ಬೆಂಗಳೂರು: ಪ್ರಜಾವಾಣಿ ದಿನಪತ್ರಿಕೆಗೆ ಬೆಂಗಳೂರು ಟರ್ಫ್ ಕ್ಲಬ್ನ (ಬಿಟಿಸಿ) ಟಿಪ್ಸ್ಟರ್ ಟ್ಯಾಲಿ ಟ್ರೋಫಿ ಸ್ಪರ್ಧೆಯಲ್ಲಿ ಪ್ರಶಸ್ತಿ ಗಳಿಸಿತು.
ಬೆಂಗಳೂರಿನ 2023-24 ಸಾಲಿನ ಚಳಿಗಾಲದ ರೇಸ್ಗಳಲ್ಲಿ ಬಿಟಿಸಿಯು ದಿನಪತ್ರಿಕೆ ವಿಭಾಗದಲ್ಲಿ ಏರ್ಪಡಿಸಿದ್ದ ಸ್ಪರ್ಧೆಯಲ್ಲಿ ಪ್ರಜಾವಾಣಿ ಮೊದಲ ಸ್ಥಾನ ಗಳಿಸಿತು. 24ನೇ ಬಾರಿ ಈ ಪ್ರಶಸ್ತಿಯು ಪತ್ರಿಕೆಗೆ ಸಂದಿದೆ.
ಚಳಿಗಾಲದ ಅವಧಿಯ 22 ದಿನಗಳಲ್ಲಿ ನಡೆದ 169 ರೇಸ್ಗಳಲ್ಲಿ, ರೇಸ್ ಪ್ರತಿನಿಧಿ ಡಿ.ರವಿಕುಮಾರ್ 69 ವಿಜಯೀ ಕುದುರೆಗಳನ್ನು ಗುರುತಿಸಿದ್ದಾರೆ.
