<p><strong>ಚೆನ್ನೈ</strong>: ಸತತ ಮೂರು ಪಂದ್ಯಗಳಲ್ಲಿ ವೈಫಲ್ಯ ಅನುಭವಿಸಿದ್ದ ಸಂಜು ಸ್ಯಾಮ್ಸನ್ ಶನಿವಾರ ಚೆಪಾಕ್ ಕ್ರೀಡಾಂಗಣದಲ್ಲಿ ಮರಳಿ ಅರಳಿದರು. ಅವರ ಅಮೋಘ ಶತಕದ ನೆರವಿನಿಂದ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಐಪಿಎಲ್ನ ಹಾಲಿ ಆವೃತ್ತಿಯಲ್ಲಿ ಮೊದಲ ಜಯ ದಾಖಲಿಸಿತು.</p><p>ಹ್ಯಾಟ್ರಿಕ್ ಸೋಲು ಅನುಭವಿಸಿದ್ದ ಋತುರಾಜ್ ಗಾಯಕವಾಡ್ ಬಳಗವು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 23 ರನ್ಗಳ ಜಯ ದಾಖಲಿಸಿತು. ಅಕ್ಷರ್ ಪಟೇಲ್ ಪಡೆಗೆ ಇದು ಸತತ ಎರಡನೇ ಸೋಲು.</p><p>ರಾಜಸ್ಥಾನ ರಾಯಲ್ಸ್ನಿಂದ ಚೆನ್ನೈ ತಂಡಕ್ಕೆ ಬಂದ ಸಂಜು ಅವರಿಗೆ ಮೊದಲ ಮೂರು ಪಂದ್ಯಗಳಲ್ಲಿ ಎರಡಂಕಿ ದಾಟಲು ಸಾಧ್ಯವಾಗಿರಲಿಲ್ಲ. ಆದರೆ, ಈ ಪಂದ್ಯದಲ್ಲಿ 56 ಎಸೆತಗಳಲ್ಲಿ ಅಜೇಯ 115 ರನ್ ಬಾರಿಸಿದರು. ಐಪಿಎಲ್ನಲ್ಲಿ ಅವರಿಗೆ ಇದು ನಾಲ್ಕನೇ ಶತಕವಾಗಿದೆ. ಅವರು ಮತ್ತು ಯುವತಾರೆ ಆಯುಷ್ ಮ್ಹಾತ್ರೆ (59; 36ಎ, 4x3, 6x4) ಅವರ ಅಟದ ಬಲದಿಂದ ಚೆನ್ನೈ ತಂಡವು 20 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 212 ರನ್ ಗಳಿಸಿತು.</p><p>ಕಠಿಣ ಗುರಿಯನ್ನು ಬೆನ್ನಟ್ಟಿದ ಡೆಲ್ಲಿ ತಂಡಕ್ಕೆ ಇಂಗ್ಲೆಂಡ್ನ ವೇಗಿ ಜೇಮಿ ಓವರ್ಟನ್ (18ಕ್ಕೆ 4) ಮತ್ತು ಅನ್ಶುಲ್ ಕಂಬೋಜ್ (35ಕ್ಕೆ 3) ಕಡಿವಾಣ ಹಾಕಿದರು. ಇದರಿಂದಾಗಿ ನಿಗದಿತ ಓವರ್ಗಳಲ್ಲಿ 189 ರನ್ ಗಳಿಸಿ ಹೋರಾಟವನ್ನು ಮುಗಿಸಿತು. </p><p>ಪಥುಮ್ ನಿಸಾಂಕ (41) ಮತ್ತು ಕೆ.ಎಲ್.ರಾಹುಲ್ (18) ಮೊದಲ ವಿಕೆಟ್ಗೆ 61 ಸೇರಿಸಿ ಉತ್ತಮ ಆರಂಭ ನೀಡಿದರು. ಆದರೆ, ನಂತರದಲ್ಲಿ ಕಂಬೋಜ್ ಮತ್ತು ಓವರ್ಟನ್ ದಾಳಿಗೆ ನಿಯಮಿತವಾಗಿ ವಿಕೆಟ್ಗಳು ಉರುಳಿದವು. ಆದರೆ, ಮಧ್ಯಮ ಕ್ರಮಾಂಕದಲ್ಲಿ ಟ್ರಿಸ್ಟನ್ ಸ್ಟಬ್ಸ್ (60;38) ಏಕಾಂಗಿ ಹೋರಾಟ ತೋರಿದರೂ ಗೆಲುವಿನ ಗುರಿ ದೂರವಿತ್ತು.</p><p>ಇದಕ್ಕೂ ಮುನ್ನ ಟಾಸ್ ಗೆದ್ದ ಡೆಲ್ಲಿ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಸಂಜು ಮತ್ತು ನಾಯಕ ಋತುರಾಜ್ (15; 18ಎ) ಅವರು ಪವರ್ಪ್ಲೇ ಹಂತದಲ್ಲಿ 62 ರನ್ ಸೇರಿಸಿದರು. ಡೆಲ್ಲಿ ನಾಯಕ, ಸ್ಪಿನ್ನರ್ ಅಕ್ಷರ್ ಪಟೇಲ್ ಅವರು ಋತುರಾಜ್ ವಿಕೆಟ್ ಗಳಿಸಿ ಜೊತೆಯಾಟ ಮುರಿದರು.</p><p>ಸಂಜು ಜೊತೆಗೂಡಿದ ಆಯುಷ್ ಅವರು ಎರಡನೇ ವಿಕೆಟ್ ಜೊತೆಯಾಟದಲ್ಲಿ 68 ಎಸೆತಗಳಲ್ಲಿ 113 ರನ್ ಸೇರಿಸಿದರು. ಆಯುಷ್ ಅವರ ಎರಡು ಕ್ಯಾಚ್ಗಳನ್ನೂ ಫೀಲ್ಡರ್ಗಳು ಕೈಚೆಲ್ಲಿದರು. </p><p>ಆಯುಷ್ ಅವರು ಗಾಯಗೊಂಡು ನಿವೃತ್ತರಾಗಿ ಪೆವಿಲಿಯನ್ಗೆ ಮರಳಿದರು. ಈ ಸಂದರ್ಭದಲ್ಲಿ ಕ್ರೀಸ್ಗೆ ಬಂದ ಶಿವಂ ದುಬೆ 10 ಎಸೆತಗಳಲ್ಲಿ 20 ರನ್ ಹೊಡೆದರು. </p><p>ಸಂಜು ಕಳೆದೆರಡೂ ಪಂದ್ಯಗಳಲ್ಲಿ ಫಾರ್ಮ್ ಕಳೆದುಕೊಂಡಿದ್ದರು. ಆದರೆ, ಇಲ್ಲಿ ಅವರು ತಮ್ಮ ಬ್ಯಾಟಿಂಗ್ ಸೊಬಗನ್ನು ಚೆನ್ನೈ ಅಭಿಮಾನಿಗಳಿಗೆ ಉಣಬಡಿಸಿದರು. ಅವರ ಶತಕದಲ್ಲಿ 15 ಬೌಂಡರಿ ಹಾಗೂ 4 ಸಿಕ್ಸರ್ ಇದ್ದವು.</p><p><strong>ಸಂಕ್ಷಿಪ್ತ ಸ್ಕೋರು:</strong></p><p>ಚೆನ್ನೈ ಸೂಪರ್ ಕಿಂಗ್ಸ್: 20 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 212 (ಸಂಜು ಸ್ಯಾಮ್ಸನ್ ಔಟಾಗದೇ 115, ಆಯುಷ್ ಮ್ಹಾತ್ರೆ ಗಾಯಗೊಂಡು ನಿವೃತ್ತಿ 59, ಶಿವಂ ದುಬೆ ಔಟಾಗದೇ 20, ಅಕ್ಷರ್ ಪಟೇಲ್ 39ಕ್ಕೆ1).</p><p>ಡೆಲ್ಲಿ ಕ್ಯಾಪಿಟಲ್ಸ್: 20 ಓವರ್ಗಳಲ್ಲಿ 189 (ಪಥುಮ್ ನಿಸಾಂಕ 41, ಕೆ.ಎಲ್.ರಾಹುಲ್ 18, ಟ್ರಿಸ್ಟನ್ ಸ್ಟಬ್ಸ್ 60, ಆಶುತೋಷ್ ಶರ್ಮಾ 19; ಜೇಮಿ ಓವರ್ಟನ್ 18ಕ್ಕೆ4, ಅನ್ಶುಲ್ ಕಂಬೋಜ್ 35ಕ್ಕೆ3). ಪಂದ್ಯದ ಆಟಗಾರ: ಸಂಜು ಸ್ಯಾಮ್ಸನ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ</strong>: ಸತತ ಮೂರು ಪಂದ್ಯಗಳಲ್ಲಿ ವೈಫಲ್ಯ ಅನುಭವಿಸಿದ್ದ ಸಂಜು ಸ್ಯಾಮ್ಸನ್ ಶನಿವಾರ ಚೆಪಾಕ್ ಕ್ರೀಡಾಂಗಣದಲ್ಲಿ ಮರಳಿ ಅರಳಿದರು. ಅವರ ಅಮೋಘ ಶತಕದ ನೆರವಿನಿಂದ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಐಪಿಎಲ್ನ ಹಾಲಿ ಆವೃತ್ತಿಯಲ್ಲಿ ಮೊದಲ ಜಯ ದಾಖಲಿಸಿತು.</p><p>ಹ್ಯಾಟ್ರಿಕ್ ಸೋಲು ಅನುಭವಿಸಿದ್ದ ಋತುರಾಜ್ ಗಾಯಕವಾಡ್ ಬಳಗವು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 23 ರನ್ಗಳ ಜಯ ದಾಖಲಿಸಿತು. ಅಕ್ಷರ್ ಪಟೇಲ್ ಪಡೆಗೆ ಇದು ಸತತ ಎರಡನೇ ಸೋಲು.</p><p>ರಾಜಸ್ಥಾನ ರಾಯಲ್ಸ್ನಿಂದ ಚೆನ್ನೈ ತಂಡಕ್ಕೆ ಬಂದ ಸಂಜು ಅವರಿಗೆ ಮೊದಲ ಮೂರು ಪಂದ್ಯಗಳಲ್ಲಿ ಎರಡಂಕಿ ದಾಟಲು ಸಾಧ್ಯವಾಗಿರಲಿಲ್ಲ. ಆದರೆ, ಈ ಪಂದ್ಯದಲ್ಲಿ 56 ಎಸೆತಗಳಲ್ಲಿ ಅಜೇಯ 115 ರನ್ ಬಾರಿಸಿದರು. ಐಪಿಎಲ್ನಲ್ಲಿ ಅವರಿಗೆ ಇದು ನಾಲ್ಕನೇ ಶತಕವಾಗಿದೆ. ಅವರು ಮತ್ತು ಯುವತಾರೆ ಆಯುಷ್ ಮ್ಹಾತ್ರೆ (59; 36ಎ, 4x3, 6x4) ಅವರ ಅಟದ ಬಲದಿಂದ ಚೆನ್ನೈ ತಂಡವು 20 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 212 ರನ್ ಗಳಿಸಿತು.</p><p>ಕಠಿಣ ಗುರಿಯನ್ನು ಬೆನ್ನಟ್ಟಿದ ಡೆಲ್ಲಿ ತಂಡಕ್ಕೆ ಇಂಗ್ಲೆಂಡ್ನ ವೇಗಿ ಜೇಮಿ ಓವರ್ಟನ್ (18ಕ್ಕೆ 4) ಮತ್ತು ಅನ್ಶುಲ್ ಕಂಬೋಜ್ (35ಕ್ಕೆ 3) ಕಡಿವಾಣ ಹಾಕಿದರು. ಇದರಿಂದಾಗಿ ನಿಗದಿತ ಓವರ್ಗಳಲ್ಲಿ 189 ರನ್ ಗಳಿಸಿ ಹೋರಾಟವನ್ನು ಮುಗಿಸಿತು. </p><p>ಪಥುಮ್ ನಿಸಾಂಕ (41) ಮತ್ತು ಕೆ.ಎಲ್.ರಾಹುಲ್ (18) ಮೊದಲ ವಿಕೆಟ್ಗೆ 61 ಸೇರಿಸಿ ಉತ್ತಮ ಆರಂಭ ನೀಡಿದರು. ಆದರೆ, ನಂತರದಲ್ಲಿ ಕಂಬೋಜ್ ಮತ್ತು ಓವರ್ಟನ್ ದಾಳಿಗೆ ನಿಯಮಿತವಾಗಿ ವಿಕೆಟ್ಗಳು ಉರುಳಿದವು. ಆದರೆ, ಮಧ್ಯಮ ಕ್ರಮಾಂಕದಲ್ಲಿ ಟ್ರಿಸ್ಟನ್ ಸ್ಟಬ್ಸ್ (60;38) ಏಕಾಂಗಿ ಹೋರಾಟ ತೋರಿದರೂ ಗೆಲುವಿನ ಗುರಿ ದೂರವಿತ್ತು.</p><p>ಇದಕ್ಕೂ ಮುನ್ನ ಟಾಸ್ ಗೆದ್ದ ಡೆಲ್ಲಿ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಸಂಜು ಮತ್ತು ನಾಯಕ ಋತುರಾಜ್ (15; 18ಎ) ಅವರು ಪವರ್ಪ್ಲೇ ಹಂತದಲ್ಲಿ 62 ರನ್ ಸೇರಿಸಿದರು. ಡೆಲ್ಲಿ ನಾಯಕ, ಸ್ಪಿನ್ನರ್ ಅಕ್ಷರ್ ಪಟೇಲ್ ಅವರು ಋತುರಾಜ್ ವಿಕೆಟ್ ಗಳಿಸಿ ಜೊತೆಯಾಟ ಮುರಿದರು.</p><p>ಸಂಜು ಜೊತೆಗೂಡಿದ ಆಯುಷ್ ಅವರು ಎರಡನೇ ವಿಕೆಟ್ ಜೊತೆಯಾಟದಲ್ಲಿ 68 ಎಸೆತಗಳಲ್ಲಿ 113 ರನ್ ಸೇರಿಸಿದರು. ಆಯುಷ್ ಅವರ ಎರಡು ಕ್ಯಾಚ್ಗಳನ್ನೂ ಫೀಲ್ಡರ್ಗಳು ಕೈಚೆಲ್ಲಿದರು. </p><p>ಆಯುಷ್ ಅವರು ಗಾಯಗೊಂಡು ನಿವೃತ್ತರಾಗಿ ಪೆವಿಲಿಯನ್ಗೆ ಮರಳಿದರು. ಈ ಸಂದರ್ಭದಲ್ಲಿ ಕ್ರೀಸ್ಗೆ ಬಂದ ಶಿವಂ ದುಬೆ 10 ಎಸೆತಗಳಲ್ಲಿ 20 ರನ್ ಹೊಡೆದರು. </p><p>ಸಂಜು ಕಳೆದೆರಡೂ ಪಂದ್ಯಗಳಲ್ಲಿ ಫಾರ್ಮ್ ಕಳೆದುಕೊಂಡಿದ್ದರು. ಆದರೆ, ಇಲ್ಲಿ ಅವರು ತಮ್ಮ ಬ್ಯಾಟಿಂಗ್ ಸೊಬಗನ್ನು ಚೆನ್ನೈ ಅಭಿಮಾನಿಗಳಿಗೆ ಉಣಬಡಿಸಿದರು. ಅವರ ಶತಕದಲ್ಲಿ 15 ಬೌಂಡರಿ ಹಾಗೂ 4 ಸಿಕ್ಸರ್ ಇದ್ದವು.</p><p><strong>ಸಂಕ್ಷಿಪ್ತ ಸ್ಕೋರು:</strong></p><p>ಚೆನ್ನೈ ಸೂಪರ್ ಕಿಂಗ್ಸ್: 20 ಓವರ್ಗಳಲ್ಲಿ 2 ವಿಕೆಟ್ಗಳಿಗೆ 212 (ಸಂಜು ಸ್ಯಾಮ್ಸನ್ ಔಟಾಗದೇ 115, ಆಯುಷ್ ಮ್ಹಾತ್ರೆ ಗಾಯಗೊಂಡು ನಿವೃತ್ತಿ 59, ಶಿವಂ ದುಬೆ ಔಟಾಗದೇ 20, ಅಕ್ಷರ್ ಪಟೇಲ್ 39ಕ್ಕೆ1).</p><p>ಡೆಲ್ಲಿ ಕ್ಯಾಪಿಟಲ್ಸ್: 20 ಓವರ್ಗಳಲ್ಲಿ 189 (ಪಥುಮ್ ನಿಸಾಂಕ 41, ಕೆ.ಎಲ್.ರಾಹುಲ್ 18, ಟ್ರಿಸ್ಟನ್ ಸ್ಟಬ್ಸ್ 60, ಆಶುತೋಷ್ ಶರ್ಮಾ 19; ಜೇಮಿ ಓವರ್ಟನ್ 18ಕ್ಕೆ4, ಅನ್ಶುಲ್ ಕಂಬೋಜ್ 35ಕ್ಕೆ3). ಪಂದ್ಯದ ಆಟಗಾರ: ಸಂಜು ಸ್ಯಾಮ್ಸನ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
