’ವಿದೇಶಗಳಲ್ಲಿರುವ ’ಒದ್ದೆ‘ ಪಿಚ್ಗಳ ಬಗ್ಗೆ ಯಾರೂ ಮಾತನಾಡುವುದಿಲ್ಲ. ಅಲ್ಲಿಯ ಪಿಚ್ಗಳಲ್ಲಿ ಚೆಂಡು ಪುಟಿಯುವ ಪ್ರಮಾಣ, ಚಲಿಸುವ ವೇಗದ ಬಗ್ಗೆ ಚರ್ಚೆಗಳು ನಡೆಯುವುದಿಲ್ಲ. ಆದರೆ ಅವುಗಳನ್ನು ಆಡುವ ಕೌಶಲದ ಕುರಿತು ಮಾತುಗಳು ಕೇಳಿಬರುತ್ತವೆ. ಆದ್ದರಿಂದ ಮಾತನಾಡುವವರನ್ನು ಗಂಭೀರವಾಗಿ ಪರಿಗಣಿಸುವ ಅಗತ್ಯವಿಲ್ಲ ಬೇರೆ ದೇಶಗಳಲ್ಲಿ ಪಂದ್ಯದ ಮೊದಲ ದಿನ ಪಿಚ್ನಲ್ಲಿ ತೇವಾಂಶ ಹೆಚ್ಚಿರುತ್ತದೆ. ಹುಲ್ಲಿನ ಪ್ರಮಾಣವೂ ಹೆಚ್ಚಿರುತ್ತದೆ. ಅದರಿಂದಾಗಿ ಚೆಂಡಿನ ವೇಗ ಹೆಚ್ಚಾಗಿರುತ್ತದೆ. ಆದರೆ ಪಿಚ್ ತುಸು ಒಣಗಲು ಆರಂಭಿಸಿದಾಗ ಚೆಂಡು ಅನಿರೀಕ್ಷಿತವಾಗಿ ಪುಟಿಯುತ್ತದೆ. ಅಪಾಯಕಾರಿಯಾಗಿರುತ್ತದೆ. ಆಗ ನಾವೆಂದೂ ದೂರು ನೀಡಿಲ್ಲ ಮತ್ತು ಆ ಕುರಿತು ಮಾತನಾಡಿಲ್ಲ‘ ಎಂದು ರಹಾನೆ ವಿವರಿಸಿದರು.