RCB vs CSK ಪಂದ್ಯದ ಟಿಕೆಟ್‌ಗಾಗಿ ₹ 1.46 ಲಕ್ಷ ಕಳೆದುಕೊಂಡ ಟೆಕ್ಕಿ!

ವಂಚಕನು ಕ್ರೀಡಾಂಗಣದ ಕೌಂಟರ್ ಮೇಲ್ವಿಚಾರಕನೆಂದು ಇನ್‌ಸ್ಟಾಗ್ರಾಂ ಮೂಲಕ ಪರಿಚಯಿಸಿಕೊಂಡು ಟಿಕೆಟ್ ಮತ್ತು ಫುಡ್ ಕೂಪನ್ ನೀಡುವುದಾಗಿ ಆಮಿಷವೊಡ್ಡಿದ್ದನು.

ಬೇರೆ ಬೇರೆ ಯುಪಿಐ ಖಾತೆಗಳ ಮೂಲಕ ಸಂತ್ರಸ್ತ ವ್ಯಕ್ತಿ ಹಂತ ಹಂತವಾಗಿ ಒಟ್ಟು ₹1.46 ಲಕ್ಷ ಹಣವನ್ನು ಪಾವತಿಸಿದ್ದಾರೆ.

ಸಂತ್ರಸ್ತನ ವಿಶ್ವಾಸ ಗಳಿಸಲು ವಂಚಕನು ಇಮೇಲ್ ಮೂಲಕ ನಕಲಿ ದೃಢೀಕರಣ ತಂತ್ರ ಬಳಸಿ, ವಂಚನೆ ಮುಂದುವರಿಸಿದ್ದ

ಹಣ ಪಾವತಿಸಿದ ನಂತರವೂ ಟಿಕೆಟ್ ಸಿಗದೆ ಮತ್ತು ವಂಚಕ ತಲೆಮರೆಸಿಕೊಂಡಿದ್ದರಿಂದ ಸಂತ್ರಸ್ತ ಮಹದೇವಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಬಿ. ನಾರಾಯಣಪುರ ನಿವಾಸಿಯಾಗಿರುವ ಐಟಿ ಉದ್ಯೋಗಿ ವೈಯಕ್ತಿಕ ಖಾತೆ ಮತ್ತು ತಾಯಿಯ ಖಾತೆಯಿಂದ ಹಣ ಪಾವತಿಸಿ ಮೋಸ ಹೋಗಿದ್ದಾರೆ.