<p><strong>ಗಾಲ್:</strong> ದಿನದಾಟದ ಕೊನೆಯ ಓವರ್ನಲ್ಲಿ ರನ್ ಔಟ್ ಆದ ನಾಯಕ ಜೋ ರೂಟ್ ದ್ವಿಶತಕದಿಂದ ವಂಚಿತರಾದರು. ಆದರೂ ಅಮೋಘ ಬ್ಯಾಟಿಂಗ್ ಮೂಲಕ ಇಂಗ್ಲೆಂಡ್ ತಂಡವನ್ನು ಅಪಾಯದಿಂದ ಪಾರುಮಾಡುವಲ್ಲಿ ಯಶಸ್ವಿಯಾದರು. ಜೋಸ್ ಬಟ್ಲರ್ (55; 95 ಎ, 7 ಬೌಂ) ಜೊತೆ 97 ಮತ್ತು ಡಾಮ್ ಬೆಸ್ ಜೊತೆ 81 ರನ್ಗಳ ಜೊತೆಯಾಟ ಆಡಿದ ರೂಟ್ (186; 309 ಎಸೆತ, 18 ಬೌಂಡರಿ) ಬ್ಯಾಟಿಂಗ್ ಬಲದಿಂದ ಶ್ರೀಲಂಕಾ ಎದುರಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಚೇತರಿಸಿಕೊಂಡಿತು.</p>.<p>ಶ್ರೀಲಂಕಾದ ಮೊದಲ ಇನಿಂಗ್ಸ್ ಮೊತ್ತವಾದ 381 ರನ್ಗಳಿಗೆ ಉತ್ತರವಾಗಿ ಮೂರನೇ ದಿನದಾಟದ ಮುಕ್ತಾಯಕ್ಕೆ ಇಂಗ್ಲೆಂಡ್ ಒಂಬತ್ತು ವಿಕೆಟ್ಗಳಿಗೆ 339 ರನ್ ಗಳಿಸಿದ್ದು 42 ರನ್ಗಳ ಹಿನ್ನಡೆಯಲ್ಲಿದೆ. 99ನೇ ಟೆಸ್ಟ್ ಪಂದ್ಯ ಆಡುತ್ತಿರುವ ರೂಟ್ ಎರಡನೇ ದಿನವಾದ ಶನಿವಾರ 67 ರನ್ ಗಳಿಸಿದ್ದರು. ಭಾನುವಾರ ಭೋಜನ ವಿರಾಮಕ್ಕೂ ಮೊದಲು 19ನೇ ಶತಕ ಪೂರೈಸಿದರು. ಸತತ ಎರಡನೇ ದ್ವಿಶತಕ ಗಳಿಸುವ ಭರವಸೆ ಮೂಡಿಸಿದ್ದರು. ಆದರೆ ಒಶಾಡ ಫರ್ನಾಂಡೊ ಅವರ ನೇರ ಎಸೆತದಿಂದ ರನ್ ಔಟ್ ಆಗಿ ಮರಳಿದರು. ಅಲ್ಲಿಗೆ ದಿನದಾಟವನ್ನು ಮುಕ್ತಾಯಗೊಳಿಸಲು ನಿರ್ಧರಿಸಲಾಯಿತು. ಖಾತೆ ತೆರೆಯದ ಜಾಕ್ ಲೀಚ್ ಕ್ರೀಸ್ನಲ್ಲಿದ್ದರು.</p>.<p>ಎಡಗೈ ಸ್ಪಿನ್ನರ್ ಲಸಿತ್ ಎಂಬುಲ್ದೇನಿಯಾ ಅವರು ಜೋ ರೂಟ್ ಮತ್ತು ಡಾಮ್ ಬೆಸ್ ನಡುವಿನ ಜೊತೆಯಾಟವನ್ನು ಮುರಿದು ಆತಿಥೇಯರ ಪಾಳಯದಲ್ಲಿ ಭರವಸೆ ಮೂಡಿಸಿದರು. ಅವರು ಒಟ್ಟು ಏಳು ವಿಕೆಟ್ ಉರುಳಿಸಿ ಮಿಂಚಿದರು. ಈ ಮೂಲಕ ಮೂರನೇ ಬಾರಿ ಐದು ವಿಕೆಟ್ ಗೊಂಚಲು ಪಡೆದರು. ಬಟ್ಲರ್ ವಿಕೆಟ್ ಪಡೆಯುವುದರೊಂದಿಗೆ ರಮೇಶ್ ಮೆಂಡಿಸ್ ಚೊಚ್ಚಲ ವಿಕೆಟ್ ಗಳಿಸಿದರು.</p>.<p>ದಿನದಾಟದ ಮೊದಲ ಅವಧಿಯಲ್ಲಿ ಎಂಬುಲ್ದೇನಿಯಾ ಅವರು ಜಾನಿ ಬೇಸ್ಟೊ ವಿಕೆಟ್ ಸೇರಿದಂತೆ ಎರಡು ವಿಕೆಟ್ ಉರುಳಿಸಿದರು. ಈ ಮೂಲಕ ಬೇಸ್ಟೊ ಮತ್ತು ರೂಟ್ ನಡುವಿನ 111 ರನ್ಗಳ ಜೊತೆಯಾಟಕ್ಕೆ ತೆರೆ ಬಿತ್ತು. ಬೇಸ್ಟೊ ಶನಿವಾರದ ಮೊತ್ತಕ್ಕೆ ಕೇವಲ ನಾಲ್ಕು ರನ್ ಸೇರಿಸಿ ಮರಳಿದರು.</p>.<p><strong>ಸಂಕ್ಷಿಪ್ತ ಸ್ಕೋರು:</strong> ಮೊದಲ ಇನಿಂಗ್ಸ್: ಶ್ರೀಲಂಕಾ: 139.3 ಓವರ್ಗಳಲ್ಲಿ 381; ಇಂಗ್ಲೆಂಡ್: (ಶನಿವಾರ 30 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 98): 114.2 ಓವರ್ಗಳಲ್ಲಿ 9ಕ್ಕೆ 339 (ಜಾನಿ ಬೇಸ್ಟೊ 28, ಜೋ ರೂಟ್ 186, ಜೋಸ್ ಬಟ್ಲರ್ 55, ಡಾಮ್ ಬೆಸ್ 32; ಲಸಿತ್ ಎಂಬುಲ್ಡೇನಿಯಾ 132ಕ್ಕೆ7, ರಮೇಶ್ ಮೆಂಡಿಸ್ 48ಕ್ಕೆ1).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗಾಲ್:</strong> ದಿನದಾಟದ ಕೊನೆಯ ಓವರ್ನಲ್ಲಿ ರನ್ ಔಟ್ ಆದ ನಾಯಕ ಜೋ ರೂಟ್ ದ್ವಿಶತಕದಿಂದ ವಂಚಿತರಾದರು. ಆದರೂ ಅಮೋಘ ಬ್ಯಾಟಿಂಗ್ ಮೂಲಕ ಇಂಗ್ಲೆಂಡ್ ತಂಡವನ್ನು ಅಪಾಯದಿಂದ ಪಾರುಮಾಡುವಲ್ಲಿ ಯಶಸ್ವಿಯಾದರು. ಜೋಸ್ ಬಟ್ಲರ್ (55; 95 ಎ, 7 ಬೌಂ) ಜೊತೆ 97 ಮತ್ತು ಡಾಮ್ ಬೆಸ್ ಜೊತೆ 81 ರನ್ಗಳ ಜೊತೆಯಾಟ ಆಡಿದ ರೂಟ್ (186; 309 ಎಸೆತ, 18 ಬೌಂಡರಿ) ಬ್ಯಾಟಿಂಗ್ ಬಲದಿಂದ ಶ್ರೀಲಂಕಾ ಎದುರಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಚೇತರಿಸಿಕೊಂಡಿತು.</p>.<p>ಶ್ರೀಲಂಕಾದ ಮೊದಲ ಇನಿಂಗ್ಸ್ ಮೊತ್ತವಾದ 381 ರನ್ಗಳಿಗೆ ಉತ್ತರವಾಗಿ ಮೂರನೇ ದಿನದಾಟದ ಮುಕ್ತಾಯಕ್ಕೆ ಇಂಗ್ಲೆಂಡ್ ಒಂಬತ್ತು ವಿಕೆಟ್ಗಳಿಗೆ 339 ರನ್ ಗಳಿಸಿದ್ದು 42 ರನ್ಗಳ ಹಿನ್ನಡೆಯಲ್ಲಿದೆ. 99ನೇ ಟೆಸ್ಟ್ ಪಂದ್ಯ ಆಡುತ್ತಿರುವ ರೂಟ್ ಎರಡನೇ ದಿನವಾದ ಶನಿವಾರ 67 ರನ್ ಗಳಿಸಿದ್ದರು. ಭಾನುವಾರ ಭೋಜನ ವಿರಾಮಕ್ಕೂ ಮೊದಲು 19ನೇ ಶತಕ ಪೂರೈಸಿದರು. ಸತತ ಎರಡನೇ ದ್ವಿಶತಕ ಗಳಿಸುವ ಭರವಸೆ ಮೂಡಿಸಿದ್ದರು. ಆದರೆ ಒಶಾಡ ಫರ್ನಾಂಡೊ ಅವರ ನೇರ ಎಸೆತದಿಂದ ರನ್ ಔಟ್ ಆಗಿ ಮರಳಿದರು. ಅಲ್ಲಿಗೆ ದಿನದಾಟವನ್ನು ಮುಕ್ತಾಯಗೊಳಿಸಲು ನಿರ್ಧರಿಸಲಾಯಿತು. ಖಾತೆ ತೆರೆಯದ ಜಾಕ್ ಲೀಚ್ ಕ್ರೀಸ್ನಲ್ಲಿದ್ದರು.</p>.<p>ಎಡಗೈ ಸ್ಪಿನ್ನರ್ ಲಸಿತ್ ಎಂಬುಲ್ದೇನಿಯಾ ಅವರು ಜೋ ರೂಟ್ ಮತ್ತು ಡಾಮ್ ಬೆಸ್ ನಡುವಿನ ಜೊತೆಯಾಟವನ್ನು ಮುರಿದು ಆತಿಥೇಯರ ಪಾಳಯದಲ್ಲಿ ಭರವಸೆ ಮೂಡಿಸಿದರು. ಅವರು ಒಟ್ಟು ಏಳು ವಿಕೆಟ್ ಉರುಳಿಸಿ ಮಿಂಚಿದರು. ಈ ಮೂಲಕ ಮೂರನೇ ಬಾರಿ ಐದು ವಿಕೆಟ್ ಗೊಂಚಲು ಪಡೆದರು. ಬಟ್ಲರ್ ವಿಕೆಟ್ ಪಡೆಯುವುದರೊಂದಿಗೆ ರಮೇಶ್ ಮೆಂಡಿಸ್ ಚೊಚ್ಚಲ ವಿಕೆಟ್ ಗಳಿಸಿದರು.</p>.<p>ದಿನದಾಟದ ಮೊದಲ ಅವಧಿಯಲ್ಲಿ ಎಂಬುಲ್ದೇನಿಯಾ ಅವರು ಜಾನಿ ಬೇಸ್ಟೊ ವಿಕೆಟ್ ಸೇರಿದಂತೆ ಎರಡು ವಿಕೆಟ್ ಉರುಳಿಸಿದರು. ಈ ಮೂಲಕ ಬೇಸ್ಟೊ ಮತ್ತು ರೂಟ್ ನಡುವಿನ 111 ರನ್ಗಳ ಜೊತೆಯಾಟಕ್ಕೆ ತೆರೆ ಬಿತ್ತು. ಬೇಸ್ಟೊ ಶನಿವಾರದ ಮೊತ್ತಕ್ಕೆ ಕೇವಲ ನಾಲ್ಕು ರನ್ ಸೇರಿಸಿ ಮರಳಿದರು.</p>.<p><strong>ಸಂಕ್ಷಿಪ್ತ ಸ್ಕೋರು:</strong> ಮೊದಲ ಇನಿಂಗ್ಸ್: ಶ್ರೀಲಂಕಾ: 139.3 ಓವರ್ಗಳಲ್ಲಿ 381; ಇಂಗ್ಲೆಂಡ್: (ಶನಿವಾರ 30 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 98): 114.2 ಓವರ್ಗಳಲ್ಲಿ 9ಕ್ಕೆ 339 (ಜಾನಿ ಬೇಸ್ಟೊ 28, ಜೋ ರೂಟ್ 186, ಜೋಸ್ ಬಟ್ಲರ್ 55, ಡಾಮ್ ಬೆಸ್ 32; ಲಸಿತ್ ಎಂಬುಲ್ಡೇನಿಯಾ 132ಕ್ಕೆ7, ರಮೇಶ್ ಮೆಂಡಿಸ್ 48ಕ್ಕೆ1).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
