ಲೈವ್‌ ಅಪ್‌ಡೇಟ್ಸ್ | ಶ್ರೀಲಂಕಾ ವಿರುದ್ಧ ಕಿವೀಸ್‌ಗೆ ಭರ್ಜರಿ ಜಯ

ಮಂಗಳವಾರ, ಜೂನ್ 18, 2019
23 °C
ವಿಶ್ವಕಪ್‌ ಕ್ರಿಕೆಟ್‌ 2019

ಲೈವ್‌ ಅಪ್‌ಡೇಟ್ಸ್ | ಶ್ರೀಲಂಕಾ ವಿರುದ್ಧ ಕಿವೀಸ್‌ಗೆ ಭರ್ಜರಿ ಜಯ

Published:
Updated:

ಕಾರ್ಡಿಫ್: ಟಾಸ್‌ ಗೆದ್ದು ಬೌಲಿಂಗ್‌ ಆಯ್ಕೆ ಮಾಡಿಕೊಂಡ ನ್ಯೂಜಿಲೆಂಡ್‌ ನಡೆಸಿದ ಮಾರಕ ದಾಳಿಗೆ ಶ್ರೀಲಂಕಾ ಬ್ಯಾಟ್ಸ್‌ಮನ್‌ಗಳು ತರಗೆಲೆಗಳಂತೆ ವಿಕೆಟ್‌ ಕಳೆದುಕೊಂಡರು. ನ್ಯೂಜಿಲೆಂಡ್‌ ವಿಕೆಟ್‌ ನಷ್ಟವಿಲ್ಲದೇ ಅಲ್ಪ ಮೊತ್ತದ ಗುರಿಯನ್ನು ಬಹುಬೇಗ ತಲುಪಿ ಗೆಲುವು ಸಾಧಿಸಿತು. 

ಸ್ಕೋರ್‌ ವಿವರ: https://bit.ly/2wxFYng

30ನೇ ಓವರ್‌ ಮುಟ್ಟುವುದಕ್ಕೂ ಮುನ್ನವೇ ಎಲ್ಲ ವಿಕೆಟ್‌ ಕಳೆದು ಕೊಂಡ ಶ್ರೀಲಂಕಾ, ನ್ಯೂಜಿಲೆಂಡ್‌ ಗೆಲುವಿಗೆ 137ರನ್‌ಗಳ ಅಲ್ಪಮೊತ್ತದ ಗುರಿ ನೀಡಿತ್ತು. ಮಾರ್ಟಿನ್ ಗಪ್ಟಿಲ್ ಹಾಗೂ ಕಾಲಿನ್ ಮನ್ರೊ ಬ್ಯಾಟಿಂಗ್‌ ನಾಗಾಲೋಟಕ್ಕೆ ಲಂಕಾ ಬೌಲರ್‌ಗಳು ಕಡಿವಾಣ ಹಾಕಲು ಸಾಧ್ಯವೇ ಆಗಲಿಲ್ಲ. ಇಬ್ಬರೂ ಆಟಗಾರರ ಅರ್ಧ ಶತಕದ ನೆರವಿನಿಂದ 16.1 ಓವರ್‌ಗಳಲ್ಲಿಯೇ ನ್ಯೂಜಿಲೆಂಡ್‌ ಗೆಲುವಿನ ದಡ ಸೇರಿತು. 

ಇದನ್ನೂ ಓದಿ: ಅಲ್ಪಮೊತ್ತಕ್ಕೆ ಕುಸಿದ ಶ್ರೀಲಂಕಾ; ಕರುಣಾರತ್ನೆ ಏಕಾಂಗಿ ಹೋರಾಟ

7:30- ಸ್ಕೋರ್‌: ಮಾರ್ಟಿನ್ ಗಪ್ಟಿಲ್–73 ರನ್‌ (51 ಎಸೆತ), 8 ಬೌಂಡರಿ, 2 ಸಿಕ್ಸರ್‌; ಕಾಲಿನ್ ಮನ್ರೊ– 58 ರನ್‌(47 ಎಸೆತ), 6 ಬೌಂಡರಿ, 1 ಸಿಕ್ಸರ್‌

7:26– ಶ್ರೀಲಂಕಾ ವಿರುದ್ಧ ನ್ಯೂಜಿಲೆಂಡ್‌ಗೆ ಗೆಲುವು. 16.1 ಓವರ್‌ಗಳಲ್ಲಿ ವಿಕೆಟ್‌ ನಷ್ಟವಿಲ್ಲದೇ 137 ರನ್‌.

(ಸೋಲಿನ ನಡುವೆಯೂ ಕುಣಿದು ಸಂಭ್ರಮಿಸಿದ ಶ್ರೀಲಂಕಾ ಅಭಿಮಾನಿಗಳು)

7:13– ಎರಡು ಸಿಕ್ಸರ್‌, 6 ಬೌಂಡರಿ ಒಳಗೊಂಡ 60 ರನ್‌(45 ಎಸೆತ) ಗಳಿಸಿರುವ ಮಾರ್ಟಿನ್ ಗಪ್ಟಿಲ್ ಹಾಗೂ 6 ಬೌಂಡರಿ, ಒಂದು ಸಿಕ್ಸರ್‌ ಒಳಗೊಂಡಂತೆ 56 ರನ್‌(45 ಎಸೆತ) ಗಳಿಸಿರುವ ಕಾಲಿನ್ ಮನ್ರೊ, ಶ್ರೀಲಂಕಾ ಬೌಲರ್‌ಗಳನ್ನು ದಂಡಿಸುವುದನ್ನು ಮುಂದುವರಿಸಿದ್ದಾರೆ.

7:10– ನ್ಯೂಜಿಲೆಂಡ್‌: 14 ಓವರ್‌ ಮುಕ್ತಾಯಕ್ಕೆ ವಿಕೆಟ್‌ ನಷ್ಟವಿಲ್ಲದೆ 109 ರನ್‌ ಗಳಿಸಿದೆ

7:06– ಈಗಾಗಲೇ ಅರ್ಧ ಶತಕ ಪೂರೈಸಿರುವ ಗಪ್ಟಿಲ್(51) ಮತ್ತು ಮನ್ರೊ(55); ಇಬ್ಬರೂ ಬ್ಯಾಟ್ಸ್‌ಮನ್‌ಗಳು ಜಿದ್ದಿಗೆ ಬಿದ್ದವರ ಹಾಗೆ ಬ್ಯಾಟಿಂಗ್‌ ಪ್ರದರ್ಶನ ನೀಡುತ್ತಿದ್ದಾರೆ.

7:00– ಮಾರ್ಟಿನ್ ಗಪ್ಟಿಲ್ ಮತ್ತು ಕಾಲಿನ್ ಮನ್ರೊ ಭರ್ಜರಿ ಬ್ಯಾಟಿಂಗ್‌ ನೆರವಿನಿಂದ ನ್ಯೂಜಿಲೆಂಡ್‌ ಬಹುಬೇಗ ಗೆಲುವಿನ ಹೊಸ್ತಿಲಲ್ಲಿದೆ. 

5:37– ಶ್ರೀಲಂಕಾ: 29.2 ಓವರ್‌ಗಳಲ್ಲಿ136 ರನ್‌. ದಿಮುತ ಕರುಣಾರತ್ನೆ 52* ರನ್‌

5:36– ಲಾಕಿ ಫರ್ಗ್ಯುಸನ್ ದಾಳಿಗೆ ಲಸಿತ್ ಮಾಲಿಂಗ ವಿಕೆಟ್‌ ಒಪ್ಪಿಸುವ ಮೂಲಕ ಶ್ರೀಲಂಕಾ ಕೇವಲ 136 ರನ್‌ಗಳಿಗೆ ಎಲ್ಲ ವಿಕೆಟ್‌ಗಳನ್ನು ಕಳೆದು ಕೊಂಡಿತು. 

5:30– ಶ್ರೀಲಂಕಾ: 29 ಓವರ್‌ಗಳಲ್ಲಿ 9 ವಿಕೆಟ್‌ ನಷ್ಟಕ್ಕೆ 135 ರನ್‌ 

5:28– ತಾಳ್ಮೆಯ ಆಟ ಪ್ರದರ್ಶಿಸಿರುವ ಶ್ರೀಲಂಕಾ ತಂಡದ ನಾಯಕ ದಿಮುತ ಕರುಣಾರತ್ನೆ ಅರ್ಧ ಶತಕ ಪೂರೈಸಿದರು. 81 ಎಸೆತಗಳಿಗೆ 50 ರನ್‌ ಗಳಿಸಿ ಆಟ ಮುಂದುವರಿಸಿದ್ದಾರೆ.

5:24– ಟ್ರೆಂಟ್ ಬೌಲ್ಟ್ ಮೊದಲ ವಿಕೆಟ್‌ ಪಡೆಯುವ ಮೂಲಕ ಶ್ರೀಲಂಕಾದ 9ನೇ ವಿಕೆಟ್‌ ಪತನಗೊಂಡಿದೆ. ಏಳು ರನ್‌ ಗಳಿಸಿದ್ದ ಸುರಂಗ ಲಕ್ಮಲ್ ಕ್ಯಾಚ್‌ ಕೊಟ್ಟರು. 

5:09– ಶ್ರೀಲಂಕಾ: 25 ಓವರ್‌ಗಳಲ್ಲಿ ಎಂಟು ವಿಕೆಟ್‌ ನಷ್ಟಕ್ಕೆ 115 ರನ್‌

5:05– ಇಸುರು ಉಡಾನ ಶೂನ್ಯಕ್ಕೆ ವಿಕೆಟ್‌ ಒಪ್ಪಿಸಿದ್ದು, ತಂಡ ಅಲ್ಪ ಮೊತ್ತಕ್ಕೆ ಕುಸಿರುವ ಆತಂಕದಲ್ಲಿದೆ. ಜಿಮ್ಮಿ ನಿಶಾಮ್ ಅವರಿಗೆ ಇದು ಮೊದಲ ವಿಕೆಟ್‌.

5:00– ಎರಡು ಸಿಕ್ಸರ್‌ಗಳ ಮೂಲಕ ಲಂಕಾ ಅಭಿಮಾನಿಗಳಲ್ಲಿ ಭರವಸೆ ಮೂಡಿಸಿದ್ದ ತಿಸಾರ ಪೆರೆರಾ, ಮಿಚೆಲ್ ಸ್ಯಾಂಟನರ್ ಓವರ್‌ನಲ್ಲಿ ವಿಕೆಟ್‌ ಒಪ್ಪಿಸಿದರು. 23 ಎಸೆತಗಳಲ್ಲಿ 27 ರನ್ ಗಳಿಸಿದ್ದರು. ಪಂದ್ಯದಲ್ಲಿ ಈವರೆಗೂ ಎರಡು ಸಿಕ್ಸರ್‌ಗಳಷ್ಟೇ ದಾಖಲಾಗಿದ್ದು, ಆ ಎರಡೂ ತಿಸಾರ ಬ್ಯಾಟ್‌ನಿಂದ ಚಿಮ್ಮಿದವೇ ಆಗಿವೆ. 

4:55– ಶತಕ ಪೂರೈಸಿದ ಶ್ರೀಲಂಕಾ: 22 ಓವರ್‌ಗಳಲ್ಲಿ 6 ವಿಕೆಟ್‌ ನಷ್ಟಕ್ಕೆ 100 ರನ್‌ ಗಳಿಸಿದೆ.

4:50– ಆರು ವಿಕೆಟ್‌ ಕಳೆದು ಕೊಂಡಿರುವ ತಂಡಕ್ಕೆ ನಾಯಕ ದಿಮುತ ಕರುಣಾರತ್ನೆ ಆಸರೆಯಾಗಿದ್ದಾರೆ. 62 ಎಸೆತಗಳಲ್ಲಿ 37 ರನ್‌ಗಳಿಸಿ ತಾಳ್ಮೆಯ ಆಟ ಪ್ರದರ್ಶಿಸುತ್ತಿದ್ದಾರೆ. ಕರುಣಾರತ್ನೆ ಅವರೊಂದಿಗೆ ಎಂಟನೇ ಕ್ರಮಾಂಕದಲ್ಲಿ ಜತೆಯಾಗಿರುವ ತಿಸಾರ ಪೆರೆರಾ 15 ಎಸೆತಗಳಲ್ಲಿ 19 ರನ್‌ ಗಳಿಸಿ ಉತ್ತಮ ಆಟವಾಡುತ್ತಿದ್ದಾರೆ.


ತಿಸಾರ ಪೆರೆರಾ ಆಟದ ವೈಖರಿ

4:45– ನ್ಯೂಜಿಲೆಂಡ್‌ ಪರ ವಿಕೆಟ್‌ ಗಳಿಸಿದವರು: ಮ್ಯಾಟ್‌ ಹೆನ್ರಿ– 3 ವಿಕೆಟ್‌(29ರನ್‌); ಲಾಕಿ ಫರ್ಗ್ಯುಸನ್–2 ವಿಕೆಟ್‌(12ರನ್‌)  ;ಕಾಲಿನ್ ಡಿ ಗ್ರ್ಯಾಂಡ್‌ಹೋಮ್– 1 ವಿಕೆಟ್‌(14ರನ್‌)

4:35– ತಿಸಾರ ಪೆರೆರಾ ಪಂದ್ಯದ ಮೊದಲ ಸಿಕ್ಸರ್‌ ಬಾರಿಸಿದರು. 18 ಓವರ್‌ ಮುಕ್ತಾಯಕ್ಕೆ 6 ವಿಕೆಟ್‌ ಕಳೆದುಕೊಂಡಿರುವ ಶ್ರೀಲಂಕಾ 82 ರನ್‌ ಗಳಿಸಿದೆ. ತಿಸಾರ ಪೆರೆರಾ(14) ಮತ್ತು ದಿಮುತ ಕರುಣಾರತ್ನೆ(26) ಕ್ರೀಸ್‌ನಲ್ಲಿದ್ದಾರೆ. 

4:29– 15ನೇ ಓವರ್‌ನಲ್ಲಿ ಲಾಕಿ ಫರ್ಗ್ಯುಸನ್ ಮತ್ತೊಂದು ವಿಕೆಟ್‌ ಪಡೆಯುವ ಮೂಲಕ ಶ್ರೀಲಂಕಾ ತಂಡಕ್ಕೆ ಆಘಾತ ನೀಡಿದರು. ಒಂದು ರನ್‌ ಗಳಿಸಿದ್ದ ಜೀವನ್‌ ಮೆಂಡಿಸ್‌ ವಿಕೆಟ್‌ ಕಳೆದು ಕೊಂಡರು. 

4:19- 14ನೇ ಓವರ್‌ನಲ್ಲಿ ಕಾಲಿನ್ ಡಿ ಗ್ರ್ಯಾಂಡ್‌ಹೋಮ್ ಎಸೆತದಲ್ಲಿ ಏಂಜೆಲೊ ಮ್ಯಾಥ್ಯೂಸ್(0) ಕ್ಯಾಚ್‌ ಕೊಟ್ಟು ಪೆವಿಲಿಯನ್‌ಗೆ ಮರಳಿದರು.   

4:03– ನ್ಯೂಜಿಲೆಂಡ್‌ ಬೌಲರ್‌ಗಳ ಪರಾಕ್ರಮ ಮುಂದುವರಿದಿದ್ದು, ಐದನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಮಾಡುತ್ತಿದ್ದ ಧನಂಜಯ್ ಡಿ ಸಿಲ್ವಾ ಕೇವಲ 4 ರನ್‌ ಗಳಿಸಿ ವಿಕೆಟ್‌ ಒಪ್ಪಿಸಿದರು. ಲಾಕಿ ಫರ್ಗ್ಯುಸನ್ ಎಸೆತದಲ್ಲಿ ಧನಂಜಯ್‌ ಎಲ್‌ಬಿಡಬ್ಲ್ಯು ಆದರು.

4:02– ಮೊದಲ ಪವರ್‌ ಪ್ಲೇ ಅಂತ್ಯಗೊಂಡಿದ್ದು, ಶ್ರೀಲಂಕಾ 11.5 ಓವರ್‌ಗಳಲ್ಲಿ 4 ವಿಕೆಟ್‌ ನಷ್ಟಕ್ಕೆ 53 ರನ್‌ ಗಳಿಸಿದೆ.

3:51: ಮ್ಯಾಟ್ ಹೆನ್ರಿ ಎಸೆತ ಮೋಡಿಗೆ ಸಿಲುಕಿರುವ ಶ್ರೀಲಂಕಾ ಬ್ಯಾಟ್ಸ್‌ಮನ್‌ಗಳು ವಿಕೆಟ್‌ ಒಪ್ಪಿಸುತ್ತಿದ್ದಾರೆ. ಎಂಟನೇ ಓವರ್‌ನಲ್ಲಿ ಹೆನ್ರಿ ಪ್ರಮುಖ ಎರಡು ವಿಕೆಟ್‌ ಕಬಳಿಸಿದರು. ಉತ್ತಮ ಪ್ರದರ್ಶನ ತೋರುತ್ತಿದ್ದ ಕುಶಾಲ್ ಪರೇರ(29) ಹಾಗೂ ನಾಲ್ಕನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಕುಶಾಲ್‌ ಮೆಂಡಿಸ್ ಶೂನ್ಯಕ್ಕೆ ವಿಕೆಟ್‌ ಕಳೆದು ಕೊಂಡರು.

3:50- ಒಂಬತ್ತನೇ ಓವರ್‌ ಮುಕ್ತಾಯಕ್ಕೆ 50 ರನ್‌ ಕಲೆಹಾಕಿರುವ ಶ್ರೀಲಂಕಾ 3 ವಿಕೆಟ್‌ ಕಳೆದು ಕೊಂಡಿದೆ. 

3:43- ಶ್ರೀಲಂಕಾ: 8 ಓವರ್‌ ಮುಕ್ತಾಯಕ್ಕೆ 46 ರನ್‌(1 ವಿಕೆಟ್‌)

3:40- ಉತ್ತಮ ಬ್ಯಾಟಿಂಗ್‌ ಮಾಡುತ್ತಿರುವ ಕುಶಾಲ್ ಪರೇರ, ನಾಲ್ಕು ಬೌಂಡರಿಯೊಂದಿಗೆ 21 ಎಸೆತಗಳಲ್ಲಿ 26 ರನ್‌ ಗಳಿಸಿದ್ದಾರೆ.

ಬ್ಯಾಟಿಂಗ್‌ ನಡೆಸಿರುವ ಶ್ರೀಲಂಕಾ ಲಾಹಿರು ತಿರಿಮನ್ನೆ ವಿಕೆಟ್ ಕಳೆದುಕೊಳ್ಳುವ ಮೂಲಕ ಆರಂಭಿಕ ಆಘಾತ ಅನುಭವಿಸಿದೆ. 4.2 ಓವರ್‌ಗಳಲ್ಲಿ 1 ವಿಕೆಟ್‌ ನಷ್ಟಕ್ಕೆ 25 ರನ್‌ ಗಳಿಸಿದೆ. 

ಇದನ್ನೂ ಓದಿ: ವಿಶ್ವಕಪ್‌ ಕ್ರಿಕೆಟ್‌ ಸಂಬಂಧಿತ ಸುದ್ದಿಗಳು, ವಿಶ್ಲೇಷಣೆ, ವಿವರ,..ಮತ್ತಷ್ಟು

ತಂಡಗಳ ಆಟಗಾರರು–

ನ್ಯೂಜಿಲೆಂಡ್:

ಕೇನ್ ವಿಲಿಯಮ್ಸನ್ (ನಾಯಕ), ಟಾಮ್ ಬ್ಲಂಡೆಲ್, ಟ್ರೆಂಟ್ ಬೌಲ್ಟ್, ಕಾಲಿನ ಡಿ ಗ್ರ್ಯಾಂಡ್‌ಹೋಮ್,  ಲಾಕಿ ಫರ್ಗ್ಯುಸನ್, ಮಾರ್ಟಿನ್ ಗಪ್ಟಿಲ್, ಮ್ಯಾಟ್ ಹೆನ್ರಿ, ಟಾಮ್ ಲಥಾಮ್, ಕಾಲಿನ್ ಮನ್ರೊ, ಜಿಮ್ಮಿ ನಿಶಾಮ್, ಹೆನ್ರಿ ನಿಕೋಲ್ಸ್‌, ಮಿಚೆಲ್ ಸ್ಯಾಂಟನರ್, ಈಶ್ ಸೋಧಿ, ಟಿಮ್ ಸೌಥಿ, ರಾಸ್ ಟೇಲರ್ 

ಶ್ರೀಲಂಕಾ:

ದಿಮುತ ಕರುಣಾರತ್ನೆ (ನಾಯಕ), ಧನಂಜಯ್ ಡಿ ಸಿಲ್ವಾ, ಅವಿಷ್ಕಾ ಫರ್ನಾಂಡೊ, ಸುರಂಗ ಲಕ್ಮಲ್, ಲಸಿತ್ ಮಾಲಿಂಗ, ಏಂಜೆಲೊ ಮ್ಯಾಥ್ಯೂಸ್, ಕುಶಾಲ ಮೆಂಡಿಸ್, ಜೀವನ್ ಮೆಂಡಿಸ್, ಕುಶಾಲ್ ಪರೇರ, ತಿಸಾರ ಪೆರೆರಾ, ನುವಾನ ಪ್ರದೀಪ್, ಮಿಲಿಂದ್ ಸಿರಿವರ್ಧನ, ಲಾಹಿರು ತಿರಿಮನ್ನೆ, ಇಸುರು ಉಡಾನ, ಜೆಫ್ರಿ ವಾಂಡರ್ಸೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !