ವಿಜಯ್ ಹಜಾರೆ ಏಕದಿನ ಕ್ರಿಕೆಟ್ ಟೂರ್ನಿ: ಯುವಿ, ಗುರುಕೀರತ್ ಭರ್ಜರಿ ಬ್ಯಾಟಿಂಗ್

7
ಪಂಜಾಬ್ ತಂಡಕ್ಕೆ ಜಯ

ವಿಜಯ್ ಹಜಾರೆ ಏಕದಿನ ಕ್ರಿಕೆಟ್ ಟೂರ್ನಿ: ಯುವಿ, ಗುರುಕೀರತ್ ಭರ್ಜರಿ ಬ್ಯಾಟಿಂಗ್

Published:
Updated:
Deccan Herald

ಬೆಂಗಳೂರು:  ತಕ ಬಾರಿಸಿದ ಗುರುಕೀರತ್ ಸಿಂಗ್ ಮಾನ್  ಮತ್ತು ನಾಲ್ಕು ರನ್‌ಗಳ ಅಂತರದಿಂದ ಶತಕ ತಪ್ಪಿಸಿಕೊಂಡ ಯುವರಾಜ್ ಸಿಂಗ್ ಅವರ ಬ್ಯಾಟಿಂಗ್ ಬಲದಿಂದ ಪಂಜಾಬ್ ತಂಡವು ವಿಜಯ್ ಹಜಾರೆ ಟ್ರೋಫಿ ಕ್ರಿಕೆಟ್ ಟೂರ್ನಿಯ ಎಲೀಟ್ ‘ಎ’ ಗುಂಪಿನ ಪಂದ್ಯದಲ್ಲಿ ರೈಲ್ವೆಸ್ ವಿರುದ್ಧ 58 ರನ್‌ಗಳಿಂದ ಜಯಿಸಿತು.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಪಂಜಾಬ್ ತಂಡವು ಮೊದಲು ಬ್ಯಾಟಿಂಗ್ ಮಾಡಿತು. ಯುವರಾಜ್ ಸಿಂಗ್ (96; 121ಎ, 6ಬೌಂಡರಿ, 5ಸಿಕ್ಸರ್) ಮತ್ತು ಗುರುಕೀರತ್ ಸಿಂಗ್ ಮಾನ್ (101; 96ಎಸೆತ, 5ಬೌಂಡರಿ, 4ಸಿಕ್ಸರ್) ಅವರ ಅಬ್ಬರದಿಂದ 50 ಓವರ್‌ಗಳಲ್ಲಿ 6 ವಿಕೆಟ್‌ಗಳಿಗೆ 284 ರನ್‌ ಗಳಿಸಿತು. ಗುರಿ ಬೆನ್ನತ್ತಿದ ರೈಲ್ವೆ ತಂಡವು 44.3 ಓವರ್‌ಗಳಲ್ಲಿ 210 ರನ್ ಗಳಿಸಿ  ಆಲೌಟ್ ಆಯಿತು. ಮಳೆಯಿಂದಾಗಿ ಪಂದ್ಯದಲ್ಲಿ ಕೆಲವು ನಿಮಿಷಗಳ ಆಟವು ಸ್ಥಗಿತವಾಗಿತ್ತು. ಅದರಿಂದಾಗಿ ವಿ.ಜಯದೇವನ್ ನಿಯಮದನ್ವಯ ಫಲಿತಾಂಶ ಪ್ರಕಟಿಸಲಾಯಿತು.

ರಾಜಾನುಕುಂಟೆಯ ಜಸ್ಟ್‌ ಕ್ರಿಕೆಟ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲ  ರಾಯಸ್ಟನ್ ದಾಸ್ (36ಕ್ಕೆ2) ಮತ್ತು ಶಿವಂ ದುಬೆ (32ಕ್ಕೆ2) ಅವರ ಬೌಲಿಂಗ್ ಬಲದಿಂದ ಮುಂಬೈ ತಂಡವು ಗೋವಾ ವಿರುದ್ಧ 7 ವಿಕೆಟ್‌ಗಳ ಜಯ ಸಾಧಿಸಿತು.

ಮುಂಬೈ ತಂಡವು ಆಡಿರುವ ಏಳು ಪಂದ್ಯಗಳ ಪೈಕಿ ಆರರಲ್ಲಿ ಜಯಿಸಿದೆ. ಒಂದು ಪಂದ್ಯ ಮಳೆಯಿಂದಾಗಿ ರದ್ದಾಗಿತ್ತು. ಒಟ್ಟು 26 ಅಂಕಗಳನ್ನು ಗಳಿಸಿರುವ ಮುಂಬೈ ಪಾಯಿಂಟ್‌ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. 20 ಪಾಯಿಂಟ್ಸ್‌ ಗಳಿಸಿರುವ ಮಹಾರಾಷ್ಟ್ರ ಎರಡನೇ ಮತ್ತು ಬರೋಡಾ (18 ಪಾಯಿಂಟ್ಸ್‌) ಮೂರನೇ ಸ್ಥಾನದಲ್ಲಿವೆ. 14 ಅಂಕ ಗಳಿಸಿರುವ ಪಂಜಾಬ್ ನಾಲ್ಕನೇ ಸ್ಥಾನದಲ್ಲಿದೆ.

ಸಂಕ್ಷಿಪ್ತ ಸ್ಕೋರು

ಚಿನ್ನಸ್ವಾಮಿ ಕ್ರೀಡಾಂಗಣ:ಪಂಜಾಬ್: 50 ಓವರ್‌ಗಳಲ್ಲಿ 6 ವಿಕೆಟ್‌ಗಳಿಗೆ (ಶುಭಮನ್ ಗಿಲ್ 53, ಯುವರಾಜ್ ಸಿಂಗ್ 96, ಗುರುಕೀರತ್ ಸಿಂಗ್ ಮಾನ್ 101, ಚಂದ್ರಕಾಂತ್ ಸಕುರೆ 85ಕ್ಕೆ3)  ರೈಲ್ವೆಸ್: 44.3 ಓವರ್‌ಗಳಲ್ಲಿ 210 (ಸೌರಭ್ ವಾಕಸ್ಕರ್ 104, ಮೃಣಾಲ್ ದೇವಧರ್ 20, ಪ್ರಶಾಂಥ್ ಅವಸ್ತಿ 27, ಮನೀಷ್ ರಾವ್ 30, ಸಿದ್ಧಾರ್ಥ ಕೌಲ್ 47ಕ್ಕೆ2, ಆರ್ಷದಿಪ್ ಸಿಂಗ್ 39ಕ್ಕೆ2) ಫಲಿತಾಂಶ: ಪಂಜಾಬ್ ತಂಡಕ್ಕೆ 58 ರನ್‌ಗಳ ಜಯ (ವಿಜೆಡಿ ನಿಯಮ)

ಜಸ್ಟ್‌ ಕ್ರಿಕೆಟ್ ಮೈದಾನ: ಗೋವಾ:49.5 ಓವರ್‌ಗಳಲ್ಲಿ 186 (ಅಮೋಘ ಸುನಿಲ್ ದೇಸಾಯಿ 24, ಅಮಿತ್ ವರ್ಮಾ 49, ಕೀನನ್ ವಾಜ್ 29,  ಸುಯಶ್ ಪ್ರಭುದೇಸಾಯಿ 52, ವಿಶಂಬರ್ ಕೆಲೊನ್ 11, ಧವಳ್ ಕುಲಕರ್ಣಿ 32ಕ್ಕೆ3, ರಾಯಸ್ಟನ್ ದಾಸ್ 36ಕ್ಕೆ2, ಶಂಸ್ ಮಲಾನಿ 31ಕ್ಕೆ2, ಶಿವಂ ದುಬೆ 36ಕ್ಕೆ2), ಮುಂಬೈ: 35.3 ಓವರ್‌ಗಳಲ್ಲಿ 3 ವಿಕೆಟ್‌ಗಳಿಗೆ 189 (ಜಯ ಗೋಕುಲ್ ಬಿಷ್ಠ್ 32, ಅಖಿಲ್ ಹೆರ್ವಾಡ್ಕರ್ ಔಟಾಗದೆ 108, ಸೂರ್ಯಕುಮಾರ್ ಯಾದವ್ 14, ಸಿದ್ಧೇಶ್ ಲಾಡ್ ಔಟಾಗದೆ 26. ಕೃಷ್ಣ ದಾಸ್ 31ಕ್ಕೆ2, ಅಮೂಲ್ಯ ಪಾಂಡೇಕರ್ 55ಕ್ಕೆ1) ಫಲಿತಾಂಶ:ಮುಂಬೈಗೆ 7 ವಿಕೆಟ್‌ಗಳಿಂದ ಜಯ.

ಆಲೂರು ಕ್ರೀಡಾಂಗಣ–1: ಮಹಾರಾಷ್ಟ್ರ: 50 ಓವರ್‌ಗಳಲ್ಲಿ 8 ವಿಕೆಟ್‌ಗಳಿಗೆ 205 (ರುತುರಾಜ್ ಗಾಯಕವಾಡ 32, ಜೈ ಪಾಂಡೆ 28, ಅಂಕಿತ್ ಭಾವ್ನೆ 62, ನೌಶಾದ್ ಶೇಖ್ 19, ರೋಹಿತ್ ಮೋಟ್ವಾನಿ 28, ಶಂಶು ಖಾಜಿ 17, ದರ್ಶನ್ ನಾಯ್ಕಂಡೆ 26ಕ್ಕೆ2, ಆದಿತ್ಯ ಸರವಟೆ 41ಕ್ಕೆ2. ಸಂಜಯ್ ರಾಮಸ್ವಾಮಿ 20ಕ್ಕೆ2), ವಿದರ್ಭ: 49.2 ಓವರ್‌ಗಳಲ್ಲಿ 7 ವಿಕೆಟ್‌ಗಳಿಗೆ 206 (ಅಕ್ಷಯ್‌ ವಾಡಕರ್ 82, ಆದಿತ್ಯ 13, ೃಷಭ ರಾಥೋಡ್ 20, ದರ್ಶನ್ ನಾಯ್ಕಂಡೆ ಔಟಾಗದೆ 53, ಸಮದ್ ಫಲ್ಲಾ 33ಕ್ಕೆ2, ಸತ್ಯಜೀತ್ ಬಚಾವ್ 39ಕ್ಕೆ1) ಫಲಿತಾಂಶ: ವಿದರ್ಭ ತಂಡಕ್ಕೆ 3 ವಿಕೆಟ್‌ಗಳ ಜಯ

ಬರಹ ಇಷ್ಟವಾಯಿತೆ?

  • 1

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !