‘ಕೇವಲ 150 ಕೋಟಿ ಜನರ ನಿರೀಕ್ಷೆ...’

ಮಂಗಳವಾರ, ಜೂನ್ 25, 2019
27 °C

‘ಕೇವಲ 150 ಕೋಟಿ ಜನರ ನಿರೀಕ್ಷೆ...’

Published:
Updated:

ನಾಟಿಂಗಂ: ನಮ್ಮ ತಂಡದ ಮೇಲೆ ಅಂತಹ ದೊಡ್ಡ ಒತ್ತಡವೇನೂ ಇಲ್ಲ. ‘ಕೇವಲ’ 150 ಕೋಟಿ ಜನರು ಭಾರತವು ವಿಶ್ವಕಪ್ ಗೆಲ್ಲಬೇಕೆಂದು ನಿರೀಕ್ಷಿ ಸುತ್ತಿದ್ದಾರೆ ಎಂದು ಭಾರತ ಕ್ರಿಕೆಟ್ ತಂಡದ ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ ಲಘು ಧಾಟಿಯಲ್ಲಿ ಹೇಳಿದ್ದಾರೆ.

25 ವರ್ಷದ ಹಾರ್ದಿಕ್ ಅವರು ಐಸಿಸಿಯು ಹಾಕಿರುವ ವಿಡಿಯೊದಲ್ಲಿ ಮಾತನಾಡಿದ್ದಾರೆ.

‘ಜುಲೈ 14ರಂದು ನನ್ನ ಕೈಯಲ್ಲಿ ವಿಶ್ವಕಪ್ ಇರಬೇಕು. ಅದೊಂದೇ ಗುರಿ. ಆ ಕ್ಷಣವನ್ನು ಊಹಿಸಿಕೊಂಡಾಗಲೆಲ್ಲ ನನ್ನ ಮೈನವಿರೇಳುತ್ತದೆ. ವಿಶ್ವಕಪ್ ಗೆಲ್ಲುವ ಸರಳ ಯೋಜನೆ ನಮ್ಮದು’ ಎಂದು ಹೇಳಿದ್ದಾರೆ.

‘ಭಾರತವೆಂದರೆ ನನಗೆ ಸರ್ವಸ್ವ. ಕ್ರಿಕೆಟ್ಟೇ ಜೀವನ. ಅಪಾರ ಪ್ರೀತಿ ಮತ್ತು ಅಪ್ಯಾಯತೆಯಿಂದ ಕ್ರಿಕೆಟ್ ಆಡುತ್ತೇನೆ. ಸವಾಲು ಗಳನ್ನು ಎದುರಿಸುವುದೆಂದರೆ ನನಗಿಷ್ಟ. ಮೂರುವರೆ ವರ್ಷಗಳಿಂದ ಈ ಟೂರ್ನಿಗಾಗಿ ಸಿದ್ಧತೆ ಮಾಡಿಕೊಂಡಿದ್ದೆ. ಇದೀಗ ಗೆದ್ದು ಸಂಭ್ರಮಿಸುವ ಕಾಲ ಸಮೀಪಿಸಿದೆ’ ಎಂದರು.

‘ನಾನು ಸಂತೃಪ್ತ. ಜೀವನ ದಲ್ಲಿ ಬರುವುದೆಲ್ಲವನ್ನೂ ಸಂತಸ ದಿಂದಲೇ ಸ್ವೀಕರಿಸಿದ್ದೇನೆ. ನಾನು ಮತ್ತು ಸಹೋದರ ಕೃಣಾಲ್ ಯಾವಾಗಲೂ ಸಂತಸದಿಂದ ಇರುತ್ತೇವೆ’ ಎಂದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !