ಕೋಲ್ಕತ್ತ: ಚೆಕ್‌ ಬೌನ್ಸ್‌ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೆಚ್ಚಿನ ವಿಚಾರಣೆಗಾಗಿ ಜನವರಿ 15ರೊಳಗೆ ಖುದ್ದಾಗಿ ನ್ಯಾಯಾಲಯಕ್ಕೆ ಹಾಜರಾಗುವಂತೆ ಭಾರತ ಕ್ರಿಕೆಟ್‌ ತಂಡದ ಆಟಗಾರ ಮೊಹಮ್ಮದ್‌ ಶಮಿ ಅವರಿಗೆ ಇಲ್ಲಿನ ಚೀಫ್‌ ಜ್ಯುಡಿಷಿಯಲ್‌ ಮ್ಯಾಜಿಸ್ಟ್ರೇಟ್‌ ಕೋರ್ಟ್‌ ಬುಧವಾರ ಸಮನ್ಸ್‌ ಜಾರಿ ಮಾಡಿದೆ.
ಒಂದೊಮ್ಮೆ ಶಮಿ, ವಿಚಾರಣೆಗೆ ಗೈರಾದರೆ ಅವರ ಬಂಧನಕ್ಕೆ ವಾರೆಂಟ್‌ ಜಾರಿ ಮಾಡಲಾಗುವುದು ಎಂದು ಅಲಿಪುರ್‌ ಜ್ಯುಡಿಷಿಯಲ್‌ ಮ್ಯಾಜಿಸ್ಟ್ರೇಟ್‌ ಮೊಹಮ್ಮದ್‌ ಜಾಫರ್‌ ಪರ್ವೇಜ್‌ ಹೇಳಿದ್ದಾರೆ.
ಶಮಿ, ಮಾಸಿಕ ಜೀವನಾಂಶ ನೀಡುತ್ತಿದ್ದು, ಅವರು ಕೊಟ್ಟಿದ್ದ ಚೆಕ್‌, ಬೌನ್ಸ್‌ ಆಗಿದೆ ಎಂದು ಪತ್ನಿ ಹಸೀನ ಜಹಾನ್‌ ಇತ್ತೀಚೆಗೆ ದೂರು ದಾಖಲಿಸಿದ್ದರು.
