ಚೆನ್ನೈ: ಸತತವಾಗಿ ಬಯೊಬಬಲ್ನಲ್ಲಿ ಕಳೆಯುವುದೊಂದು ದುಸ್ವಪ್ನ. ಈ ಕಠಿಣ ಜೀವನ ವಿಧಾನವನ್ನು ಅನುಸರಿಸುವುದು ದೊಡ್ಡ ಸವಾಲೇ ಸರಿ ಎಂದು ಆಸ್ಟ್ರೇಲಿಯಾದ ಸ್ಫೋಟಕ ಬ್ಯಾಟ್ಸ್ಮನ್ ಗ್ಲೆನ್ ಮ್ಯಾಕ್ಸ್ವೆಲ್ ಅಭಿಪ್ರಾಯಪಟ್ಟರು.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿರಿರುವ ಅವರು ತಂಡದ ಯು ಟ್ಯೂಬ್ ಚಾನಲ್ನಲ್ಲಿ ಪೋಸ್ಟ್ ಮಾಡಿರುವ ವಿಡಿಯೊದಲ್ಲಿ ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
‘ಆಟಗಾರರಿಗೆ ಹೊರಜಗತ್ತಿನೊಂದಿಗೆ ಬೆರೆಯಲು ಆಗುತ್ತಿಲ್ಲ. ಸಂವಾದ ನಡೆಯುತ್ತಿಲ್ಲ. ಇದರಿಂದ ಮಾನಸಿಕವಾಗಿ ಕುಗ್ಗಿಹೋಗುತ್ತೇವೆ. ಈ ಒತ್ತಡವನ್ನು ನಿರ್ವಹಿಸುವುದು ದೊಡ್ಡ ಸವಾಲು. ಹೀಗಿದ್ದರೂ ಆಟದ ಅಂಗಣಕ್ಕೆ ಮರಳು ಸಾಧ್ಯವಾಗಿರುವುದು ಖುಷಿಯ ಸಂಗತಿ’ ಎಂದು ಅವರು ನುಡಿದಿದ್ದಾರೆ.
ವಿರಾಟ್ ಕೊಹ್ಲಿ ಮತ್ತು ಎಬಿ ಡಿವಿಲಿರ್ಸ್ ಜೊತೆಗೂಡಿ ಆಡುವುದು ಸಂಭ್ರವವೇ ಸರಿ. ಈ ಬಾರಿ ಅವರೊಂದಿಗೆ ತಂಡಕ್ಕಾಗಿ ಉತ್ತಮ ಆಟವಾಡಲು ಸಾಧ್ಯವಾಗುವ ಭರವಸೆ ಇದೆ’ ಎಂದರು.