ಈ ಕುರಿತು ಹಿರಿಯ ಕ್ರಿಕೆಟಿಗ, ಎಡಗೈ ಸ್ಪಿನ್ನರ್ ಸುನಿಲ್ ಜೋಶಿ, ‘ಇದು ಸ್ಪಿನ್ ಕಲೆಗೆ ಮಾರಕ ಎಂದು ನನಗನಿಸುವುದಿಲ್ಲ. ಇಂದೋರ್ನಲ್ಲಿ ನಡೆದಿದ್ದ ಮೊದಲ ಪಂದ್ಯ ಮತ್ತು ಅದಕ್ಕೂ ಮುನ್ನ ದ.ಆಫ್ರಿಕಾ ಸರಣಿಯಲ್ಲಿ ಸ್ಪಿನ್ನರ್ಗಳು ಉತ್ತಮವಾಗಿ ಆಡಿದ್ದರು. ಈ ಪಂದ್ಯದ ಗೆಲುವಿನಲ್ಲಿ ಮಧ್ಯಮವೇಗಿಗಳ ಪಾತ್ರ ದೊಡ್ಡದು. ನಮ್ಮ ತಂಡದಲ್ಲಿ ಉತ್ತಮ ಮಧ್ಯಮವೇಗಿಗಳು ಇದ್ದಾರೆ. ಅವರು ಪಂದ್ಯ ಗೆಲ್ಲಿಸಿಕೊಡುವ ಸಮರ್ಥರಾಗಿದ್ದಾರೆ. ಅವರ ಸ್ವಿಂಗ್ ಮತ್ತು ಶಿಸ್ತಿನ ದಾಳಿಯನ್ನು ತಾಳ್ಮೆಯಿಂದ ಆಡುವಲ್ಲಿ ಎದುರಾಳಿಗಳು ಸಫಲರಾಗಲಿಲ್ಲ’ ಎಂದರು.