‘ಆಸ್ಟ್ರೇಲಿಯಾದಲ್ಲಿ ಸಿರಾಜ್ 14 ದಿನಗಳ ಕಡ್ಡಾಯ ಕ್ವಾರಂಟೈನ್ನಲ್ಲಿದ್ದಾಗ ಅವರ ತಂದೆ ಹೈದರಾಬಾದ್ನಲ್ಲಿ ಹೃದಯಸ್ತಂಭನದಿಂದ ನಿಧನರಾಗಿದ್ದರು. ಸಿರಾಜ್ ಟೆಸ್ಟ್ ಆಡಬೇಕೆಂಬುದು ಅಪ್ಪನ ಕನಸಾಗಿತ್ತು. ತಂಡವನ್ನು ಬಿಟ್ಟು ತವರಿಗೆ ಮರಳುವುದೋ, ಅಲ್ಲಿಯೇ ಇದ್ದು ಸರಣಿಯಲ್ಲಿ ಆಡುವುದೋ ಎಂಬ ಗೊಂದಲದಲ್ಲಿತ್ತು. ಪ್ರತಿಯೊಬ್ಬ ಆಟಗಾರನಿಗೂ ಪ್ರತ್ಯೇಕ ಕೋಣೆಯಿತ್ತು. ಸಹ ಆಟಗಾರರು ಸಿರಾಜ್ ಬಳಿ ತೆರಳಿ ಸಂತೈಸುವ ಅವಕಾಶವೂ ಅಲ್ಲಿ ಇರಲಿಲ್ಲ. ಪ್ರತಿಯೊಂದು ಕೋಣೆಗೂ ಪೊಲೀಸ್ ಕಾವಲು ಇತ್ತು.ಪಕ್ಕದ ಕೋಣೆಯಲ್ಲಿದ್ದವರೆಲ್ಲರೂ ವಿಡಿಯೊ ಕಾಲ್ ಮೂಲಕವೇ ಸಂತೈಸುತ್ತಿದ್ದರು. ಎಲ್ಲರ ಕೋಣೆಗೆ ಚಿಕಿತ್ಸೆ ನೀಡುವ ಉದ್ದೇಶದಿಂದ ಹೋಗುವ ಅವಕಾಶ ಫಿಸಿಯೊಗೆ ಮಾತ್ರ ಇತ್ತು. ಫಿಸಿಯೊ ನಿತಿನ್ ಪಟೇಲ್ ಈ ಅವಕಾಶವನ್ನು ಬಳಸಿಕೊಂಡು ಸಿರಾಜ್ ಬಳಿ ಹೋಗಿ ಸಂತೈಸುತ್ತಿದ್ದರು. ಕುಸಿದುಹೋಗಿದ್ದ ಹುಡುಗನಲ್ಲಿ ಧೈರ್ಯ ತುಂಬುತ್ತಿದ್ದರು’ ಎಂದು ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದೆ.