ಭಾರತದ ವಿರುದ್ಧ ಆಡುವಾಗ ಬಾಬರ್ ಆಜಂ ತಾಯಿಗೆ ವೆಂಟಿಲೇಟರ್‌ನಲ್ಲಿ ಚಿಕಿತ್ಸೆ!

'ನನ್ನ ರಾಷ್ಟ್ರವು ಕೆಲವು ಸತ್ಯವನ್ನು ತಿಳಿದುಕೊಳ್ಳುವ ಸಮಯ ಬಂದಿದೆ. ಕಳೆದ ಮೂರು ಪಂದ್ಯಗಳನ್ನು ಬಾಬರ್ ಅತ್ಯಂತ ನೋವಿನಿಂದ ಆಡಿದ್ದರು' ಎಂದು ಆಜಂ ಸಿದ್ಧಿಕಿ ತಿಳಿಸಿದ್ದಾರೆ.

ಇದನ್ನೂ ಓದಿ:ಭಾರತ–ನ್ಯೂಜಿಲೆಂಡ್ ಮಾಡು ಇಲ್ಲವೇ ಮಡಿ ಹೋರಾಟ: ವಿರಾಟ್‌–ಕೇನ್ ನಾಯಕತ್ವಕ್ಕೆ ಸವಾಲು

ಭಾರತ ವಿರುದ್ಧ ನಡೆದ ಪಂದ್ಯದಲ್ಲಿ ಪಾಕಿಸ್ತಾನ 10 ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿತ್ತು. ನಾಯಕನ ಆಟವಾಡಿದ ಬಾಬರ್ ಆಜಂ (68*) ಅಜೇಯ ಅರ್ಧಶತಕ ನೆರವಿನಿಂದ ವಿಶ್ವಕಪ್‌ನಲ್ಲಿ ಭಾರತದ ವಿರುದ್ಧಚೊಚ್ಚಲ ಗೆಲುವು ದಾಖಲಿಸಿದ ಪಾಕಿಸ್ತಾನವು ಇತಿಹಾಸ ರಚಿಸಿತ್ತು.

'ಮೊದಲ ಮೂರು ಪಂದ್ಯಗಳಲ್ಲಿ ಗೆಲುವು ದಾಖಲಿಸಿದ ನಿಮಗೆಲ್ಲರಿಗೂ ಅಭಿನಂದನೆಗಳು. ನಮ್ಮ ಮನೆಯಲ್ಲಿ ಕಠಿಣ ಪರೀಕ್ಷೆ ಎದುರಾಗಿತ್ತು. ಭಾರತ ವಿರುದ್ಧ ಆಡಿದ ದಿನ ಬಾಬರ್ ತಾಯಿ ವೆಂಟಿಲೇಟರ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಬಾಬರ್ ಎಲ್ಲ ಮೂರು ಪಂದ್ಯಗಳನ್ನು ತೀವ್ರ ಯಾತನೆಯಲ್ಲಿ ಆಡಿದ್ದಾರೆ. ಬಾಬರ್ ದುರ್ಬಲರಾಗಬಾರದು ಎಂಬ ಕಾರಣಕ್ಕೆ ನಾನು ಇಲ್ಲಿಗೆ ಆಗಮಿಸಿದ್ದೇನೆ' ಎಂದು ಹೇಳಿದ್ದಾರೆ.

ಭಾರತ ವಿರುದ್ಧ ಪಂದ್ಯ ಗೆದ್ದಾಗ ಬಾಬರ್ ತಂದೆಗೆ ಭಾವನೆಗಳನ್ನು ತಡೆದುಕೊಳ್ಳಲಾಗಲಿಲ್ಲ. ಈ ವಿಡಿಯೊ ಕೂಡ ವೈರಲ್ ಆಗಿತ್ತು.