ಚಿನ್ನಸ್ವಾಮಿ ಅಂಗಳದಲ್ಲಿ ರಾಹುಲ್ ಕ್ಲಾಸ್!

7

ಚಿನ್ನಸ್ವಾಮಿ ಅಂಗಳದಲ್ಲಿ ರಾಹುಲ್ ಕ್ಲಾಸ್!

Published:
Updated:

ಬೆಂಗಳೂರು: ಬಾಲ್ಯದಲ್ಲಿ ಆಡಿ ಬೆಳೆದ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾಹುಲ್ ದ್ರಾವಿಡ್ ಬುಧವಾರ ಕಿರಿಯ ಆಟಗಾರರ ನೆಚ್ಚಿನ ‘ರಾಹುಲ್ ಸರ್’ ಆಗಿದ್ದರು.

ಅವರು ಕೋಚ್ ಆಗಿರುವ ಮಂಡಳಿ ಅಧ್ಯಕ್ಷರ ಇಲೆವನ್ ತಂಡವು ಇಲ್ಲಿ ದಕ್ಷಿಣ ಆಫ್ರಿಕಾ ‘ಎ’ ತಂಡದ ಎದುರು ಪಂದ್ಯ ಆಡಿತು. ಆ ಸಂದರ್ಭದಲ್ಲಿ ದ್ರಾವಿಡ್ ಅವರು  ತಮ್ಮ ತಂಡದ ಯುವ ಆಟಗಾರರಿಗೆ ಮತ್ತು ಪಂದ್ಯ ವೀಕ್ಷಿಸಲು ಬಂದಿದ್ದ ಜೂನಿಯರ್ ಆಟಗಾರರಿಗೆ ಮಾರ್ಗದರ್ಶನ ಮಾಡುವ ಕಾರ್ಯವು ಗಮನ ಸೆಳೆಯಿತು.

ದಿನದಾಟವನ್ನು ವೀಕ್ಷಿಸುತ್ತ ಬೌಂಡರಿ ಲೈನ್ ಸುತ್ತ ವಾಕಿಂಗ್ ಮಾಡಿದ್ದ ರಾಹುಲ್ ಹುಲ್ಲಿನ ಹಾಸಿನ ಮೇಲೆ ಕುಳಿತು ಮೊಬೈಲ್‌ ನೋಡುತ್ತ ಕಾಲ ಕಳೆದದ್ದು ಕೂಡ ಗಮನ ಸೆಳೆಯಿತು. ಪ್ರೇಕ್ಷಕರ ಗ್ಯಾಲರಿಯಲ್ಲಿ ಸೇರಿದ್ದ ಕೆಲವು ಪ್ರೇಕ್ಷಕರು ಪಂದ್ಯಕ್ಕಿಂತ ಹೆಚ್ಚಾಗಿ ರಾಹುಲ್ ಅವರ ಮೇಲೆಯೇ ಗಮನ ಕೇಂದ್ರಿಕರಿಸಿದ್ದರು. ಪಂದ್ಯ ಮುಗಿದ ನಂತರ ಹೊರ ಬಂದ ರಾಹುಲ್ ಅವರೊಂದಿಗೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಧಾವಿಸಿದರು. 

 ಪಂದ್ಯ ಡ್ರಾ: ದಕ್ಷಿಣ ಆಫ್ರಿಕಾ ‘ಎ’ ಮತ್ತು ಬಿಸಿಸಿಐ ಮಂಡಳಿ ಅಧ್ಯಕ್ಷರ ತಂಡಗಳ ನಡುವಣ ಪಂದ್ಯವು ಡ್ರಾ ಆಯಿತು. ಮಂಗಳವಾರ ಅರ್ಧಶತಕ ಗಳಿಸಿ ಕ್ರೀಸ್‌ನಲ್ಲಿದ್ದ  ಧ್ರುವ ಶೋರೆ (101; 162ಎ, 16ಬೌಂ, 1ಸಿ) ಶತಕ ಬಾರಿಸಿದರು.

ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್: ದಕ್ಷಿಣ ಆಫ್ರಿಕಾ: 4ಕ್ಕೆ 473 ಡಿಕ್ಲೆರ್ಡ್: ಬಿಸಿಸಿಐ ಅಧ್ಯಕ್ಷರ ಇಲೆವನ್ : 6ಕ್ಕೆ397 ಡಿಕ್ಲೆರ್ಡ್ (ಧ್ರುವ ಶೋರೆ  101, ರಿಕಿ ಭುಯ್ 91, ಅನಮೋಲ್ ಪ್ರೀತ್ ಸಿಂಗ್ 32, ಇಶಾನ್ ಕಿಶನ್ 17, ವಾನ್ ಬರ್ಗ್ 62ಕ್ಕೆ3), ಎರಡನೇ ಇನಿಂಗ್ಸ್: ದಕ್ಷಿಣ ಆಫ್ರಿಕಾ ‘ಎ’ : 15.5 ಓವರ್‌ಗಳಲ್ಲಿ 2 ವಿಕೆಟ್‌ಗಳಿಗೆ  61 (ಪ್ರಿಟೊರಿಯಸ್ 27, ವಾನ್ ಬರ್ಗ್ 18, ಡಿಎಲ್. ಪಿಡ್ತ್ 16) ಫಲಿತಾಂಶ: ಪಂದ್ಯ ಡ್ರಾ.

ಬರಹ ಇಷ್ಟವಾಯಿತೆ?

  • 9

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !