‘ಧೋನಿ, ವಿಶ್ವಶ್ರೇಷ್ಠ ನಾಯಕ ಹಾಗೂ ಆಟಗಾರ. ಅವರ ಉಪಸ್ಥಿತಿಯಿಂದ ತಂಡಕ್ಕೆ ಲಾಭವೇ ಹೆಚ್ಚು. ಎಂತಹುದೇ ಸಂದರ್ಭದಲ್ಲೂ ತಾಳ್ಮೆ ಕಳೆದುಕೊಳ್ಳದ ಅವರು ಶಾಂತ ಚಿತ್ತದಿಂದಲೇ ಎಲ್ಲವನ್ನೂ ನಿಭಾಯಿಸುತ್ತಿದ್ದರು. ಪ್ರಯೋಗಶೀಲರಾಗಿದ್ದ ಅವರು ಅಮೂಲ್ಯ ಸಲಹೆಗಳನ್ನು ನೀಡುತ್ತಾ ಯುವ ಆಟಗಾರರನ್ನು ಹುರಿದುಂಬಿಸುತ್ತಿದ್ದರು. ಆದರೆ ಎಲ್ಲದಕ್ಕೂ ಕೊನೆ ಇದೆಯಲ್ಲವೇ. ಎಲ್ಲರಿಗೂ ಕುಟುಂಬ ಎಂಬುದೂ ಇದೆಯಲ್ಲವೇ. ಅವರ ಜೊತೆಯೂ ಸಮಯ ಕಳೆಯಬೇಕು. ಈ ನಿಟ್ಟಿನಲ್ಲಿ ನೋಡಿದರೆ ನಿವೃತ್ತಿ ಪಡೆಯಲು ಧೋನಿಗೆ ಇದು ಸೂಕ್ತ ಸಮಯ. ಅವರು ಗೌರವಯುತವಾಗಿಯೇ ತಂಡದಿಂದ ಹೊರಬರಬೇಕು’ ಎಂದೂ ತಿಳಿಸಿದ್ದಾರೆ.