ನವದೆಹಲಿ:ಸೆಪ್ಟೆಂಬರ್‌ ಹಾಗೂ ಅಕ್ಟೋಬರ್‌ನಲ್ಲಿ ಆಸ್ಟ್ರೇಲಿಯಾ ಕ್ರಿಕೆಟ್‌ ತಂಡದ ಎದುರಿನ ಸರಣಿಗಳಿಗೆ ಭಾರತವು ಆತಿಥ್ಯ ವಹಿಸಲಿದೆ.
ಸೆ 20ರಿಂದ 25ರವರೆಗೆ ಆಸ್ಟ್ರೇಲಿಯಾ ತಂಡವು ಮೂರು ಟಿ20 ಪಂದ್ಯಗಳ ಸರಣಿಯಲ್ಲಿ ಆಡಲಿದೆ.
ದಕ್ಷಿಣ ಆಫ್ರಿಕಾ ತಂಡವು ಸೆ 28ರಿಂದ ಅಕ್ಟೋಬರ್‌ 4ವರೆಗೆ ಮೂರು ಟಿ20 ಪಂದ್ಯಗಳನ್ನು ಆಡಲಿದೆ. ಈ ಎರಡೂ ಸರಣಿಗಳು ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‌ ಟೂರ್ನಿಗೂ ಮುನ್ನದ ಸಿದ್ಧತೆಯ ವೇದಿಕೆಗಳಾಗಿವೆ.
ಅ. 6ರಿಂದ 11ರವರೆಗೆ ದಕ್ಷಿಣ ಆಫ್ರಿಕಾ ಹಾಗೂ ಭಾರತ ಮೂರು ಏಕದಿನ ಪಂದ್ಯಗಳಲ್ಲಿ ಆಡಲಿವೆ.
ವೇಳಾಪಟ್ಟಿ
* ಆಸ್ಟ್ರೇಲಿಯಾ ಟಿ20 ಸರಣಿ
ಮೊಹಾಲಿ(ಸೆ 20), ನಾಗಪುರ (ಸೆ 23) ಹಾಗೂ ಹೈದರಾಬಾದ್ (ಸೆ 25)
* ದಕ್ಷಿಣ ಆಫ್ರಿಕಾ ಟಿ20 ಸರಣಿ
ತಿರುವನಂತಪುರಂ (ಸೆ 28), ಗುವಾಹಟಿ (ಅ.2) ಮತ್ತು ಇಂದೋರ್ (ಅ. 4)
