ಚಾಚಾಗೆ ವಿಶ್ವದ ಕ್ರೀಡಾಭಿಮಾನಿ ಗೌರವ

ಮಂಗಳವಾರ, ಜೂನ್ 25, 2019
25 °C

ಚಾಚಾಗೆ ವಿಶ್ವದ ಕ್ರೀಡಾಭಿಮಾನಿ ಗೌರವ

Published:
Updated:
Prajavani

ಮ್ಯಾಂಚೆಸ್ಟರ್‌: ಸುಮಾರು 50 ವರ್ಷಗಳಿಂದ ತಮ್ಮ ದೇಶದ ಕ್ರಿಕೆಟ್‌ ತಂಡವನ್ನು ಹುರಿದುಂಬಿಸುತ್ತಿರುವ ಪಾಕಿಸ್ತಾನ ಅಭಿಮಾನಿಯೊಬ್ಬರಿಗೆ ‘ವಿಶ್ವದ ಕ್ರೀಡಾ ಅಭಿಮಾನಿ’ ಪ್ರಶಸ್ತಿ ಸಂದಿದೆ.

ಚೌಧರಿ ಅಬ್ದುಲ್ ಜಲೀಲ್‌ ಹೆಚ್ಚಾಗಿ ‘ಚಾಚಾ–ಎ–ಕ್ರಿಕೆಟ್‌’ ಎಂದೇ ಜನಪ್ರಿಯರಾಗಿರುವ ವ್ಯಕ್ತಿಯೇ ಈ ಗೌರವಕ್ಕೆ ಪಾತ್ರರಾದ ಪಾಕಿಸ್ತಾನದ ಕಟ್ಟಾ ಅಭಿಮಾನಿ. ‘ಇಂಟರ್‌ನ್ಯಾಷನಲ್‌ ದಿ ನ್ಯೂಸ್‌’ ಸುದ್ದಿ ಸಂಸ್ಥೆ ಈ ಕುರಿತು ಮಾಹಿತಿ ನೀಡಿದೆ.

ಐಸಿಸಿ ಏಕದಿನ ವಿಶ್ವಕಪ್‌ ಟೂರ್ನಿ ಯಲ್ಲಿ ಮ್ಯಾಂಚೆಸ್ಟರ್‌ನಲ್ಲಿ ಜೂನ್‌ 14ರಂದು ನಡೆಯಲಿರುವ ಭಾರತ–ಪಾಕಿಸ್ತಾನ ಪಂದ್ಯಕ್ಕೂ ಎರಡು ದಿನ ಮುಂಚೆ ಅವರು ಪ್ರಶಸ್ತಿ ಸ್ವೀಕರಿಸಲಿದ್ದಾರೆ. ನಾಲ್ಕು ಬೇರೆ ಬೇರೆ ದೇಶಗಳ ಕಟ್ಟಾ ಅಭಿಮಾನಿಗಳೊಂದಿಗೆ ಚೌಧರಿ ಅಬ್ದುಲ್‌ ಜಲೀಲ್‌ ಅವರಿಗೆ ಸಾಂಪ್ರದಾಯಿಕ ಪಾಕಿಸ್ತಾನಿ ಅಭಿಮಾನಿ ಎಂಬ ಗೌರವ ಸಂದಿದೆ.

ಪ್ರಶಸ್ತಿ ಬಂದಿರುವ ಕುರಿತು ಪ್ರತಿಕ್ರಿಯಿಸಿರುವ ಜಲೀಲ್‌ ‘ಐದು ದಶಕಗಳ ಅಭಿಮಾನವನ್ನು ವಿಶ್ವ ಮಟ್ಟದಲ್ಲಿ ಗುರು ತಿಸಲಾಗಿದೆ. ಇದು ನನಗೆ ಹೆಮ್ಮೆ ತಂದ ಕ್ಷಣ’ ಎಂದಿದ್ದಾರೆ. ಸಿಯಾಲ್‌ಕೋಟ್‌ ಮೂಲದ ಚಾಚಾ 1969ರಲ್ಲಿ ಲಾಹೋರ್‌ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲ ಬಾರಿ ಕಾಣಿಸಿಕೊಂಡಿದ್ದರು. ಜಾವೇದ್‌ ಮಿಯಾಂದಾದ್‌ ಅವರ ಇನಿಂಗ್ಸ್‌ನಿಂದ ವಿರಾಟ್‌ ಕೊಹ್ಲಿ ಶತಕಗಳವರೆಗೆ ಕ್ರಿಕೆಟಿಗರ ತಲೆಮಾರುಗಳು ಚಾಚಾ ಅವರ ಘೋಷಣೆಗಳಿಗೆ ಸಾಕ್ಷಿಯಾಗಿವೆ. ಇಲ್ಲಿಯವರೆಗೆ 300ಕ್ಕಿಂತ ಹೆಚ್ಚು ಪಂದ್ಯಗಳಲ್ಲಿ ಅವರ ಉಪಸ್ಥಿತಿ ಕಂಡಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !