಲಿರುವು ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಆಡಲಿರುವ ಎಂಟು ತಂಡಗಳಲ್ಲಿ ಭಾರತ ಮೂಲದ ಮುಖ್ಯ ಕೋಚ್ ಇರುವುದು ಕೇವಲ ಒಂದು ತಂಡಕ್ಕೆ ಮಾತ್ರ!

ಹೌದು; ಕಿಂಗ್ಸ್‌ ಇಲೆವನ್ ಪಂಜಾಬ್ ತಂಡದ ಮುಖ್ಯ ಕೋಚ್ ಅನಿಲ್ ಕುಂಬ್ಳೆ ಬಿಟ್ಟರೆ, ಉಳಿದ ಏಳು ತಂಡಗಳಿಗೂ ವಿದೇಶಿಯರೇ ಮುಖ್ಯಕೋಚ್‌ಗಳಾಗಿದ್ದಾರೆ. ರಿಕಿ ಪಾಂಟಿಂಗ್ (ಡೆಲ್ಲಿ ಕ್ಯಾಪಿಟಲ್ಸ್‌), ಬ್ರೆಂಡನ್ ಮೆಕ್ಲಮ್ (ಕೋಲ್ಕತ್ತ ನೈಟ್‌ ರೈಡರ್ಸ್‌), ಸ್ಟೀಫನ್ ಫ್ಲೆಮಿಂಗ್ (ಚೆನ್ನೈ ಸೂಪರ್ ಕಿಂಗ್ಸ್‌), ಮಹೇಲಾ ಜಯವರ್ಧನೆ (ಮುಂಬೈ ಇಂಡಿಯನ್ಸ್), ಟ್ರೆವರ್ ಬೇಲಿಸ್ (ಸನ್‌ರೈಸರ್ಸ್‌ ಹೈದರಾಬಾದ್), ಸೈಮನ್ ಕ್ಯಾಟಿಚ್ (ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು) ಮತ್ತು ಆ್ಯಂಡ್ರ್ಯೂ ಮೆಕ್‌ಡೋನಾಲ್ಡ್ (ರಾಜಸ್ಥಾನ್ ರಾಯಲ್ಸ್) ಅವರೇ ಆ ವಿದೇಶಿಗರು.

ಈ ಕುರಿತು ಪ್ರತಿಕ್ರಿಯಿಸಿರುವ ಕುಂಬ್ಳೆ, ‘ಐಪಿಎಲ್‌ನಲ್ಲಿ ಭಾರತದ ಮಾಜಿ ಆಟಗಾರರು, ಕೋಚ್‌ಗಳು ತಂಡಗಳ ಮುಖ್ಯ ಕೋಚ್‌ಗಳ ಹುದ್ದೆಯಲ್ಲಿರುವುದನ್ನು ನೋಡುವ ಅದಮ್ಯ ಆಸೆಯಿದೆ. ಸದ್ಯ ನಮ್ಮ ದೇಶದಲ್ಲಿರುವ ಕ್ರಿಕೆಟ್‌ ಮಾನವ ಸಂಪನ್ಮೂಲದ ಸರಿಯಾದ ಬಳಕೆಯು ಇಲ್ಲಿ ಕಾಣುತ್ತಿಲ್ಲ. ಬಹಳಷ್ಟು ಭಾರತೀಯರನ್ನು ಒಳಗೊಳ್ಳುವಂತಾಗಬೇಕು’ ಎಂದಿದ್ದಾರೆ.

‘ಇಡೀ ಟೂರ್ನಿಯಲ್ಲಿ ಒಬ್ಬ ಭಾರತೀಯ ಮಾತ್ರ ಮುಖ್ಯ ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಉಳಿದ ತಂಡಗಳಲ್ಲಿ ವಿದೇಶಿ ಕೋಚ್‌ಗಳೇ ತುಂಬಿರುವುದು ವಿಪರ್ಯಾಸ.ಭವಿಷ್ಯದಲ್ಲಿ ಇದು ಬದಲಾಗಬಹುದು. ಭಾರತೀಯರ ಸಂಖ್ಯೆ ಹೆಚ್ಚಬಹುದು’ ಎಂದು ಕುಂಬ್ಳೆ ಆಶಯ ವ್ಯಕ್ತಪಡಿಸಿದರು. 

ಆಗಸ್ಟ್‌ 20ಕ್ಕೆ ಯುಎಇಗೆ ತೆರಳಿರುವ ಪಂಜಾಬ್ ತಂಡವು ಅಭ್ಯಾಸ ನಡೆಸುತ್ತಿದೆ. ನಾಯಕ ಕೆ.ಎಲ್. ರಾಹುಲ್ ಸೇರಿದಂತೆ ತಂಡದಲ್ಲಿ ಕರ್ನಾಟಕದ ಐವರು ಆಟಗಾರರು ಇದ್ದಾರೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು