ಸರಳ ಧ್ಯಾನ ಅಭ್ಯಾಸ ಕ್ರಮ: ಜಮಖಾನ ಹಾಸಿದ ನೆಲದ ಮೇಲೆ ವಜ್ರಾಸನ ಭಂಗಿಯಲ್ಲಿ ಕುಳಿತುಕೊಳ್ಳಬೇಕು. ಬೆನ್ನು, ಕುತ್ತಿಗೆ, ಶಿರಸ್ಸು ನೇರವಾಗಿಸಿ. ಕೈಗಳು ಚಿನ್ಮುದ್ರೆ ಭಂಗಿಯಲ್ಲಿರಬೇಕು. ಮುಖದಲ್ಲಿ ಪ್ರಸನ್ನತೆ, ಸೌಮ್ಯ ಭಾವವಿರಬೇಕು. ಸಾಮಾನ್ಯ ಉಸಿರಾಟದಲ್ಲೇ ನೆಲೆಸಬೇಕು. ಆಮೇಲೆ ಮನಸ್ಸಿನಿಂದ ಸಾಮಾನ್ಯ ಉಸಿರಾಟವನ್ನು ಗಮನಿಸುತ್ತಾ ಲೆಕ್ಕ ಹಾಕಬೇಕು. (ಸಾಮಾನ್ಯ ಉಸಿರು ಮೇಲೆ, ಕೆಳಗೆ ಹೋಗುವುದು ಒಂದು. ಅಂದರೆ ಪೂರಕ, ರೇಚಕ ಒಂದು) ಈ ರೀತಿ ಸುಮಾರು ಆರಂಭದಲ್ಲಿ 25 ರಿಂದ 50ರ ತನಕ ಉಸಿರನ್ನು ಲೆಕ್ಕ ಹಾಕುತ್ತಾ ಇರಿ. ಅನಂತರ ವಿಶ್ರಮಿಸಿ.