'ನನಗೆ ಶಮಿ ಚೆನ್ನಾಗಿ ಗೊತ್ತು'; ಗೌತಮ್ ಗಂಭೀರ್ ಬೆಂಬಲ

ಕಿಡಿಗೇಡಿಗಳು ಮೊಹಮ್ಮದ್ ಶಮಿ ಅವರನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಧರ್ಮದ ಹೆಸರಿನಲ್ಲಿ ಅವಾಚ್ಯ ಪದಗಳಿಂದ ನಿಂದಿಸಿದ್ದರು.

ಇದನ್ನೂ ಓದಿ:ಹಿತಾಸಕ್ತಿ ಸಂಘರ್ಷ: ಎಟಿಕೆ ಮೋಹನ್ ಬಾಗನ್ ನಿರ್ದೇಶಕ ಹುದ್ದೆ ತ್ಯಜಿಸಲಿರುವ ಗಂಗೂಲಿ

ಈ ಕುರಿತು 'ಟೈಮ್ಸ್ ಆಫ್ ಇಂಡಿಯಾ' ಅಂಕಣದಲ್ಲಿ ಪ್ರತಿಕ್ರಿಯಿಸಿರುವ ಗಂಭೀರ್, 'ಪಾಕಿಸ್ತಾನ ವಿರುದ್ಧ ಭಾರತ ಸೋಲು ಅನುಭವಿಸಿದೆ. ಅದಾದ ನಂತರ ತಂಡದ ಹಾಗೂ ದೇಶದ ಮೇಲಿನ ಶಮಿ ನಿಯತ್ತನ್ನು ಪ್ರಶ್ನಿಸಲಾಗಿದೆ. ಎಷ್ಟು ಅಪಹಾಸ್ಯಕರ? ಒಂದು ನಿರ್ದಿಷ್ಟ ಧರ್ಮಕ್ಕೆ ಸೇರಿದ ಕಾರಣಕ್ಕೆ ಜಸ್‌ಪ್ರೀತ್ ಬೂಮ್ರಾ ಹಾಗೂ ಭುವನೇಶ್ವರ್ ಕುಮಾರ್ ಹೆಚ್ಚು ಬದ್ಧರಾಗಿದ್ದರು ಎಂದು ಹೇಳಬೇಕೇ? ನಾವು ಎತ್ತ ಸಾಗುತ್ತಿದ್ದೇವೆ?' ಎಂದು ಹೇಳಿದ್ದಾರೆ.

'ನನಗೆ ಶಮಿ ಚೆನ್ನಾಗಿ ಗೊತ್ತು, ನಾನು ಕೆಕೆಆರ್ ತಂಡದಲ್ಲಿ ಅವರನ್ನು ಮುನ್ನಡೆಸಿದ್ದೇನೆ. ಅವರು ಕಠಿಣ ಪರಿಶ್ರಮಿ ಹಾಗೂ ಬದ್ಧ ವೇಗದ ಬೌಲರ್ ಆಗಿದ್ದಾರೆ. ಅವರ ಪಾಲಿಗೆ ಕೆಟ್ಟ ದಿನವಾಗಿತ್ತು. ದುರದೃಷ್ಟವಶಾತ್ ಪಾಕಿಸ್ತಾನ ವಿರುದ್ಧ ಕೆಟ್ಟ ಪ್ರದರ್ಶನ ನೀಡಿದ್ದಾರೆ. ಆದರೆ ಯಾರಿಗೇ ಆದರೂ ಹೀಗೆ ಸಂಭವಿಸಬಹುದು. ನಾವು ಹೀಗೆ ಯಾಕೆ ಹೇಳಬಾರದು? ವೆಲ್ ಡನ್ ಪಾಕಿಸ್ತಾನ ಮತ್ತು ವಿಷಯವನ್ನು ಅಲ್ಲಿಗೆ ಮುಗಿಸಬೇಕು' ಎಂದು ಹೇಳಿದ್ದಾರೆ.